Efesus 3:3 - Alkitab Duri

³ Mangkamo kupau ci'di' lan tee sura'ku' kumua napakitanna' Puang Allataala joo akkatta-Na to te'da naissen tau jolona.

Efesus 3:3 Referans Kwoze

Galatia 1:12

sanga te'da kutarima jioi mai tolino. Na tangngia too tolino nnajahhina', apa kutarima jio mai Puang Isa Almaseh to mpangpekitan kalena lako aku'.

Roma 16:25

Pakala'bihhi to Puang Allataala! Iamo to kuasan-Na mpamawatang kamatapparanmi situru' Kareba Kasalamatan jio mai Puang Isa Almaseh to kupangpeissenan. Ia tee Kareba te'da naissenni tau tempon jio mai dipadenna lino,

Efesus 3:9

Napabarakkanni toona' jaman mpamanassai lako sininna tau joo akkatta-Na to jolona te'da bang tolino napauan Puang Allataala to mangka mpaden sininna apa.

Efesus 3:4

Na ia ke mibacai, miissenmi kumua kupahang tonganmo joo akkatta-Na to mangka napugauk Almaseh.

Jamanna Rasulu' 22:17

Mpatarruhmi kadanna Paulus nakua, “Ia tongkupolemo lako kota Yerusalem, kumassambajang lan Bola Puang Allataala, ta'pa nakuasaina' Roh Allataala,

Jamanna Rasulu' 22:21

Apa nakuanna' Puang, ‘Male bangmoko, nasaba' la kusuako male mambela lako bangsa tangngia to-Yahudi.’ ”

Efesus 1:17

Kupassambajangan kamu' lako Puang Allataala, Ambe' mala'bih, Puang-Na Puangta' Puang Isa Almaseh, anna ia to Roh Allataala mben kamu' kapaissenan, ammiwa'ding nnissen tonganni to Puang Allataala.

Roma 11:25

Ee todipusile'to! Denpa kareba to parallu miissen to te'dapa napangpeissenanni Puang Allataala lako tau tonna anu'. Madoangna' ammiissenni, anna danggi' mimajao penawa. Ia joo kareba iamo to kumua buda to to-Yahudi dipupembattuk penawanna. Na la susi bangngi joo to sipa'na, saganna'na to bangsa tangngia to-Yahudi dipasalama'.

Jamanna Rasulu' 23:9

Marongkami to tau. Ba'tu pira-pira guru agama torroan to-Farisi, ke'deh malea-lea tongan massite'geh nakua, “Ianna kami' te'da lalo ia salana tee tau moi sangkanuku malotong! Mbai den ia roh iarika malaeka' mpangkadaii!”

2 Korintus 12:1

Te'da bua'na to tau mpuji kalena. Apa diparukuna' mpuji toda kaleku' to apa mangkamo napakitanna' Puang Allataala.

Efesus 3:6

Na ia joo akkatta-Na kumua ia to bangsa tangngia to-Yahudi la ntarima toda barakka'-Na Puang Allataala sola to-Yahudi, na la menjaji susi mesa' kale sola to-Yahudi, anna wa'ding toda la ntarimai to apa nabasse Puang Allataala lako to-Yahudi. Ia tee jaji, nasaba' kamatapparanna bangsa tangngia to-Yahudi lako Puang Isa Almaseh tonna sa'dingmo Kareba Kasalamatan.

Efesus 6:19

La mipassambajangan todana', anna benna' kada tongan Puang Allataala ke mangkadana', sola kabaranian mpangpeissenan Kareba Kasalamatan to tangnaissenpa tau.

Kolose 2:2

Kupugaukki tee ammipada-pada mawatang sola ngasan ke memmesa' penawamo kamu' nasaba' sipakamoja' kamu', ammipahang tonganni akkatta-Na Puang Allataala to jolona tangnaissen tau, battuananna miissenmo to Almaseh.

Kolose 4:3

Passambajangankan, anna benkan wattu Puang Allataala mpangpeissenan akkatta-Na, to jolona tangnaissenpa tau, to napugaukmo Almaseh. Na iamora joo kuditarungku.

Ibrani 13:22

Kupeta'dai misabbara' ntarimai tee pangpakainga'ku', sanga te'da namalando tee sura'ku'.

1 Petrus 5:12

Bondi'ra tee sura' kukiringan kamu', kiuki' sola Silas padanta' tomatappa' to wa'ding dikatappa'i. Kuuki'i tee sura' la mpamasumanga' kamu' na mpamanassan too kamu' kumua ia to kupauan kamu' lan tee sura' tonganna pangpakamoja'-Na Puang Allataala. Tatta' kamu' mparannuanni joo pangpakamoja'.

2 Petrus 3:15

Sangami kumua ia to kasabbarasan-Na Puangta', iamo mesa' wattu la nanii mpasalama' kamu'. Mangka toomo Paulus, padanta' tomatappa' to tapakamoja', mpamanassai joo lan sura'na to nakiringan kamu', situru' to kapaissenan nabenni Puang Allataala.