Ester 7:2 - Alkitab Duri

² Ia tonna mukkun nniso' anggoro', mekutana pole' omi raja lako Ester, nakua, “Ee Datu Ester, apara mukadoangngi? Paumi! Moi mupeta'da sitangngana to karajaanku', la kuben tooko.”

Ester 7:2 Referans Kwoze

Yahya 16:24

Naratu lako too allo, te'dapa mipeta'dai to apa lako Ambe' mpau sangang-Ku'. Peta'dai ammidiben, nasukku' to kamasannanganmi!”

Ester 5:6

Ia tonna mukkun nniso' anggoro' mekutanai raja lako Ester nakua, “Paumi tee too apara to mukadoangngi. Moi mupeta'da sitangngana to karajaanku', la kuben tooko!”

Ester 5:3

Namane' mekutana raja nakua, “Ee Datu Ester, apara mukadoangngi? Moi mupeta'da sitangngana to karajaanku', la kuben tooko.”

Ester 9:12

Nakua raja lako Datu Ester, “Jio bang una benteng Susan namangkami to to-Yahudi mpatei tau lima ratuh solamo to anakkana Haman sangpulo. Tangdipaumo to lako propinsi! Tantu la'bih buda tau to napatei jio. Apapira to mupeta'da tee too? Pau bangmi, nang la kubenko!”

Markus 6:23

Massapahmi nakua, “Apa to mupeta'da, iami la kubenko, moi sangsesena kaparentanku'.”

Ester 7:1

Mangpenduannami raja sola Haman kumande na mangngiso'-iso' sola Datu Ester.

Jamanna Rasulu' 23:19

Natoemi pangbarani to limanna joo pea nasolan mesai, nakutanaii nakua, “Apara la mupauanna'?”