Filemon 1:20 - Alkitab Duri

²⁰ Ee, sile'toku'! Kupeta'dai dennaa upa' naden bua'na pole jio mai iko, situru' pakkaeloran-Na Puang Allataala. Pamasannangna', nasaba' pada matappa'ki' lako Almaseh.

Filemon 1:20 Referans Kwoze

3 Yahya 1:4

Iamo kaminang kupumasannang, ke kusa'dingngi karebanna to kupuanak kumua nturu' ngasan unai pangngajaran-Na Puang Allataala.

Filemon 1:7

Ee, sile'toku'! Ia tongkusa'dingngi kumua mupakamoja'i to sininna umma'-Na Puang Allataala, masannangna' na masumanga' toona', nasaba' mupaendek sumanga'na umma'-Na Puang Allataala.

Filemon 1:12

Ia tee Onesimus, to kupakamoja', kusuai pole mati'.

1 Yahya 3:17

Ia ke denni toganna'-ganna' una to apa naampui, nakitai to padanna tomatappa' te'da bang dikka' apanna, apa te'da natulungngi, te'da nawa'ding la ssanga kalena kumua tompakamoja' Puang Allataala.

Ibrani 13:17

Mengkaturu' kamu' lako pekaamberan jamaami, ammituru'i to parentana. Tuli napuinawa kamu', sanga la napebalian lako Puang Allataala to apa mangka napugauk lako kamu'. Ia ammimengkaturu' lako, masannangngi mangjama, ianna te'da, masussai mangjama, na te'da bua'na lako kamu'.

Filipi 4:1

Ee, tomala'bihku' to kupakamoja' na kukamali' too! La matappa' tongan-tongan kamu' lako Puang. Kupumasannang sola kupumala'bih kamu'!

Filipi 1:8

Nakitana' Puang Allataala na naissen kumua kukamali' gajamo kamu'. Kupakamoja' kamu' susi Puang Isa Almaseh mangpakamoja'.

2 Korintus 7:13

Iamo joo kimatana. Te'da kimatana manda, apa mario tookan, nasaba' ngkitakan kamarioanna Titus, to mipemasannangngimo sola ngasan.

2 Korintus 2:2

Nasaba' ia ke masse penawammi, na inda pole' opa to wa'ding la mpakatanana', ke te'dai na ia bang una tuu mati' tomangka kupamasse penawanna.

1 Korintus 16:18

Mangkamo' napamario, susi too kamu' mangka napamasannang. Iamo joo sipato' dikasiri' to tosusi joo.