Filipi 2:14 - Alkitab Duri

¹⁴ Danggi' mimangnuku-nuku iarika site'geh ke denni apa mipugauk,

Filipi 2:14 Referans Kwoze

1 Petrus 4:9

Tarima meloi to padammi tomatappa' jio bolami, danggi' mimangnuku-nuku.

1 Korintus 10:10

Danggi' too mimangpasanga-sanga susi tuu lako tau pira' tonna anu', naarannai mate nabuno Kalamau'.

Filipi 2:3

na danggi' miangahhi to mipumelo mesa, ba'tu pangpuji tangkebattuan. Apa sibalikanna, la mpupengkajiongan kamu' kalemi, na la mikasiri' to tau laen na kalemi.

Yakub 5:9

Ee, tomala'bihku'! Danggi' misipasala, anna te'da midisessa. Ingaranni: Cingga'tu'mora naratu to tomangra'tah.

Roma 12:18

Pengkulleii, ke wa'dingngi, misikalino ngasan tau.

1 Tesalonika 5:15

Jagaii na danggi' naden tau mangpabalahhi panggaukan gaja' na gaja'. Mipengkulle-kulleii ammituli mpugauk kameloan lako padammi tomatappa' na lako sininna tau.

Yakub 1:20

Sanga ia to tau ke mabirihhi te'da nakullei mpugauk kameloan to napumasannang Puang Allataala.

Galatia 5:26

Danggi' tamatampo, danggi' too tasipa'dikan penawa iarika sipangngimburuan.

Galatia 5:15

Apa ia ke sikaba'ci kamu', iarika sipa'dikan ati kamu', jagai danggi' misipandasa.

Yakub 3:14

Apa ia ammipangngimburuan, ba'tu kamu' manda ssanga tau kalemi, danggi' pattuanni joo misanga kamaccan, nasaba' sisalamo to panggaukanmi na pangngajaran tongan.

Roma 14:1

Tarima meloi to padammi tomatappa', moi to malamma kamatapparanna. Danggi' misite'gehhi to pahangna toda ia.

Yudas 1:16

Ia joo guru tangtongan mangnuku-nuku tarruh, namangpasala bang. Pada nturu' bangri kamadoangan gaja'na. Matampo ncuritai to sininna apa napugauk. Nasedei to tau laen nakua anna kesaro.

1 Petrus 3:11

La natorroi mpugauk kagajatan, napugaukki to kameloan. La napengkulle-kullei sikalino padanna rupa tau,

Ibrani 12:14

Mipengkulle-kullei sikalino ngasan tau. Mipengkulle-kullei tooi mpupengkaunan kalemi lako Puang Allataala, sanga ia ke te'da nasusi joo to sipa'mi, te'da mikullei ngkita Puang.

Roma 16:17

Ee, tokupusile'to! Kupakainga' kamu', majaga kamu' lako to mpaden bang kasisakkan, na mpaputta kamatapparan lako Puang Allataala. Ia to pangngajaranna sisala to pura diajaran kamu'. Danggi' misiama'.

Jamanna Rasulu' 15:2

Apa cia' lalo Paulus sola Barnabas ntarimai joo pangngajahna. Katampakanna disuai sola dua na ba'tu pira-pira tomatappa' laen jio mai jamaa male de' kota Yerusalem la sipangkadaii joo sola rasulu' na pekaamberan laen jio.

Jamanna Rasulu' 6:1

Samasai-sainna sakerangngan-rangnganna to tomatappa' lako Puang Isa. Ia joo wattu ia to to-Yahudi mangbasa Yunani mangnuku-nuku lako to-Yahudi mangbasa Yahudi unamo, nakua, “Ia to solaki' baine to te'damo muanena, te'da nadiingaran ke ditawanni kandena to tau keallo-keallo.”

1 Tesalonika 5:13

Parallu mikasiri' tongan sola mipakamoja' sanga ia joo jamanna. Tuli la sipamasannang kamu' sola ngasan.

2 Korintus 12:20

Magiangna' kumua, ia ke iti'mo', ia to kamu' te'damo misusi to kukadoangnginna, na moi tee aku' te'da toomo kususi to mikadoangnginna. Danggi' na ia ke iti'mo' anna ia mandamo kukita to tosibobo', tomapa'dik ati, topangmabirisan, tompangngundaran mesa kalena, tompau gaja' tolaen, tomangpeasa, tomatampo na tomangpasisala-sala.

Jamanna Rasulu' 15:39

Sipekkami Paulus na Barnabas, anna te'damo namale sola. Ia to Barnabas nakuanni to Markus, “Tamale sola mangkappala' lako pulau Siprus.”

Jamanna Rasulu' 15:7

Gaja sainni ssite'gehhi bangngi joo passalan, namane' ke'deh Petrus nakua, “Ee todipusile'to! Na miissen kumua Puang Allataala mpileina' tonna tee lan mai tangnga-tangngami la mpangpeissenan Kareba Kasalamatan lako bangsa tangngia to-Yahudi, dikua anna sa'dingngi nakatappa'i.

Markus 14:5

Na ia joo wa'ding dibaluk la'bih tallu ratuh dinar, na ia to allinna diben tokaasi-asi.” Magalli tuu lako tau lako joo baine.

Matius 20:11

Ia tonna tarimami, sipangnuku-nukuanmi lako ampu bara'bah nakua,

Kada Bulawan 13:10

Ia to tomatampo mpaden bangri kasisakkan, apa ia to tomacca ntarima pangngajaran.

Markus 9:14

Ia tonna ratumo Puang Isa sola to tallu anak gurun-Na, nakitami to tau gaja buda ntalimbungngi to solana. Ia joo anak gurun-Na site'gehhi ba'tu pira-pira guru agama.

Lukas 5:30

Tangmasannang to ba'tu pira-pira to-Farisi sola guru agama, to nturu' toda pangngajaranna to-Farisi, anna kutanaii to anak gurun-Na Puang Isa nakua, “Ciapari mikumande sola passassung na totangnturu' atoran agama?”