Filipi 1:22 - Alkitab Duri

²² Apa ia ke tuona', den bua'na lako jamanku', na te'da kuissenni umbonnamora la kupilei.

Filipi 1:22 Referans Kwoze

1 Petrus 4:2

Jaji, ia mituo unapa lan tee lino la nturu' kamu' pakkaeloran-Na Puang Allataala, danggi' mituru' pakkaeloran penawammi.

Galatia 2:20

Ia tee too moi angkutuo, tangngiamo aku' mputuoi, apa Almasehmo tuo lan kaleku'. Ia tee katuoanku' tee too, matappa'na' lako Anak Allataala to mangka mpakamoja'na', na mangka mpangkarobananna' kalena, sanga dosaku'.

Filipi 1:24

Apa la'bih kebattuan lako kalemi, ke tuo unapa' lan lino.

Jamanna Rasulu' 3:17

Ee, todipusile'to, kamu'mo sola torroan pekaamberanmi mpangpebunoan Puang Isa. Kuissen kumua ia mipugaukki susi joo, sanga te'da mipahangngi.

2 Korintus 10:3

Tonganna kumua tolinokan, nasaba' tuo unapakan lan tee lino, apa ia to panggaukanki' te'da nasusi panggaukanna tolino to tangnturu' Puang.

Kolose 2:1

Madoangna' ke miissenni kumua kupangjaman tongan kamu' la mpugaukki to mipumelona, sola tomatappa' jio kota Laodikia na kota laen, moiraka na te'dapa tasitammu.

Roma 11:2

Te'da natangmpuumma'i Puang Allataala to umma'-Na to napilei jolomo. Miissen curitanna Nabi Elia to diuki' lan Sura' Allataala, tonna pangpeasanni to to-Israel lako Puang Allataala. Nakua Nabi Elia,

Roma 1:13

Ee todipusile'to, parallu miissen kumua pembudamo' madoang male mati' la ssitammuan kamu', apa tuli den bang halangan. Madoangna' kumua na ia to jamanku' lako kalemi den assele'na. Susi to keassele'mo lako bangsa tangngia to-Yahudi jio kota laen.

Filipi 1:23

Nasialaina' tee dua. Madoangna' ssalaii tee lino angkumari'pih sola Almaseh, nasaba' iamo joo to kaminang melo.