Efesus 3:5 - Alkitab Duri

⁵ Ia tonna jolona ia joo akkatta-Na te'da bang tolino dipauan, apa ia tee too mangka napangpeissenanmo Roh Allataala lako rasulu'-Na sola nabin-Na.

Efesus 3:5 Referans Kwoze

Yudas 1:17

Ee, tomala'bihku' to kupakamoja'! Ingaranni to apa mangka napau jolomo rasulu'-Na Puangta' Puang Isa Almaseh.

2 Petrus 3:2

Ingaranni to kada mangka napau jolo nabin-Na Puang Allataala tonna anu'. Ingaran tooi to parenta-Na Puang Mangpasalama' to mangkamo napangpeissenan rasulu' lako kamu'.

Efesus 2:20

Susimo kamu' bola to dipajenjen jao pangrante mangka narantei rasulu' sola nabi, na Puang Isa Almasehmo to batu aririnna.

Efesus 3:9

Napabarakkanni toona' jaman mpamanassai lako sininna tau joo akkatta-Na to jolona te'da bang tolino napauan Puang Allataala to mangka mpaden sininna apa.

Jamanna Rasulu' 10:28

Nakua Petrus lako tuu lako tau, “Miissen kumua napemalian agamangki' to-Yahudi ke malekan massangbola-bola ba'tu sirau bangsa laen. Apa mangkamo' napamanassan Puang Allataala kumua te'da napemali sirau to-Yahudi na bangsa laen, nasaba' te'da tau naharangan Puang Allataala.

Lukas 10:24

La miingaran! Buda nabi sola raja tonna anu' madoang la ngkitai to apa mikita tee too, apa te'da nakitai. Madoang too la ssa'dingngi to apa misa'ding tee too, apa te'da nasa'dingngi.”

Yahya 14:26

Ia to Roh Allataala, to tomangpakatana, la nasua Ambe' ratu ssullena'. Iamo la nnajahhi kamu' to sininna apa napangngingaran pole' kamu' to apa mangkamo kupauan kamu'.

Matius 13:17

La miingaran tee kadang-Ku' kumua, buda nabi sola taun-Na Puang Allataala tonna anu' madoang la ngkitai to apa mikita tee too, apa te'da nakitai! Madoang too la ssa'dingngi to apa misa'ding tee too, apa te'da nasa'dingngi.”

Roma 16:25

Pakala'bihhi to Puang Allataala! Iamo to kuasan-Na mpamawatang kamatapparanmi situru' Kareba Kasalamatan jio mai Puang Isa Almaseh to kupangpeissenan. Ia tee Kareba te'da naissenni tau tempon jio mai dipadenna lino,

Yahya 16:13

Apa ianna ratumo joo Roh Allataala, Iamo la mpamanassai to katonganan-Na Puang Allataala, na Ia toomo mpatuju kamu' nnissenni to sininna pangngajaran tongan. Te'da namangkada situru' pakkaeloran-Na, apa sininna to nasa'ding jio mai Aku' iamo napau. Na la napauan too kamu' to apa la jaji keanu'.

Matius 23:34

Pesa'dingngii! La kuparatuan kamu' tomapahang, nabi na guru, denni to la mibuno, na den tooi to la mipampang. Denni to la mirambi lan bola passambajangan, na den tooi to la miula' tarruh-tarruh jio mai mesa' kota lako kota laen.

Lukas 11:49

Iamo joo napattantui Puang Allataala kumua, ‘La kuparatuanni nabi sola rasulu', denni to la nabuno, na den tooi to la nasessa.’

1 Korintus 2:10

Apa lako kita' mangkamiki' napamanassan Roh Allataala, to nabenki' Puang, joo kapaissenan to te'da naissenni tolino. Roh Allataala nnissen sininna apa, moi akkatta-Na Puang Allataala to kaminang mandalan.

Matius 20:7

Mebalimi tuu lako tau nakua, ‘Te'da jaman kiampa'.’ Nakuamo, ‘Ia ke susii tuu, male lako kamu' bara'bah anggoro'ku' mangjama.’