Efesus 4:1 - Alkitab Duri

¹ Ia tee aku', to ditarungku nasaba' mpangjamanna' Puang, meta'dana' lako kamu' kumua ia to sipa'mi la sipato' susi sipa'na umma'-Na Puang Allataala, nasaba' mangkamo kamu' dipilei menjaji umma'-Na.

Efesus 4:1 Referans Kwoze

Kolose 1:10

Ianna susimo joo, ia to sipa'mi la situru' pakkaeloran-Na Puang Allataala anna pumasannangngi penawan-Na. Susinna, mipugaukki to mangrupa-rupa kameloan, misannissen-nissennai to Puang Allataala,

Filipi 1:27

Samari ia to kumua la mituru' tarruh bang to pangngajaran-Na Almaseh. Na moi malena' mati' ba'tu tangmalena' mati', da'tan bang kusa'ding to karebammi kumua mesa' penawa kamu', mipada-pada mpengkulleii anna buda tau matappa' lako Kareba Kasalamatan,

1 Tesalonika 2:12

Kipangngingaran kamu', kipamasumanga' kamu', angkimeta'da lako kalemi na ia to panggaukanmi la susi sipato'na umma'-Na Puang Allataala. Nasaba' Puang Allataalamo mpilei kamu' menjaji umma'-Na lan kaparentan-Na ammiwa'ding mperasai kamala'biran-Na.

2 Petrus 1:3

Mangkamo napake Puang Allataala to kuasan-Na mbenki' to sininna apa diparallui antamessipa' melo susi to sipato'na. Iamo nasusi joo, nasaba' taissenmo to Puang Allataala to mangkamo mpileiki' mpake kameloan penawan-Na sola kamala'biran-Na.

2 Timotius 1:9

Napileimiki' Puang Allataala menjaji umma'-Na, napasalama'ki'. Tangngia kumua mpugaukmiki' kameloan anna pugaukki susi joo, apa naakkattai memanmo situru' kameloan penawan-Na, tonna te'dapa nadipaden tee lino. Naakkattai kumua la napakitanki' Puang Isa Almaseh to kameloan penawan-Na Puang.

1 Korintus 4:16

Iamo joo kupangngingaran kamu' dikua anna aku' miala palelean mata.

2 Tesalonika 1:11

Napileimo kamu' Puangta' Puang Allataala menjaji umma'-Na. Iamo joo kituli mpassambajangan kamu' dennaa upa' napupenjaji kamu' tosipato' disanga umma'-Na. Kipeta'da too kumua na kuasan-Na ammisamadoang-doangna mpugauk sininna panggaukan melo ammikullei mmangkaii sininna jamanmi to mijama nasaba' kamatapparanmi.

Efesus 4:17

Kuasan-Na Puang kupangngingaran kamu' kumua, “Danggi' omo mimessipa' susi totangnturu' Puang Allataala.” Tangsipato'na bang to napikkiri' tuu lako tau,

Roma 12:1

Ee, todipusile'to! Gaja napakamoja'ki' Puang Allataala, susi to kupaissenanmo kamu'. Iamo joo kupakainga' kamu' kumua la mipangben tongan to katuoanmi lako Puang Allataala susi karoba tuo to sipato' dipangben lako Puang. La susiri joo to passompami to nakabudai Puang Allataala.

Kolose 2:6

Mitarimamo to Puang Isa Almaseh kumua iamo Puangmi. Iamo joo ia to panggaukanmi la situru' panggaukanna to tompupuangngi to Almaseh.

1 Petrus 3:9

Ia ke denni tau mpugauk kagajatan lako kamu', danggi' mipabalahhii. Na ia ke denni tau ngkada-kadai kamu', danggi' too mipabalahhii. La'bih melo ke mipassambajanganni lako Puang Allataala nabarakka'ii joo tompugauk kagajatan. Napilei kamu' Puang Allataala menjaji umma'-Na ammipeta'danni barakka' to padammi rupa tau. Ia ke mipugaukmi susi joo, la nabarakka'i toda kamu' Puang Allataala.

2 Korintus 6:1

Ia tee kami', mpangjamankan Puang Allataala. Iamo joo kimeta'da tongan-tongan lako kalemi, nadanggi' mitangmpuinawai to barakka' kasalamatan mangka mitarima anna membua melo.

2 Yahya 1:5

Ee, indo'! Meta'dana' la sipakamoja'ki' sola ngasan. Ia tee kuuki', tangngia parenta baru, apa mangkamiki' dipauan tontamane' matappa' lako Puang Isa.

