Ester 9:21 - Alkitab Duri

²¹ Ia to diuki' lan joo sura', iamo to mpakala'bihhi to allo tanggala' sangpulo a'pa' sola tanggala' sangpulo lima bulan Adar ke taun oi.

Ester 9:21 Referans Kwoze

Ester 9:17

Ia joo jaji tonna tanggala' sangpulo tallu bulan Adar. Ia tonna masawannamo tanggala' sangpulo a'pa' te'damo nampatei tau, apa mangmaroah-roahmira masannang mario.

Ester 9:18

Iamo joo na ia to to-Yahudi torro jio kampong, tanggala' sangpulo a'pa' bulan Adar nanii mpengngingarannii susi allo mala'bih ba'tu allo mangmaroah-roah, sisulle siben kande. Apa ia to to-Yahudi torro jio kota Susan, tanggala' sangpulo lima ia to nanii mangmaroah-roah, nasaba' tanggala' sangpulo tallu sola sangpulo a'pa' nanii mbunoi ewana, nasoro' tonna tanggala' sangpulo lima.

Ester 9:20

Mangkai joo too, nauki' ngasanmi Mordekhai to sininna apa mangka jaji, nakiringan ngasanni sura' to to-Yahudi lan sininna kaparentanna Raja Ahasweros, la ia to mambelanna, la ia to mandoppi'na.

Ester 9:22

Nasaba' iamo joo duang allo nanii mangka ntaloi ewana, aranni ia to kamassean penawanna na pa'dik penawanna messullean namenjaji kamarioan na kamasannangan. Iamo joo ia to to-Yahudi la tatta' mpakala'bihhi joo duang allo namangmaroah-roah kumande-mande nasisulle siben kande, na massudakka lako tokaasi-asi.

Ester 9:27

napusaba'i nampadenan mesa' atoran kalena sola bati'na na sininna to tomadoang menjaji to-Yahudi. Situru' joo atoran ia ke taun oi, nang la napakala'bih joo duang allo to mangkamo napattantu Mordekhai.

Ester 9:29

Datu Ester, anakkana Abihail, nnuki' sura' sola Mordekhai napemawatangngii joo bungahna sura' to mangka nauki' Mordekhai mpaui joo allo Purim.

Ester 3:7

Ia tonna sangpulo duamo taunna Raja Ahasweros mangparenta, tonna bulan mesa', iamo to bulan Nisan, massuami Haman mangloterei jio olona (lan basa Persia mangloterei susi joo disanga purim), la nanii nnissenni to allo sola bulan melo la mpugaukki joo akkatta gaja'na. Anna pattantui to tanggala' sangpulo tallu bulan sangpulo dua1, iamo to bulan Adar.