Efesus 3:4 - Alkitab Duri

⁴ Na ia ke mibacai, miissenmi kumua kupahang tonganmo joo akkatta-Na to mangka napugauk Almaseh.

Efesus 3:4 Referans Kwoze

Kolose 4:3

Passambajangankan, anna benkan wattu Puang Allataala mpangpeissenan akkatta-Na, to jolona tangnaissenpa tau, to napugaukmo Almaseh. Na iamora joo kuditarungku.

1 Korintus 4:1

La misangakan kumua tompangjamankan Almaseh, sanga nasuakan Almaseh mpangpeissenanni to akkatta-Na Puang Allataala to te'dapa naissenni to totangnturu' Puang.

2 Korintus 11:6

Moi na te'da kumacca mangkada-kada, apa tangngiana' tobango' jiona kapaissenan, nasaba' kuissen to pangngajaran tongan, na tuli kupabuttii lako kalemi lan sininna kadangku'.

1 Timotius 3:16

Te'da mesa' tau tanglantongananni kumua liwa' ia mala'bihna to pangngajaran kasaranian, to tangkaissenanpa tonna anu', apa ia tee too napangpeissenanmo Puang Allataala. Susi tee joo pangngajaran kasaranian, “Mentolinomo Puang Isa Almaseh. Napabuttii Roh Allataala kumua Iamo napusannang Puang Allataala. Nakita sininna malaeka', napangpeissenanni tau lako sininna bangsa. Nakatappa'i tolino, naangka'i Puang Allataala tama suruga.”

Kolose 2:2

Kupugaukki tee ammipada-pada mawatang sola ngasan ke memmesa' penawamo kamu' nasaba' sipakamoja' kamu', ammipahang tonganni akkatta-Na Puang Allataala to jolona tangnaissen tau, battuananna miissenmo to Almaseh.

Efesus 6:19

La mipassambajangan todana', anna benna' kada tongan Puang Allataala ke mangkadana', sola kabaranian mpangpeissenan Kareba Kasalamatan to tangnaissenpa tau.

Efesus 5:32

Liwa' mandalanna battuananna tee kada. Ia to kusanga iamo to kasiumputanna Almaseh na tomatappa'.

Efesus 1:9

Situru' ia pakkaeloran-Na, napaissennimiki' akkatta-Na to tangnaissen tau tonna anu'. Na ia tonna te'dapa nadipaden tee lino, pura napattantu kumua Almasehra la mpugaukki joo akkatta-Na.

Lukas 8:10

Nakuamo Puang Isa mebali, “Dibenmo kamu' barakka' la nnissenni to apa tangnaissen tau kumua la ratui Puang Allataala mangparenta susi Raja. Apa ia to tau laen diajahhi mpake pangpasusian, dikua moi napemakitaii, apa te'da nakitai. Moi nada'tan bang mpesa'dingngii, apa te'da napahangngi.”

1 Timotius 3:9

Apa parallu to nnissen umbonna to melo ba'tu gaja', to nturu' pangngajaran kasaranian, to tangkaissenan tonna anu' apa ia tee too napangpeissenanmi Puang Allataala.

1 Korintus 13:2

Moi angkudiben barakka' mpangpeissenan pepasan-Na Puang, barakka' nnissen ngasanni to te'da naissenni tau, ba'tu barakka' mpahangngi to apa masussa dipahang, iarika barakka' matappa' te'da susinna lako Puang Allataala kuwa'ding mpeta'dai nadipalele to buntu jio mai ngenanna, apa ke te'dai kupakamoja' padangku' rupa tau, manassa te'da bua'ku'.

Matius 13:11

Nakuamo Puang Isa mebali, “Dibenmo kamu' barakka' la nnissenni to apa tangnaissen tau kumua la ratui Puang Allataala mangparenta susi Raja, apa ia to tau laen te'da nadipaissenni.

Roma 11:25

Ee todipusile'to! Denpa kareba to parallu miissen to te'dapa napangpeissenanni Puang Allataala lako tau tonna anu'. Madoangna' ammiissenni, anna danggi' mimajao penawa. Ia joo kareba iamo to kumua buda to to-Yahudi dipupembattuk penawanna. Na la susi bangngi joo to sipa'na, saganna'na to bangsa tangngia to-Yahudi dipasalama'.

Roma 16:25

Pakala'bihhi to Puang Allataala! Iamo to kuasan-Na mpamawatang kamatapparanmi situru' Kareba Kasalamatan jio mai Puang Isa Almaseh to kupangpeissenan. Ia tee Kareba te'da naissenni tau tempon jio mai dipadenna lino,

Efesus 3:3

Mangkamo kupau ci'di' lan tee sura'ku' kumua napakitanna' Puang Allataala joo akkatta-Na to te'da naissen tau jolona.

Efesus 3:9

Napabarakkanni toona' jaman mpamanassai lako sininna tau joo akkatta-Na to jolona te'da bang tolino napauan Puang Allataala to mangka mpaden sininna apa.

Kolose 1:26

iamo joo akkatta-Na to te'da naissenni tau sipamulanna lino, apa ia tee too dipangpeissenanmo lako umma'-Na Puang Allataala.