1 Petrus 5:10

Ia tommimangkamo maparri' cingga'tu', la naben kamu' Puang Allataala to sininna apa miparallui, la napamawatang too kamu', ammisamatappa'-tappa'na, sanga liwa' pangpakamoja'-Na Puang Allataala, to mangkamo mpilei kamu' la mperasai to kamala'biran-Na to te'da cappa'na. Susimi joo sanga da'tan kamu' memmesa' penawa sola Almaseh.

1 Petrus 2:11

Ee, tomala'bihku' to kupakamoja'! Susi kamu' tomambela ratu sompa' lan tee lino natorro susi toratu lan tangnga-tangngana totangnturu' Puang Allataala. Iamo joo meta'da tonganna' lako kamu' kumua, danggi' mituru' bangngi to kamadoangan gaja'mi to tuli hhalangngi kamu' manggauk melo.

Ibrani 13:21

dennaa upa' na Puang Allataalamora mpasadian kamu' sininna to melona, la mpugauk pakkaeloran-Na. Dennaa upa' anna Puang Allataala toomora mpupenjajiki' to napumasannang, sanga Puang Isa Almaseh. La mpakala'bih tarruhki' Almaseh te'da cappa'na. Amin.

Filipi 3:14

Ia tee aku', susina' tomassimbara. Kinjara'na' angge cappa'na la nnampa' paraseng. Ia joo paraseng iamo to kumua nasuana' Puang Allataala mentama suruga, nasaba' kamatean-Na Puang Isa Almaseh.

Efesus 5:2

La sikamasean kamu' susi Almaseh ngkamaseiki', iamo na mpangkaroban kalena la mpasalama'ki'. Ia joo kamatean-Na susi karoba bunangngu' to napumasannang Puang Allataala.

Efesus 4:4

Ia to tomatappa' dipasangrapang mesa' batang kale. Mesa' toora Roh Allataala. Susi too mesa'ra to mirannuan jio mai Puang Allataala to mangka mpilei kamu' menjaji umma'-Na.

Efesus 3:1

Ia tee aku' Paulus ditarungkuna', nasaba' mpangpeissenanna' Puang Isa Almaseh lako kamu' bangsa tangngia to-Yahudi.

Galatia 4:12

Ee, tokupusile'to! Kupeta'da misusi aku', sanga aku' tee susi toomo kamu' to bangsa tangngia to-Yahudi, sanga te'damo napukaunanna' atoranna Nabi Musa. Moi ci'di' te'da salami lako kaleku'.

Ibrani 3:1

Ee, todipusile'to padangku' tomatappa' to mangkamo napilei Puang Allataala la mentama suruga! Ingaran meloi to sipa'-Na Puang Isa to takatappa'i, to napattantu Puang Allataala menjaji Rasulu' na Imang Lompo lan agamanta'.

2 Korintus 10:1

Den ba'tu pira-pira tau lan tangnga-tangngami ssangana' kumua, baranina' ke sikambelaki', porrokanna' ke sioloanki'. Apa ia tee aku' melo penawangku' na tangmakarrah toona' susi Almaseh meta'dana' lako kalemi kumua,

Titus 2:10

te'da nakaala-ala, apa la mpangpekitanni kumua wa'ding dikatappa'i. Ianna massipa' susimo joo, la tuli napujii tau to pangngajaran-Na Puang Allataala, Tomangpasalama'ta'.

Kolose 4:12

Sallangna Epafras mati', mesa' to-Kolose, pangjama-Na Puang Isa Almaseh. Te'da napajaii mpellao doangan kamu' sola ngasan, dikua ammisamawatang-watangnamo susi mesa' tomasaranian, ammituli nturu'i to pakkaeloran-Na Puang Allataala.

2 Korintus 5:20

Jaji, topesuannakan Almaseh. Nasuakan Puang Allataala mparatuan kamu' pepasan-Na. Nasuakan Almaseh meta'da lako kalemi, “Pemaringngannii penawammi, ammisikalino pole' Puang Allataala.”

Jamanna Rasulu' 9:31

Jaji te'damo nadisessa to jamaa jio tana Yudea, Galilea na Samaria. Na pangtulung-Na Roh Allataala anna samawatang-watangna na sakerangngan-rangnganna too joo jamaa, ssompa Puang.

Roma 11:29

Ia ke napileimi Puang Allataala to tau, nabenni barakka', te'damo napenassannii.

Efesus 2:10

Tangsipato'ki' susi joo, sanga Puang Allataalara mbenki' katuoan baru, nasaba' memmesa'miki' sola Puang Isa Almaseh. Nabenmiki' katuoan baru antapugauk kameloan, to napasadia jolomo la tapugauk.