Filipi 2:15 - Alkitab Duri

¹⁵ dikua namanassa lako tolino to tangmaruruh na togaja', kumua tomelo kamu' mimaruruh na te'da caccami, apa taun-Namo kamu' Puang Allataala. Miarrangngii to tolino to tangnturu' Puang Allataala susi arrang lako tosala lalan,

Filipi 2:15 Referans Kwoze

1 Petrus 2:12

Mbai den tau to tangnturu' Puang to mpau gaja' kamu'. Iamo joo la melo to sipa'mi nakitai tau kumua melo to apa mipugauk. Na undinna naakui kumua melo to sipa'mi anna mpakala'bih Puang Allataala ke ratui rra'tah kara-karana tolino.

Matius 5:45

ammiwa'ding dikita anakka-Na Ambe'mi Puang Allataala jao suruga. Nasaba' Puang Allataala mpadenan allo tokassing sola togaja' na mparatuan too uran tomelo sola totangmelo.

1 Tesalonika 5:23

Dennaa upa' na Puang Allataala, to mpangbengan kamasannangan, mpupenjaji kamu' tau mesan-Na, na dennaa upa' na Ia njagai to penawammi, tangngahmi, na panggaukanmi nadanggi' mikasalan nate'da caccami, ke ratu pole'i Puangta' Puang Isa Almaseh.

2 Petrus 3:14

Ee, tomala'bihku' to kupakamoja'! Da'tan una kamu' ntajanni joo wattu, la mipengkulle-kullei sikalino padammi rupa tau anna te'da caccami ba'tu kakuranganmi ke mangngolomo kamu' lako Puang Allataala.

1 Korintus 1:8

Puangta' Puang Isa Almaseh Ia la mpamawatang kamu' mida'tan matappa' ratu lako cappa'na anna moi ci'di' te'da kasalanmi, ke ratu pole'mi.

Titus 2:10

te'da nakaala-ala, apa la mpangpekitanni kumua wa'ding dikatappa'i. Ianna massipa' susimo joo, la tuli napujii tau to pangngajaran-Na Puang Allataala, Tomangpasalama'ta'.

1 Petrus 2:9

Apa kamu'mo to bangsa napileimo Puang Allataala, ammimenjaji imangna Raja to mipangjaman. Napupenjaji kamu' bangsa to disarakki jio mai bangsa laen ammimenjaji tau mesan-Na. Napileimo kamu' la mpangpeissenan panggaukan-Na to te'da susinna. Iamo ntambai kamu' messun lan mai kamasolangan, ammimentama kamasannangan to liwa' mejangngaran.

Matius 5:48

Ia to Ambe'mi Puang Allataala jao suruga mpakamoja' sininna tolino. Iamo joo la susi toda mipugauk.”

1 Timotius 3:10

La diparessa jolo' joo tau, ia namanassa kumua tomakassing, mane'ri wa'ding mangjama ntulung jamaa.

1 Timotius 3:2

Ia to tonnatoro' jamaa parallu tomakassing. La mesa'ra bainena, to nta'tan kalena, tomandalan tangngah, messipa' melo. La masannang ke den tau lleppangngii, macca mangngajahhi,

Filipi 1:10

Ia ke susimi joo, miissenmi mpilei apa to melona, na te'da caccami ke ratu pole'mi Almaseh,

Efesus 5:27

Napugaukki susi joo anna te'da salana, kakuranganna, ba'tu cacca laenna to tomatappa', apa melo, mala'bih na sipato' ke'deh jio sa'dena Almaseh susi tobotting baine ke'deh jio sa'dena tobotting muane.

Roma 16:19

Na naissen ngasan tau kumua mangka kamu' nturu' pangngajaran-Na Puang Allataala. Na liwa' napusannang penawangku' joo. Dennaa upa' mimacca mpugauk kameloan, na tangmiissen mpugaukki to kagajatan.

Jamanna Rasulu' 2:40

Susimi joo napamanassanni Petrus, na budapa to kada laen nanii Petrus mpangngingaranni to tobuda nakua, “Mengkatoba' kamu'! Danggi' mituru' togaja' to tuo tee wattu, dikua danggi' nakanna kamu' pangsessa jio mai Puang Allataala.”

