Efesus 5:3 - Alkitab Duri

³ Jagai sangammi, danggi' naden tau mpaui kumua manggauk sala kamu', madoang kamu' nnassang sininna apa iarika mpugauk kamu' panggaukan tangsipato' laenna. Te'da nasipato' joo, nasaba' umma'-Na kamu' Puang Allataala.

Efesus 5:3 Referans Kwoze

Kolose 3:5

Iamo joo ca'beanni to sininna kamadoangan gaja'mi, susinna manggauk sala, panggaukan laen to tangsipato', nturu' bang pakkaeloran penawa, mangpanggaukan tangmelo na madoang nnassang sininna apa, nasaba' ia to tomangngassang dipapadai tossompa dewata.

Efesus 5:5

Nasaba' miissen kumua te'da nawa'ding menjaji umma'-Na Almaseh sola Puang Allataala lan kaparentan-Na to tomanggauk sala, tomangkedo tangsipato'na, ba'tu tomadoang bang nnassang sininna apa, nasaba' ia to tomangngassang dipapadai tossompa dewata.

1 Tesalonika 4:3

Na iara nakadoangngi Puang Allataala kumua mituo susi to sipato'na tau mesan-Na, nadanggi' manggauk sala.

1 Korintus 6:18

Danggi' manggauk sala, sanga sininna dosa laen to napugauk tau, saleanan jio mai kalena joo tau. Apa ia to tomanggauk sala, ia una mpamasolang batang kalena.

1 Tesalonika 4:7

Te'da napileiki' Puang Allataala kumua la mangpanggaukan salaki', apa iara nabenki' Roh Allataala dikua antapugaukki to napusannang-Na. Ia to tocia' ntarimai tee pangngajah tangngia tolino nakacia', apa Puang Allataalara.

1 Korintus 6:13

Den too tomangkada kumua, ia to kinande nandena ba'tang, na ia to ba'tang dipasadian nande. Apa pada la nalanynyasanni Puang Allataala. Ia to batang kale te'da nadipaden la manggauk sala, apa dipadenri la ssompa Puang, na Iamora ngkuasaii to batang kale.

Efesus 5:12

Ia to napugauk buni, mesirisan mpaui.

Matius 15:19

Nasaba' pole lan mai penawa to nanii pangtangngaran gaja' na mpalao sala tau susinna: mangbuno, manggauk sala, ncarepai tananan dapohna tau, boko, sa'bi tangtongan, na mpau gaja' tau.

Pengkitanna Yahya 2:21

Kubenmo wattu Isebel la mpenassanni dosana namengkatoba', apa cia'i paja manggauk sala.

1 Korintus 10:8

Danggi' tamanggauk sala susi to napugauk tuu lako tau pira' tonna anu'. Sangngallora na duang pulo tallu sa'bu tau mate, sanga napugaukki to susi joo.

Pengkitanna Yahya 22:15

Apa ia to tau mpugauk bangngi to panggaukan gaja', susinna topangkita-kita, tomanggauk sala, topabuno, tossompa dewata, topangnguraga la kadanna, la panggaukanna, ia ngasan tee tau la saleanan jio mai joo kota.

Pengkitanna Yahya 21:8

Apa ia to tolanjangan, tomboko'i Puang Isa, totangmessipa', topabuno, tomanggauk sala, tomangpatama-tama, tossompa dewata, na sininna tomangnguraga la dipenca'beanni tama api colo' manglanya-lanya. Iamo kamatean mangpenduan.”

Pengkitanna Yahya 2:14

Apa moi nasusi joo, den unapa tangkupumasannang lako kamu'. Den kamu' ba'tu pira-pira tonturu' pangngajaranna Bileam to nnajahhi Balak mpalao sala to-Israel nakandei to apa mangka dipassompan lako dewata, napugauk tooi to gauk mesirisan.

1 Korintus 5:1

Sitonganna denmo kareba napauanna' tau kumua den kamu' to manggauk sala liwa' gaja'. Den padanta' tomatappa' sibali indo porona. Ia una ia to tote'dapa naissen Puang Allataala, te'da ia napugaukki to susi joo!

Pengkitanna Yahya 9:21

Te'da too natorroii to panggaukan gaja'na susinna pabuno, mangpatama-tama, manggauk sala na boko.

2 Petrus 2:3

Ia joo guru tangtongan madoang bang doi'. Iamo joo nagaraga bang curita tangtongan nacuritan kamu' la nanii mpesaroi kamu'. Apa ia to pangsessa masaimo napasadia Puang Allataala cingga'tu'mora naratu la ssolanganni.

Ibrani 12:16

Ingaranni danggi' naden tau manggauk sala ba'tu te'da naangga'i to barakka'-Na Puang Allataala susi to napugauk Esau. Ia joo barakka' lako mesa' anak pamungah nabaluk lako adinna sangpiring nande.

2 Korintus 12:21

Magiangna' kumua, ia ke iti'mo', la napamajiong pole'na' Puang Allataala lan tangnga-tangngami. Magiangna' kumua la kumillakna', nasaba' buda tau lan tangnga-tangngami to tomadosamo jolona na te'da bang unapa namenassan, apa da'tanpa manggauk sala, mpugaukki to panggaukan tangmelona, ba'tu totangsipato' dipugauk.

