Ester 8:15 - Alkitab Duri

¹⁵ Mangkai joo too malemi Mordekhai ssalai istana mpake pakean tomajao pangka'na, to kaen bulau na mabusa sola baju malando kaen allusu' makudara', namangsongko' bulawan liwa' kassing. Gaja sannangngi sola mario to tau lan kota Susan, na simetamba-tamban.

Ester 8:15 Referans Kwoze

Ester 3:15

Situru' parentana raja naparri-parri to todisua male mbawai joo sura' mangka dipalembah lako sininna karajaan. Massuai raja anna ia joo parenta dipangpeissenan too jio benteng Susan. Mangkai joo too, cumadokko-dokkomi Haman sola raja mangngiso' anggoro', apa marongkai to tau jio kota Susan, nasaba' ia joo kareba.

Lukas 16:19

Mangngajahhimi Puang Isa nakua, “Den tosugih mangpakean maballo namasuli' allinna. Mangmasannang-sannang bangngi keallo-keallo, sanga sadia ngasan to apa naparallui.

Kada Bulawan 29:2

Ia ke sabuda-budannai tomelo sipa'na mangparenta napumario tobuda, apa ia ke togaja' mangparenta, sisumarroan to tobuda.

Ester 1:6

Ia to rante istana, diballo-balloi mpake kaen pesapa' jio mai kaen lenan bulau na mabusa, dikapu' ulang allusu' makudara' nadipengkadangan jio gallang salaka, to dipale'ke' jio ariri batu pualam. Nadisalii too mangrupa-rupa batu sigaja melo. Den batu pualam mabusa sola batu pualam malea, den too to batu bulau na mutiara to cundallak. Jao ntuu joo sali den too cadokkoan bulawan sola cadokkoan salaka.

Matius 11:8

Apara male mikita? Tomangpakean balloraka? Te'da too, sanga ia to tau mangpakean susi joo, torro lanri ia salassa'!

Matius 6:29

Apa la miingaran, ‘Moi Raja Sulaiman, to gaja sugih, te'da nampake pakean susi ballona joo bunga!’

Ester 6:11

Naalami Haman to pakean sola nyarang, napapakeii pakean to Mordekhai. Ia tonna messakemo Mordekhai jao nyarang, nasolanmi Haman napannola jioi lalan maroah, najolo lako metamba-tamba nakua, “Kitai, susimi tee to tau naangga' majao raja!”

Ester 5:1

Ia tonna allo mangpentallunnamo puasanna Ester mpakemi pakean baine raja, namale lako rante lan istana, nake'deh jio salean ba'ba kasitammuanna taunna raja. Cumadokkoi raja jao cadokkoan mala'bihna tingngo lako situju Ester.

Ester 5:11

Mangcurita matampomi Haman mpau kasugiranna, kabudanna anakkana muane, sininna kakuasanna na kanapaendekanna raja to pangka'na kaminang majao na ia to tomapangka' laenna.

Ester 8:14

Situru' parentana raja naparri-parri ngasanni male to todisua, ssakei nyarangna raja. Moi jio benteng Susan dipangpeissenan too joo parenta.

Ester 10:2

Sininna to apa napugauk Raja Ahasweros mala'bih namakuasa, na moi to curita mpaui to kanaangkasanna Mordekhai menjaji tomajao pangka'na diuki' lan Sura' Lompo karajaan Persia na Media.

Kada Bulawan 11:10

Mario-rio to tau llan kota ke dibarakka'i to tomakassing, na simeoli-olian masannang to tau ke matei to togaja'.

Kada Bulawan 28:12

Ia ke pataloi to tomakassing, buda tau masannang. apa ia ke togaja' diben kuasa mangparenta, napessalai tau.