Filipi 1:28 - Alkitab Duri

²⁸ na moi mesa' to tonnewa kamu' te'da la mikalaja'. Ia joo mpamanassai lako tonnewa kamu' kumua la nasessai Puang Allataala, apa la dipasalama' kamu'.

Filipi 1:28 Referans Kwoze

Matius 10:28

Danggi' mimalaja' lako tolino to batang kale manda nakulle nabuno, apa te'da nakullei mbuno penawammi. Puang Allataalara to sipato' mikalaja', nasaba' ianna mangka mbuno kamu', makuasapa Ia mpatamai naraka to batang kalemi sola penawammi.

Roma 8:17

Ia ke anak Allataalamiki', wa'dingmiki' la ntarima barakka'-Na Puang Allataala sola Almaseh. Na ia ke mperasaiki' parri' tee too susi Almaseh tonna tee, la dipakala'bih todaki' sola Almaseh.

Ibrani 13:6

Iamo joo tabarani mangkada kumua, “Puangmo to Pangtulungku', te'damo kumalaja'. Te'da apa wa'ding napugauk tolino lako kaleku'.”

Pengkitanna Yahya 2:10

Apa danggi' mimalaja' to kamaparrisan to la mioloi. Matappa' kamu', sanga sitonganna den ba'tu pira-pira tau lan tangnga-tangngami la napembuangan Ballisi' tama pangtarungkuan, napengkulle-kullei mpalao sala kamu' nate'damo mimatappa'. La mperasai kamu' pa'dik sangpulo allona. Apa la matappa' kamu' lako Aku' ratu lako matemi na la kuben kamu' pahala, iamo to katuoan melo te'da cappa'na.

1 Tesalonika 2:2

Miissen kumua ia tonna te'dapa kimale mati' kota Tesalonika, mangkakan dipakario-rio sola dipakasiri' jio kota Filipi. Susi too iti' budamo to nnewakan, apa kabaranian pole jio mai Puang Allataala, angkiwa'ding mpangpeissenan Kareba Kasalamatan jio mai Puang Allataala lako kamu'.

Lukas 3:6

La nakita ngasan tolino, kumua Puang Allataala mpasalama' tau.’ ”

Jamanna Rasulu' 28:28

Katampakanna nakua Paulus, “Ee, kamu' to dipusile'to! Parallu miissen kumua ia to Kareba Kasalamatan jio mai Puang Allataala dipangpeissenan toomo lako bangsa tangngia to-Yahudi, na la natarimai ia!” [

Yahya 16:8

Na ia ke ratumi to Roh Allataala la napamanassai kumua sala to tolino. La napamanassai lako tolino apa to disanga dosa, pangsessa-Na Puang Allataala na kumua totangmadosana'.

Markus 3:3

Nakuamo Puang Isa lako joo tomate sangbali limanna nakua, “Maleko mai, mujenjen lan tangnga!”