Ester 3:15 - Alkitab Duri

¹⁵ Situru' parentana raja naparri-parri to todisua male mbawai joo sura' mangka dipalembah lako sininna karajaan. Massuai raja anna ia joo parenta dipangpeissenan too jio benteng Susan. Mangkai joo too, cumadokko-dokkomi Haman sola raja mangngiso' anggoro', apa marongkai to tau jio kota Susan, nasaba' ia joo kareba.

Ester 3:15 Referans Kwoze

Ester 8:15

Mangkai joo too malemi Mordekhai ssalai istana mpake pakean tomajao pangka'na, to kaen bulau na mabusa sola baju malando kaen allusu' makudara', namangsongko' bulawan liwa' kassing. Gaja sannangngi sola mario to tau lan kota Susan, na simetamba-tamban.

Yahya 16:20

La miingaran tee kadang-Ku' kumua, la kumarrak kamu', mimbating too, apa la marioi to totangmatappa'. La masussa penawammi, apa ia to kamasussanmi la nasullei kamasannangan.

Pengkitanna Yahya 11:10

Masannangngi mangmaroah-roah siben-ben paraseng, nasaba' mangkamo mate joo dua sa'bi to mangkamo mparatu buda pangsessa lako sininna tau lan lino.

Amos 6:6

Miponnoi anggoro' to busu mimangngiso' samosomi, mipuminynyak minynyak kaminang melo, apa te'da mipumasussai to kamasolanganna to-Israel.

Kada Bulawan 29:2

Ia ke sabuda-budannai tomelo sipa'na mangparenta napumario tobuda, apa ia ke togaja' mangparenta, sisumarroan to tobuda.

Kada Bulawan 4:16

Tangnapumamma' togaja' ke te'da napugauk kagajatan, te'da narapa' penawanna ke te'dapi nancilakai tau.

Kada Bulawan 1:16

Ia to tosusi joo, gaja doi' mpugauk kagajatan, namarippa' papatean.

Ester 4:16

“Pasirempunni to sininna to-Yahudi inde' kota Susan anna passambajanganna'. Napuasa, tallung allo tallung bongi. Moi aku' sola to ana'dara mparakaina' la puasa too. Mangkai joo too la mangngolomo' lako raja, moi nate'da nasituru' atoran karajaan. Ia ke nang la kupumatei, ake'mo kumate!”

Ester 1:10

Ia tonna allo mangpempitumo, gaja sannangmi raja, nasaba' mangkamo nniso' buda anggoro'. Natambaimi pitu to pangjamana nakatappa'i, iamo to Mehuman, Bizta, Harbona, Bigta, Abagta, Zetar na Karkas.

Kada Bulawan 31:4

Ee Lemuel, ingaranni! Te'da na sipato' to raja mpubiasan mangngiso' anggoro' iarika tomangparenta ngkadoangngi pangngiso' mepamalango.