Filipi 2:3 - Alkitab Duri

³ na danggi' miangahhi to mipumelo mesa, ba'tu pangpuji tangkebattuan. Apa sibalikanna, la mpupengkajiongan kamu' kalemi, na la mikasiri' to tau laen na kalemi.

Filipi 2:3 Referans Kwoze

Roma 12:10

Sipakamoja' kamu' susi to tosile'to, misitaratte' too.

Galatia 5:26

Danggi' tamatampo, danggi' too tasipa'dikan penawa iarika sipangngimburuan.

Efesus 5:21

La mangpasituru' kamu' mesa' sola mesa'. Iamo buttinna kumua mikasiri' to Almaseh.

Efesus 4:2

Danggi' mimatampo, sipangkada rampa' kamu', sisabbarasan kamu' ammisipakamoja' too.

1 Petrus 5:5

Meta'dana' lako kamu' to malolle'pa kumua, la mangpesa'ding kamu' lako tomatua. Na lako kamu' sola ngasan meta'dana' kumua, danggi' mimatampo apa situlung kamu'. Nasaba' den diuki' lan Sura' Allataala kumua, “Naewa Puang Allataala to tomatampo, apa nakamasei to tompamajiong kalena.”

Filipi 2:14

Danggi' mimangnuku-nuku iarika site'geh ke denni apa mipugauk,

Galatia 5:15

Apa ia ke sikaba'ci kamu', iarika sipa'dikan ati kamu', jagai danggi' misipandasa.

1 Timotius 6:4

Iamo tomatampo na te'da apa naissen. Madoang bangri la massite'geh sola massita'go anna mpaden kamasereatian, kasisalan, mpau gaja' tau, ngkabatai bang tau,

Lukas 18:14

La miingaran! Ia tee passassung, ke polei lako bolana, mangkami napupenjaji tomelo Puang Allataala, na ia tee to-Farisi te'da. Nasaba' ia to tompamajao kalena la dipamajiong, apa ia to tompamajiong kalena, la dipamajao.”

Kada Bulawan 13:10

Ia to tomatampo mpaden bangri kasisakkan, apa ia to tomacca ntarima pangngajaran.

Kolose 3:8

Apa la mica'beanmi tee too to panggaukan susi joo, susinna mabirih, mangpabalah, mpugauk kagajatan, mpau gaja' tau, mangkada carepa.

2 Korintus 12:20

Magiangna' kumua, ia ke iti'mo', ia to kamu' te'damo misusi to kukadoangnginna, na moi tee aku' te'da toomo kususi to mikadoangnginna. Danggi' na ia ke iti'mo' anna ia mandamo kukita to tosibobo', tomapa'dik ati, topangmabirisan, tompangngundaran mesa kalena, tompau gaja' tolaen, tomangpeasa, tomatampo na tomangpasisala-sala.

1 Korintus 3:3

sanga mituru' unapa to kamadoangan penawammi. Sanga ia ke masere ati unapa kamu', mimassite'geh bang unapa, iamo joo mpabuttii kumua massipa' susi bangpa kamu' to totangnturu' Puang.

1 Korintus 15:9

Aku'mo rasulu'-Na Puang to kaminang majiongna. Tangsipato'na' disanga rasulu', nasaba' gaja budamo tomatappa' lako Puang Isa kusessa.

Roma 13:13

La maruruhki' susi kumua ratumi to kasalamatan. Danggi' mitakkajulu' gaja mangmaroah-roah, ammimalango. Danggi' manggauk sala, danggi' mipugaukki to tangsipato'na, danggi' massibobo' ba'tu masere ati.

Roma 2:8

Apa ia to tompangnginawan mesa bang kalena, na te'da namadoang mpugauk pakkaeloran-Na Puang Allataala, na nturu'ra kagajatan, liwa' nakaba'cinna Puang Allataala.

Kolose 3:12

Napakamoja' kamu' Puang Allataala na mangkamo kamu' napilei menjaji tau mesan-Na. Iamo joo la sikamasean kamu' padammi rupa tau, melo penawa, danggi' matampo, mangkada rampa' lako tau, sola sabbara' kamu'.

1 Petrus 3:8

Ee, tomala'bihku'! Katampakanna, la mesa' kada sola mesa' penawa kamu'. La sipakamoja' kamu' padammi tomatappa', la sikamasean too kamu', nadanggi' mimatampo.