Ester 2:15 - Alkitab Duri

¹⁵ Nadete'mi wattunna Ester la mangngolo lako raja. Ester anakkana Abihail ambe'urena Mordekhai. Naala anakkiq Mordekhai to Ester, najampangngi susi anak jajianna. Masannang ngasanni to tau ngkita Ester. Ia tonna malemo mangngolo lako raja ia mandara napake to napangpatujuanni Hagai, kapala istana baine.

Ester 2:15 Referans Kwoze

Ester 2:3

La taangka' to pangjama lan sininna propinsi karajaan, la nnangah ana'dara simalolo, nasolan ngasanni lako istana baine inde' benteng Susan. Na dipabarakkanni lako Hegai to kapala istana baine, la nnurusu'i najampang meloi nabenni mangrupa-rupa to busarungngu' napakei dikua namalolo.

Jamanna Rasulu' 7:10

anna tulungngi ke masussai. Nabenni barakka' sola kamaccan tonna mangngolo lako Firaun, Raja Mesir, anna angka'i menjaji gubernur jio, napakuasa tooi lan salassa'na.

Ester 9:29

Datu Ester, anakkana Abihail, nnuki' sura' sola Mordekhai napemawatangngii joo bungahna sura' to mangka nauki' Mordekhai mpaui joo allo Purim.

Ester 2:14

Na ia ke bongimi disolanni tama ngenanna raja lan istana, namasawanna disolan omi lako ngenan laen, naurusu'i Saagas to dipattantumo nnurusu' baine buninna raja. Ia joo baine buninna raja, te'damo na la mangngolo pole' lako raja, saliwanna ke nakadoangngi unapi raja, natambai pole'pi napaui to sanganna.

Ester 2:16

Susimi joo Ester disolan male mangngolo lako Raja Ahasweros lan istana raja, tonna bulan mangpessangpulo, iamo to bulan Tebet, tonna pitung taunmo raja mangparenta.

Ester 8:1

Allo ia bang unapa joo napangbenganni raja lako Datu Ester to sininna ewananna Haman, ewa la'da'na to-Yahudi. Napaui Ester lako raja kumua anakkurenai Mordekhai. Mangpamula joo wattu, dieloran to Mordekhai mangngolo lako raja, moi nate'da naditambai jolo.

Kada Bulawan 15:33

Ngkalaja' ngkasiri' Puang Allataala, iamo garonto'na pangpangngajah to mepamacca. na ia ke madoangki' diangga' mpamajiongki' penawanta'.