Filipi 1:27 - Alkitab Duri

²⁷ Samari ia to kumua la mituru' tarruh bang to pangngajaran-Na Almaseh. Na moi malena' mati' ba'tu tangmalena' mati', da'tan bang kusa'ding to karebammi kumua mesa' penawa kamu', mipada-pada mpengkulleii anna buda tau matappa' lako Kareba Kasalamatan,

Filipi 1:27 Referans Kwoze

Efesus 4:1

Ia tee aku', to ditarungku nasaba' mpangjamanna' Puang, meta'dana' lako kamu' kumua ia to sipa'mi la sipato' susi sipa'na umma'-Na Puang Allataala, nasaba' mangkamo kamu' dipilei menjaji umma'-Na.

1 Korintus 1:10

Ee, tomala'bihku' sola ngasan! Kuasan-Na Puangta' Puang Isa Almaseh kumeta'da kumua mimesa' pangtangngaran. Danggi' misipekka, apa la memmesa' penawara kamu'.

2 Petrus 3:14

Ee, tomala'bihku' to kupakamoja'! Da'tan una kamu' ntajanni joo wattu, la mipengkulle-kullei sikalino padammi rupa tau anna te'da caccami ba'tu kakuranganmi ke mangngolomo kamu' lako Puang Allataala.

Kolose 1:10

Ianna susimo joo, ia to sipa'mi la situru' pakkaeloran-Na Puang Allataala anna pumasannangngi penawan-Na. Susinna, mipugaukki to mangrupa-rupa kameloan, misannissen-nissennai to Puang Allataala,

Yudas 1:3

Ee, tomala'bihku' to kupakamoja'! Ia to pattujungku' nnukiran kamu' sura', iamo to la mpaui to kasalamatan tatarimamo. Apa kukita tee too, la'bih paralluna' mpangngingaran kamu' lan tee sura'ku', ammitatta' mpangngewai pangngajaran tongan. Ia joo pangngajaran pissenri Puang Allataala mpabarakkannii to umma'-Na.

1 Tesalonika 4:1

Ee, tomala'bihku' sola ngasan! Mangkamo kamu' kiajahhi matumba sipa'mi anna pusannangngi Puang Allataala. Tongan kumua tuomo kamu' susi joo. Apa ia tee too, kipangngingaran kamu' mpau sangan-Na Puang Isa, ammila'bih mpengkulle-kulleipi tuo susi joo.

Filipi 2:12

Ee, tomala'bihku' sola ngasan to kupakamoja'! Susi tongkutorropa lan tangnga-tangngami, la'bih-la'bih tee too moi mambelana' jio mai kalemi, la tatta' kamu' nturu'i to pangngajahku'. Mangkamo kamu' napasalama' Puang Allataala. Jaji, la mipengkulle-kullei tuo susi sipato'na umma'-Na Puang Allataala, iamo to ssompa Puang mimalaja' mpugauk kasalan.

Filipi 3:18

Nasaba' tuli kupauan bang kamu', na kupauan omo kamu' too mpenjio' wai matangku', kumua ia to sipa'na buda tomatappa' tangsipato' bang penawa melo-Na Almaseh, iamo to kamatean-Na jao kaju sitamben.

2 Korintus 13:11

Ee, tomala'bihku' sola ngasan! Katampakanna, la mario kamu' sola angahhi to la mipumakassingna. Tarimai to sininna pangpangngingaranku'. La mesa' penawa kamu' misikalino, anna ampai kamu' Puang Allataala. Iamo Puang mangpakamoja' sola mangpasikalino.

Jamanna Rasulu' 4:32

Ia to tomatappa' mesa' penawa bang. Moi mesa' te'da ssangai kumua ia to apa naampui, apa mesanna. Padami to apa naampui, napuapai sola ngasan.

2 Petrus 3:11

Susimi joo la disabu'i to lino. Iamo joo la messipa' melo kamu' susi to sipato'na, mida'tan mpugaukki to pakkaeloran-Na Puang Allataala,

1 Korintus 15:58

Ee, tomala'bihku' to kupakamoja'! Iamo joo la mpemawatangngi kamu' kamatapparanmi, danggi' nasitawa-tawa to penawammi. La mpangjaman tarruh kamu' Puang Allataala, nasaba' miissen kumua, sininna to apa mijaman Puang Allataala, den ngasan bua'na.

Roma 1:16

Kukatappa'i tongan kumua ia to Kareba Kasalamatan iamo kuasan-Na Puang Allataala. Iamo carana Puang Allataala mpasalama' tomatappa' lako Puang Isa, la to-Yahudi, la bangsa tangngia to-Yahudi.

Yakub 3:18

Ia to panggaukanna to tompasikalino tau mpupembua kameloan.

Filemon 1:5

nasaba' kusa'ding kumua matappa'ko lako Puang Isa, na mupakamoja' tongan to umma'-Na Puang Allataala.

Titus 2:10

te'da nakaala-ala, apa la mpangpekitanni kumua wa'ding dikatappa'i. Ianna massipa' susimo joo, la tuli napujii tau to pangngajaran-Na Puang Allataala, Tomangpasalama'ta'.

2 Timotius 4:7

Mangka kupengkulle-kullei mpangpeissenanni to Kareba Kasalamatan susi to massiewa watang na kudete'mi to kupangngujuinna. Matappa' tarruhna' lako Puang Isa angge cappa'na.

1 Timotius 1:19

mutatta' matappa', muissen tooi umbonna to melo ba'tu gaja'. Den tau cia'mo nnissenni umbonna to melo ba'tu gaja', anna te'damo namatappa' lako Puang Isa.

