Ester 6:6 - Alkitab Duri

⁶ Ia tonna mentamamo Haman nakuamo raja, “Den tau la kuangga' majao. Apara la kupugauk lako kalena?” Nasangai Haman kumua kalena, nakua lan penawanna, “Indara joo la naangga' raja? Nang la aku'mo!”

Ester 6:6 Referans Kwoze

Kada Bulawan 16:18

Ia to tomatampo la nnampa' kamasolangan, na to tomajao penawa la dilanynya'i.

Yahya 5:23

Napugaukki Ambe' susi joo, nakua nakasiri'na' sininna tau, susi tau ngkasiri' Ambe'-Ku'. Ia to tocia' ngkasiri'na', te'da toda nakasiri'i Ambe'-Ku' to ssuana'.

Matius 3:17

Nadisa'ding to gamaran-Na Puang Allataala nakua, “Iamo tee to Anak kupakamoja' to mpamasannangna'.”

Kada Bulawan 18:12

Ia to tomatampo mparatuan kamasolangan kalena, apa ia to tompamajiong penawanna ditaratte'.

Kada Bulawan 1:32

Ia to totangmapahangpa la matei, nasaba' te'da namangpesa'ding, na ia to tobattuk la macilakai, nasaba' kabattukanna.

Ester 6:11

Naalami Haman to pakean sola nyarang, napapakeii pakean to Mordekhai. Ia tonna messakemo Mordekhai jao nyarang, nasolanmi Haman napannola jioi lalan maroah, najolo lako metamba-tamba nakua, “Kitai, susimi tee to tau naangga' majao raja!”

Ester 6:9

La den mesa' tomapangka' jio mai torroan tomatonggo la mpapakei pakean joo to la nataratte' raja. Dipupessakei jao nyarang to mangka diballo-balloi, nadisolan dipannola jio lalan maroah. Ia joo tomapangka' ssolanni, la joloi lako lumingka nametamba-tamba kumua, ‘Susimi tee to tau ke naangga' majaoi raja!’ ”

Ester 6:7

Iamo joo namebali Haman nakua, “Melo ke dipapakeanni pakean kamala'biran to biasa napake raja. Nadipasadian too nyarang to biasa nasakei raja na diballo-balloi talikka' bulawan.

Ester 5:11

Mangcurita matampomi Haman mpau kasugiranna, kabudanna anakkana muane, sininna kakuasanna na kanapaendekanna raja to pangka'na kaminang majao na ia to tomapangka' laenna.

Kada Bulawan 30:13

Den tau te'da naangga' padanna rupa tau, nakita majiong bangngi.

Ester 6:5

Mebalii to todisua nakua, “Saleanni rante istana Haman, madoangngi la mangngolo lako Kita'.” Nakua raja, “Suai namentama jio mai.”

Ester 1:15

Nakua raja lako tee tau pitu, “Denmo tau mangka kusua male lako Datu Wasti anna mangngolo lako aku', apa cia'i. Situru' atoran apa to sipato' la digaukanni Datu Wasti?”

Lukas 14:9

anna ia to ampu bola ratu lako kalemi namangkada kumua, ‘Tabe', ia tee cadokkoan mangkami dipasadian tee tau.’ Anna liwa'mo masiri'mi ke mellele kamu' cumadokko jio boko'.