Ester 8:14 - Alkitab Duri

¹⁴ Situru' parentana raja naparri-parri ngasanni male to todisua, ssakei nyarangna raja. Moi jio benteng Susan dipangpeissenan too joo parenta.

Ester 8:14 Referans Kwoze

Daniel 8:2

Lan joo pengkita, jiona' benteng Susan jio propinsi Elam tana Persia. Ke'dehna' jio randan Sa'dan Ulai.

Ester 3:15

Situru' parentana raja naparri-parri to todisua male mbawai joo sura' mangka dipalembah lako sininna karajaan. Massuai raja anna ia joo parenta dipangpeissenan too jio benteng Susan. Mangkai joo too, cumadokko-dokkomi Haman sola raja mangngiso' anggoro', apa marongkai to tau jio kota Susan, nasaba' ia joo kareba.

Ester 2:3

La taangka' to pangjama lan sininna propinsi karajaan, la nnangah ana'dara simalolo, nasolan ngasanni lako istana baine inde' benteng Susan. Na dipabarakkanni lako Hegai to kapala istana baine, la nnurusu'i najampang meloi nabenni mangrupa-rupa to busarungngu' napakei dikua namalolo.

Ester 3:14

Ia joo sura' parenta nang la dipasun menjaji atoran, nadipangpeissenan lako tau lan sininna propinsi nasadia jolo aranni nadete' to allo pura dipattantumo.

Ester 8:13

Ia joo sura' parenta nang la dipasun menjaji sura' atoran, nadipangpeissenan lako tau lan sininna propinsi na sadia to bangsa Yahudi nnewa ewana ke nadete'mi joo allona.

Ester 8:15

Mangkai joo too malemi Mordekhai ssalai istana mpake pakean tomajao pangka'na, to kaen bulau na mabusa sola baju malando kaen allusu' makudara', namangsongko' bulawan liwa' kassing. Gaja sannangngi sola mario to tau lan kota Susan, na simetamba-tamban.