Filipi 1:15 - Alkitab Duri

¹⁵ Moi naden ba'tu pira-pira tau mpangpeissenan Almaseh sanga masere atii ngkita pangjamanku' namadoangri la ssisakkanna', apa ia to tau laen situru' ia canning atinna.

Filipi 1:15 Referans Kwoze

Filipi 2:3

na danggi' miangahhi to mipumelo mesa, ba'tu pangpuji tangkebattuan. Apa sibalikanna, la mpupengkajiongan kamu' kalemi, na la mikasiri' to tau laen na kalemi.

2 Korintus 11:13

Rasulu' tangtongan tuu lako tau. Mpalao sala tau, ssanga kalena rasulu'-Na Almaseh.

2 Korintus 4:5

Tangngia kaleki' tee kipangpekareban, apa karebanna Puang Isa Almaseh kumua Iamo Puang, na kami'mo kaunanmi situru' pakkaeloran-Na Puang Isa.

2 Korintus 1:19

Susi too Puang Isa Almaseh, Anak Allataala, to kipangpeissenan lako kamu' sola Silas na Timotius, te'da namembalik to kadan-Na kumua “Io” menjaji “Te'da”. Apa sibalikanna, tatta' napau “Io”.

Matius 23:5

Ia ngasan to panggaukanna napangpekitan bangri lako tau. Iamo joo na ia to pakean tanda kamatapparanna, susinna to rombe-rombe bajunna dipemalandoi, na ia to karappe' dinii nnanna aya' Sura' Allataala napematonggoi.

1 Timotius 3:16

Te'da mesa' tau tanglantongananni kumua liwa' ia mala'bihna to pangngajaran kasaranian, to tangkaissenanpa tonna anu', apa ia tee too napangpeissenanmo Puang Allataala. Susi tee joo pangngajaran kasaranian, “Mentolinomo Puang Isa Almaseh. Napabuttii Roh Allataala kumua Iamo napusannang Puang Allataala. Nakita sininna malaeka', napangpeissenanni tau lako sininna bangsa. Nakatappa'i tolino, naangka'i Puang Allataala tama suruga.”

Galatia 2:4

moi naden ba'tu pira-pira tau la mpangpeparukuanni. Puang Isa Almaseh mangka lla'paranki' jio mai atoran agama, apa ia tuu lako tau to sitonganna tangngia padanta' tomatappa' mentama buni tangnga-tangngata' la hhalangngii to kadila'paranta', dikua napukaunan pole'ki' atoran agama.

2 Korintus 12:20

Magiangna' kumua, ia ke iti'mo', ia to kamu' te'damo misusi to kukadoangnginna, na moi tee aku' te'da toomo kususi to mikadoangnginna. Danggi' na ia ke iti'mo' anna ia mandamo kukita to tosibobo', tomapa'dik ati, topangmabirisan, tompangngundaran mesa kalena, tompau gaja' tolaen, tomangpeasa, tomatampo na tomangpasisala-sala.

1 Korintus 13:3

Moi na sininna ewananku' kupassudakkan lako tokaasi-asi, ba'tu mpangbenna' kaleku' ditunu, apa ke te'dai kupakamoja' padangku' rupa tau, manassa ia joo te'da ngasan bua'na lako kaleku'.

1 Korintus 1:23

Ia to kita' mpangpeissenan mandaki' Almaseh to mate dipampang jao kaju sitamben. Cia' lalo to to-Yahudi ntarimai joo kareba na ia to bangsa tangngia to-Yahudi nasangari curita tangtongan.

Jamanna Rasulu' 11:20

Apa den ba'tu pira-pira to tomatappa' pole jio mai pulau Siprus na kota Kirene ratu lako kota Antiokhia, na mpangpeissenan too Kareba Kasalamatan lako to-Yunani kumua Puangngi to Isa.

Jamanna Rasulu' 10:36

Ia tee kareba napangpeissenan Puang Allataala lako kami' to-Yahudi kumua ia to tolino wa'ding sikalino pole' sola Puang Allataala ke matappa'i lako Puang Isa Almaseh, nasaba' iamo Puangna sininna tau.

Jamanna Rasulu' 9:20

Tarruh bang unami llelei bola passambajangan to-Yahudi mpangpeissenanni kumua Anak Allataala to Puang Isa.

Jamanna Rasulu' 8:35

Mangpamulami Filipus mangkada, mpauanni karebanna Puang Isa mammula lan mai joo aya'.

Jamanna Rasulu' 5:42

Allo-allo te'da ka'tunna mangngajahhi, la lan Bola Puang Allataala, la lan bolana tau, napangpeissenanni to Kareba Kasalamatan kumua Raja Mangpasalama' to Puang Isa to pura dipau tonna anu'.

Jamanna Rasulu' 8:5

Ia to Filipus male lakoi mesa' kota jio tana Samaria, mpangpeissenanni lako to tau jio, kumua Raja Mangpasalama' to Puang Isa, to pura napau Puang Allataala.

Roma 2:8

Apa ia to tompangnginawan mesa bang kalena, na te'da namadoang mpugauk pakkaeloran-Na Puang Allataala, na nturu'ra kagajatan, liwa' nakaba'cinna Puang Allataala.