Matius 10:16

Nakuan pole' omi Puang Isa to anak gurun-Na, “Pesa'dingngii! Kusua kamu' male susi bembala' mentama tangnga serigala. Iamo joo la macca kamu' mbawa kalemi, mimaruruh.

Ibrani 7:26

Jaji, iamo Imang Lompo taparallui to Puang Isa. Tomelo Ia, te'da sala-Na ba'tu kakurangan-Na. Todipatorro leko' jio mai tomadosa, na dipaendek de' la'bih majaona na ia to langi'.

Titus 2:15

Pangpangngajaran ngasanni joo. La matongkoko mangpamasumanga' sola mpakainga'i to tompesa'dingngiko. Danggi' naden tau ntunaiko.

Titus 1:6

ia to tau la menjaji pekaamberan, iamo to tomakassing, mesa'ra bainena, na ia to anakkana tomatappa' ngasanmo lako Puang Isa, te'da natangmangpesa'ding ba'tu diparapa' mpugauk sala.

1 Timotius 5:20

Ia to tau mpugauk dosa la dipakainga' jio olona jamaa, dikua namalaja' to tau laen.

Jamanna Rasulu' 20:30

Na den too kamu' lan mai tangnga-tangngami la mpangpeissenan kareba tangtongan. Ia napugaukki susi joo la mpalao salari to tomatappa'mo lako Puang Isa nakua anna ia naturu'.

Yahya 5:35

Ia to Nabi Yahya susi palita dukku mangngarrang. Na ia joo kadanna susi arrang, apa cingga'tu'ra kamu' masannang ntarimai.

Lukas 6:35

Te'da nalasusi joo! Sibalikanna, pakamoja'i to ewalimmi, na la manggauk melo kamu' lako kalena. La mangpaindan kamu', na danggi'mo mitajanni to polena. Ia ke susii joo, la buda to pahalami, na la menjaji kamu' anak Puang Allataala Jao Majaona. Nasaba' melo to penawan-Na Puang Allataala lako totangnnissen mangkurru sumanga' na tomanggauk gaja'.

Matius 17:17

Mebalimi nakua, “Takkaliwa' ngasan kamu' tee! Tangmatappa' sola sala lalan to tau too allo! Piranpara masainna la kunii torro, to la minii mpa'dikki penawang-Ku'. Bawai mai tuu pea.”

Pengkitanna Yahya 3:9

Pesa'dingngii tee! Ia to umma'na Ballisi' to ssanga kalena to-Yahudi apa tomangnguragara, la kubawai ratu ssuju' kamu', anna akui tooi kumua tokupakamoja' kamu'.

1 Timotius 5:14

Iamo joo kukabudai ke ia to baine malolle'pa nakemuane pole', keanak, na nnurusu' repokkona, anna ia to ewalinta' te'damo lalan nanii mpau gaja' tomatappa'.

1 Timotius 5:7

Pauanni tee pangpakainga', dikua danggi' naden caccana.

2 Korintus 6:17

Iamo joo salaii tuu lako tocia' matappa' lako Puang Allataala, messarak kamu' jio mai tuu lako tau. Danggi' lalo misitumbu to apa harang, angkuwa'ding ntarima kamu'.

Lukas 1:6

Ia to sipa'na sola dua napumasannang Puang Allataala, na naturu'i ngasan to parenta-Na na atoran-Na Puang Allataala.

Kada Bulawan 4:18

Ia to lalan katuoanna tomakassing butung arrang allo makale', saendek-endekna samacora-coranna ratu lako tangnga allo.

Kada Bulawan 8:8

Tonganna mandara to kupau, te'da lalo kupasibalikan kada.

Daniel 6:4

La'bih makassing ia to assele' jamanna Daniel na ia to ponggawa laen iarika to gubernur, sanga la'bih melo penawanna, iamo namadoang raja nnangka'i la ngkuasai ngasan karajaanna.

Filipi 3:6

Ia ke panggaukanku', aku'mo to kaminang ssessa tomatappa' lako Puang Isa. Ia ke kamenturusanku' lako atoran agama, te'da atoran tangkuturu'i.

Pengkitanna Yahya 2:5

Iamo joo, ingaranmi to dosami, mimengkatoba', ammipugaukki to apa pura mipugauk jolona. Ia ke te'dai, ratuna' nnalai to tongkonan palitammi jio mai ngenanna.