Filemon 1:9 - Alkitab Duri

⁹ Apa kupeta'da bangri lako iko, nasaba' ia to pangpakamoja'mu lako umma'-Na Puang Allataala. Ia tee aku' mesa'na' tomatua, na ia tee too ditarungkuna', sanga rasulu'-Nana' Puang Isa Almaseh.

Filemon 1:9 Referans Kwoze

Efesus 4:1

Ia tee aku', to ditarungku nasaba' mpangjamanna' Puang, meta'dana' lako kamu' kumua ia to sipa'mi la sipato' susi sipa'na umma'-Na Puang Allataala, nasaba' mangkamo kamu' dipilei menjaji umma'-Na.

2 Korintus 5:20

Jaji, topesuannakan Almaseh. Nasuakan Puang Allataala mparatuan kamu' pepasan-Na. Nasuakan Almaseh meta'da lako kalemi, “Pemaringngannii penawammi, ammisikalino pole' Puang Allataala.”

Roma 12:1

Ee, todipusile'to! Gaja napakamoja'ki' Puang Allataala, susi to kupaissenanmo kamu'. Iamo joo kupakainga' kamu' kumua la mipangben tongan to katuoanmi lako Puang Allataala susi karoba tuo to sipato' dipangben lako Puang. La susiri joo to passompami to nakabudai Puang Allataala.

Efesus 3:1

Ia tee aku' Paulus ditarungkuna', nasaba' mpangpeissenanna' Puang Isa Almaseh lako kamu' bangsa tangngia to-Yahudi.

1 Petrus 2:11

Ee, tomala'bihku' to kupakamoja'! Susi kamu' tomambela ratu sompa' lan tee lino natorro susi toratu lan tangnga-tangngana totangnturu' Puang Allataala. Iamo joo meta'da tonganna' lako kamu' kumua, danggi' mituru' bangngi to kamadoangan gaja'mi to tuli hhalangngi kamu' manggauk melo.

Ibrani 13:19

Kupeta'da tongan ammipellao doanganna' anna madoi' Puang Allataala nneloranna' male mati'.

2 Korintus 6:1

Ia tee kami', mpangjamankan Puang Allataala. Iamo joo kimeta'da tongan-tongan lako kalemi, nadanggi' mitangmpuinawai to barakka' kasalamatan mangka mitarima anna membua melo.

Kada Bulawan 16:31

Ia to uban butung songko' maballo, natarima tonturu' pakkaeloran-Na Puang Allataala.

Galatia 3:26

Napuanak ngasanmo kamu' Puang Allataala, sanga matappa'mo kamu' lako Puang Isa Almaseh.

Efesus 6:20

Naangka'na' Puang Allataala menjaji pesuan-Na. Na ditarungkumo' tee too, nasaba' kupangpeissenanni to Kareba Kasalamatan. Passambajanganna' angkubarani mpangpeissenanni, susi to sipato'na la kupau.

1 Timotius 1:12

Mangkurru sumanga'na' lako Puangta' Puang Isa Almaseh, nasaba' naangga'mo' kumua sipato'mo' naangka' menjaji rasulu'-Na. Iamo nabenna' kapakullean la mpangjamanni,

Titus 2:2

Pakainga'i to tomatua muane, anna ta'tan kalena, mandalan tangngah, na tomelo anna sipato' dikasiri'. La matappa'i lako Puang Isa Almaseh, mpakamoja' padanna rupa tau, sabbara' ke maparri'i.