1 Timotius 1:11

Ia joo pangngajaran diuki' lan Kareba Kasalamatan to pole jio mai Puang Allataala to liwa' mala'bih na sipato' dipakala'bih. Ia joo kareba dipabarakkannimo' mpangpeissenanni.

Jamanna Rasulu' 2:46

Allo-allo tuli sangnginawa llundukki kasirempunan lan Bola Puang Allataala. Napasilele to bolana nanii sirempun mesa' penawa sipakario-rio kumande na ngkande roti mpengngingaranni kamatean-Na Puang Isa,

Matius 12:25

Apa naissen Puang Isa to napikkiri' tuu lako to-Farisi. Nakuamo ngkuanni, “Ia ke denni mesa' kaparentan nasiricuan bang to taunna na te'da namesa' penawa, tantu te'da namasai nalanynya'. Na ia ke mesa' kota ba'tu to tosangbola, ke te'da namesa' penawa, tantu te'da namasai nasisarak-sarak.

Kada Bulawan 22:23

Nasaba' la Napangkadananni Puang Allataala, Napateii to torrampai tokaasi-asi.

1 Tesalonika 3:6

Apa ia tee polenna mai Timotius mpauankan kareba to kipusannang, kumua da'tan una kamu' matappa' misipakamoja' too. Napauan toomokan kumua tuli miingaran melo unakan. Na mikamali' unapa la ssikitankan, susi kami' mamali' la ssikitan kamu'.

Kolose 1:4

nasaba' kisa'dingmo kumua mikatappa'i tonganmi to Puang Isa Almaseh, mipakamoja' tooi to sininna umma'-Na Puang Allataala.

Filipi 2:24

Apa kurannuan kumua la naeloranna' Puang Allataala kumadoi' toda male mati'.

Efesus 1:15

Iamo joo anna ia tongkusa'dingngi kumua matappa'mo kamu' lako Puang Isa, na sipakamoja' kamu' sininna umma'-Na Puang Allataala,

Efesus 1:13

Susi todamo kamu' tommisa'dingmo kareba tongan jio mai Puang Allataala, iamo to Kareba Kasalamatan, menjajimo kamu' umma'-Na ammidipasalama'. Ia tommimatappa'mo lako Almaseh, dibenmo kamu' Roh Allataala to nabasse tonna anu', menjaji butti kumua umma'-Namo kamu'.

Galatia 1:7

Na ia to laenna tangngia ia Kareba Kasalamatan, apa denri tau la mpalao sala kamu' na madoang la mbalikki to karebanna Almaseh.

2 Korintus 9:13

Ia ke nakitai umma'-Na Puang Allataala jio tana Yudea tee panggaukan melomi, la mpakala'bihhi Puang Allataala, nasaba' nakitai kumua mangkamo mitarima to karebanna Almaseh, ammituru' tonganmi. Buttinna kumua mangpangbenmo kamu' situru' canning atimmi lako to-Yudea sola tolaen.

2 Korintus 4:4

Ia to Ballisi', to ngkuasaii tee lino, iamo ssamboii tangngahna tuu lako tote'da namatappa', anna te'da nakitai to arrangna Kareba Kasalamatan to napupangngarrang kamala'biran-Na Almaseh to sangrupa bang una Puang Allataala.

Roma 15:29

Na kuissen kumua ia ke malena' mati', la kubawan kamu' barakka' jio mai Almaseh.

Roma 15:16

Napupenjajimo' kaunan-Na Puang Isa Almaseh to disua male lako bangsa tangngia to-Yahudi. Na menjajimo' susi imang to mpangpeissenan Kareba Kasalamatan jio mai Puang Allataala. Dennaa upa' na Roh Allataala mpupenjajii to bangsa tangngia to-Yahudi susi karoba to napumasannang penawan-Na Puang Allataala.

Roma 10:8

Nauki' omi Nabi Musa kumua, “Ia joo kadan-Na Puang Allataala mandoppi'ra jio mai kalemu, jioi timummu sola lanni penawammu.” Iamo to kareba kipangpeissenan kumua sininna tau parallu la matappa' lako Puang.

Roma 1:9

Puang Allataala nnissenni kumua kupau too kamu' ke massambajangna'. Na iamo nanii lantuk tongan penawangku' menturu', angkuwa'ding mpangpeissenanni to Kareba Kasalamatan, karebanna Anak Allataala.

Roma 1:5

Nabenna' barakka' Puang Allataala menjaji rasulu' nasaba' Puang Isa Almaseh, angkuwa'ding la mpatuju sininna bangsa kumua namatappa' sola menturu' lako Almaseh.

Jamanna Rasulu' 24:24

Ba'tu pirang bongi mangkanna joo, ratumi Gubernur Feliks sola bainena disanga Drusila, mesa' to-Yahudi. Napangpesuanni Gubernur Feliks to Paulus naratu ncuritanni to kamatapparanna lako Puang Isa Almaseh.

Filipi 1:5

Mangkurru sumanga'na' lako Puang Allataala, nasaba' tatta' kamu' mesa' penawa ntulungna' mpangpeissenanni to Kareba Kasalamatan mammula jio mai misa'dingna ratu lako too allo.

Filipi 3:20

Apa ia tee kita', jao suruga to tondok kajajianta', na jao toomo mai la tanii ntajan Puang Isa Almaseh, Tomangpasalama'.

Filipi 4:1

Ee, tomala'bihku' to kupakamoja' na kukamali' too! La matappa' tongan-tongan kamu' lako Puang. Kupumasannang sola kupumala'bih kamu'!