Titus 2:3

Susi toomi joo, la mupakainga' to tomatua baine, dikua anna menturu' lako manda Puang Allataala. Te'da nawa'ding mpau gaja' padanna rupa tau, te'da napangngiso', apa la mpangpangngajaranri to disanganna melo.

2 Timotius 3:2

Tangsiissenanmo to tau, doi' mandamo napikkiri', namatampo. Nakabudai ncapa' tau, nnewa tomatuanna, tangnaissen to penawa melo na tangkasiri' Puang Allataala.

Jamanna Rasulu' 15:20

Apa paralluki' ngkiringanni sura' mpakainga'i, dikua danggi' nakande kande diharangan, susinna moda', rara na kande mangka dipassompan lako dewata, iarika danggi' namanggauk sala.

2 Petrus 2:14

Te'da nacau' mpugauk dosa. Mpenunu bang baine bandarang, nasaba' pangkabudaianna manggauk sala. Nasede tooi to tote'dapa namasaranian anna manggauk sala toda. Napubiasan bangmo to sipa' gaja'na ngkadoangngi apanna tau. Apa ia tuu lako tau, natampakki ropu Puang Allataala.

2 Petrus 2:10

La'bih-la'bih joo sessa-Na lako tonturu' bang kamadoangan penawanna to ncarepai kalena. Ia tuu lako tau ngkita majiong kuasan-Na Puang Allataala. Na ia tuu lako guru tangtongan liwa' matampo te'da namalaja' tangditampun timunna ncapa'-capa'i to malaeka' mala'bih.

1 Petrus 5:2

ammiparakai meloi to taun-Na Puang Allataala to napabarakkanan kamu' la mijagai. Susimo kamu' tomangrewa-Na njagai bembala'-Na. La mario bang kamu' mpugaukki tee jaman. Iamo joo nakabudai Puang Allataala mipugauk. Danggi' mimangjama susi to diparukura. Danggi' mipugaukki joo jaman, nasaba' gajira mikadoangngi, apa sibalikanna nasaba' madoangra kamu' ntulung tau.

Titus 1:11

Ia to tau susi joo danggi' nadipupangkada, nasaba' buda tosangbola nasolangngi, naajahhii to tangsipato'na. Napugaukki susi joo, nasaba' madoangngi mesaro punala.

Titus 1:7

Ia to tonnatoro' jamaa, iamo to mpangjaman Puang Allataala. Iamo joo naparallu tomakassing sola totangmangkada mesa. Te'da nawa'ding salle galli, ba'tu pangngiso', ba'tu passiboboran, ba'tu pangdoi'.

1 Timotius 3:3

danggi' napangngiso' ba'tu passiboboran, apa mabassa, te'da napassite'geran. Te'da napangdoi'.

1 Timotius 2:10

Sibalikanna panggaukan melora to napake la mbeloi kalena, susi to sipato'na lako baine tomassompa lako Puang Allataala.

Filipi 1:27

Samari ia to kumua la mituru' tarruh bang to pangngajaran-Na Almaseh. Na moi malena' mati' ba'tu tangmalena' mati', da'tan bang kusa'ding to karebammi kumua mesa' penawa kamu', mipada-pada mpengkulleii anna buda tau matappa' lako Kareba Kasalamatan,

Roma 16:2

Tarima meloi susi mesa' umma'-Na Puang, sola susi to sipato'na natarima umma'-Na Puang Allataala. La miben ke denni kaparalluanna, nasaba' budamo pangtulungna lako aku' sola tau laen.

Roma 6:13

Danggi' toomo mieloranni to batang kalemi la mpugauk kagajatan. Apa la miben Puang Allataala to batang kalemi, to butung matemo napatuo pole'i Puang tee too. Benni Puang Allataala to batang kalemi, anna pakei situru' pakkaeloran-Na.

Roma 1:29

Kagajatan mandamo lan penawanna na apa tangtongan, madoang nnassang sininna apa, tangngah gaja' na masere ati, madoang bang mangbuno, sibobo', mangnguraga, na malla' parru. Nakabudai ncurita tangtongan tau laen,

Jamanna Rasulu' 20:33

Moi mesa' tau te'dapa naden kukadoangngi apanna, doi'na ba'tu pakeanna.

Lukas 16:14

Den to-Farisi ssa'dingngi apa to napau Puang Isa, napetawai-tawaii, nasaba' gaja pangdoi' ngasanni.

Kada Bulawan 28:16

Ia to tomangparenta to te'da kamapahanganna, mpandasa taunna, apa la masain mangparenta to tongkaba'ci kamajekkongan.

Yosua 7:21

Ia to ewanan dirampa, den baju lando liwa' melo panggaraganna to-Babilonia, den too pera' agi-agi dua kilo na sangbatang bulawan la'bih sitangnga kilo. Gaja kukadoangngii, angkualai, kukalii to litak llan tendaku' kunii mbunii. Kupajiong laloi liu to pera'.”

1 Timotius 6:10

Nasaba' kamacinnan lako doi' mpaden mangrupa-rupa kagajatan. Den to tau mentangmatappa' pole'mo lako Puang Isa Almaseh, nasaba' male bangngi nnangah doi', apa undinna melliwa' pa'dik penawari.

Lukas 12:15

Mpatarruhhi kadan-Na Puang Isa lako tobuda ntuu jio nakua, “Majaga kamu', miingaran meloi, danggi' mimadoang nnassang sininna apa lan tee lino. Nasaba' ia to katuoanna tau te'da napole jio mai kasugiran, moi nasugih lallang.”