Ester 4:5 - Alkitab Duri

⁵ Sitarruhna natambaii Ester to Hatah mesa' tonapattantumo raja mparakaii. Nasuai to Hatah mekutana lako Mordekhai kumua ciapari napugaukki susi joo.

Ester 4:5 Referans Kwoze

Ibrani 4:15

Ia joo Imang Lompota' naissen to katangpakulleanta', sanga mangkami dipengkulle-kullei disede mpugauk dosa susi kita', apa te'da napugauk dosa.

1 Korintus 12:26

Susimi joo, ianna den mesa' tomatappa' maparri', la mperasai ngasan too kamaparrisan to laenna. Na ia ke denni mesa' tomatappa' dipakala'bih, la turu' ngasan masannang to laenna.

Roma 12:15

La pada parannu kamu' sola to toparannu, pada kamu' kumarrak ke denni to tokumarrak.

Ester 1:12

Apa ia tonna paratuanni to todisua to parentana raja, cia'i male joo Datu Wasti, anna gaja birih raja.

Ester 1:10

Ia tonna allo mangpempitumo, gaja sannangmi raja, nasaba' mangkamo nniso' buda anggoro'. Natambaimi pitu to pangjamana nakatappa'i, iamo to Mehuman, Bizta, Harbona, Bigta, Abagta, Zetar na Karkas.

Filipi 2:4

Na danggi' na ia manda to kaparalluan mesammi miangah, apa la miangah too to naparalluinna tau laen.

Ester 4:4

Na ia to ana'dara sola tolaen to dipattantumo mparakai Ester mpauanni to apa napugauk Mordekhai. Ia tonna sa'dingmi Ester, gaja massei penawanna. Nakiringanni pakean to Mordekhai, dikua anna sulleii joo kaen karung napake, apa cia'i ntarimai.

Ester 4:6

Ta'pa malei Hatah lako Mordekhai jio tana lapang jio olona babangan istana.

Ester 4:9

Anna male Hatah lako Ester napauanni to pepasanna Mordekhai.

Ester 4:10

Apa nasua pole'i Ester to Hatah pole lako Mordekhai napasanni susi tee: