Ester 4:4 - Alkitab Duri

⁴ Na ia to ana'dara sola tolaen to dipattantumo mparakai Ester mpauanni to apa napugauk Mordekhai. Ia tonna sa'dingmi Ester, gaja massei penawanna. Nakiringanni pakean to Mordekhai, dikua anna sulleii joo kaen karung napake, apa cia'i ntarimai.

Ester 4:4 Referans Kwoze

Ester 1:12

Apa ia tonna paratuanni to todisua to parentana raja, cia'i male joo Datu Wasti, anna gaja birih raja.

Jamanna Rasulu' 8:27

Ta'pa male bang unami Filipus. Ia joo wattu den mesa' to-Etiopia pole massambajang jao mai kota Yerusalem. Ia joo tau tomapangka', ia nnissenan sininna ewananna Raja Kandake, raja baine jio tana Etiopia. Mangnguju lakoi tondokkona, na mbaca sura'na Nabi Yesaya jao karetana.

Ester 4:3

Susi too lan sininna propinsi, sikumillakan to to-Yahudi tonna dipangpeissenanmo joo parentana raja. Ia to tau puasai nambating, na buda tau mpake kaen karung namamma' jao au.

Ester 4:5

Sitarruhna natambaii Ester to Hatah mesa' tonapattantumo raja mparakaii. Nasuai to Hatah mekutana lako Mordekhai kumua ciapari napugaukki susi joo.