Filipi 2:22 - Alkitab Duri

²² Mikitamo kumua wa'ding dikatappa'i to Timotius. Mangkamo' natulung mpangpeissenan Kareba Kasalamatan susi anak ntulung ambe'na.

Filipi 2:22 Referans Kwoze

1 Korintus 4:17

Na kusuami mati' to Timotius, to kupakamoja'. Ia to Timotius susi anak tonganku', natatta' mpugauk jaman-Na Puang. Iamo la mpangngingaran kamu' matumba caraku' nturu' Almaseh, susi to kupangpangngajaran lako sininna jamaa la umbo-umbo nanii.

2 Korintus 2:9

Ia to sura' mangka kuukiran kamu' la kunii nnuji kamu' kumua tuli madoang tongan unara kamu'ka nturu'i to pangpatujungku'.

1 Timotius 1:18

Ee, tokupuanak Timotius! Kupabarakkananko mpangngingaran tau, susi to mangka nakua nabi lan jamaa mpauko. Ingaranni joo apa napau nabi, ammuwa'ding ncau'i to tomangpangngajah sala,

2 Korintus 8:22

Denpa mesa' padanta' tomatappa' laen nasolan Titus. Tuli kikita sipa'na napajan kumua manassa madoang mangtulung. Na ia tee too la'bih madoangpa ntulung kamu' nnurusu'i tee pangrempunan doi', nasaba' liwa' kamu' nakatappa'i.

Titus 1:4

Titus, kupuanak tonganmoko, nasaba' pada matappa'miki' lako Almaseh. Dennaa upa' nabarakka'iko Ambe' Puang Allataala sola Puang Isa Almaseh, Tomangpasalama'ta', nabenko kamasannangan.

2 Timotius 3:10

Apa ia to iko muturu'imi to pangngajaranku', sipa'ku', na ia to patunna katuoanku'. Iko ngkitai matumba kamatapparanku' lako Puang Isa Almaseh sola pangpakamoja'ku' lako padangku' rupa tau, na muissen toomo to kasabbarasanku' sola kamawatanganku' lan kamaparrisan.

Filipi 2:20

Nasaba' ia manda kusolan sangpenawa mpikkiri' tonganni to miparalluinna.

2 Korintus 8:24

La mipangpekitan to pangpakamoja'mi lako, anna issen ngasanni jamaa kumua tomangpakamoja' kamu', namanassa kumua tongan to apa kipujian kamu'.

2 Korintus 8:8

Te'dara kupangpesuanni tee, apa kupaissennira kamu' kumua liwa' masumanga' to tolaen ntulung padanna tomatappa', angkuissenni kumua mangpakamoja' tonganmora kamu'ka.

Jamanna Rasulu' 16:2

Ia to tomatappa' jio kota Listra na kota Ikonium nakasiri' to Timotius.

Roma 5:4

na ia ke mawatangki' te'da tapugauk kasalan ke nakannaki' pecoba antaparannu.

1 Korintus 16:10

Ianna ratu Timotius mati', tarima meloi anna masannang torro sola kamu', nasaba' susi bang una aku' mpangjaman Puang Allataala.

Filipi 1:5

Mangkurru sumanga'na' lako Puang Allataala, nasaba' tatta' kamu' mesa' penawa ntulungna' mpangpeissenanni to Kareba Kasalamatan mammula jio mai misa'dingna ratu lako too allo.

Filipi 1:7

Sipato'na' mangpikkiri' susi joo, nasaba' kupakamoja' kamu' na mituru' toomi to jaman mangka dipabarakkananna', la lanna' pangtarungkuan, la ia ke mpangpeissenanna' Kareba Kasalamatan iarika mpamanassai kumua tongan joo Kareba.

Filipi 1:12

Ee, tokupusile'to! Parallu miissen kumua moi ditarungkuna' tee too, sabuda-budanna tau ssa'dingngii to Kareba Kasalamatan.

Filipi 1:16

Ia tuu lako tau mpangpeissenanni Almaseh, sanga napakamoja'i to Puang Allataala. Naissen kumua diangka'na' la mpamanassai to Kareba Kasalamatan kumua tongan.

1 Timotius 4:6

Ia ammutuli mpangpangngajaran ngasanni joo lako sininna padanta' tomatappa', manassamoko menjaji tomangjama melo-Na Puang Isa Almaseh, ammumatappa' tongan-tongan too, nasaba' tatta'ko mpelajahhi kadan-Na Puang Allataala sola pangngajaran tongan to muturu'mo mammula biccu'mu.