Efesus 3:2 - Alkitab Duri

² Tantu misa'dingmo akkatta-Na Puang Allataala la mpasalama'i to bangsa tangngia to-Yahudi, nasaba' melo penawan-Na. Iamo joo napabarakkannina' tee jamanku' to la mipumelona.

Efesus 3:2 Referans Kwoze

1 Timotius 1:11

Ia joo pangngajaran diuki' lan Kareba Kasalamatan to pole jio mai Puang Allataala to liwa' mala'bih na sipato' dipakala'bih. Ia joo kareba dipabarakkannimo' mpangpeissenanni.

2 Timotius 1:11

Puang Allataala nnangka'na' menjaji rasulu' na guru, la mpangpeissenanni joo Kareba Kasalamatan.

Roma 1:5

Nabenna' barakka' Puang Allataala menjaji rasulu' nasaba' Puang Isa Almaseh, angkuwa'ding la mpatuju sininna bangsa kumua namatappa' sola menturu' lako Almaseh.

Efesus 4:7

Pada ntarimamiki' barakka' jio mai Almaseh situru' pakkaeloran-Na.

1 Korintus 4:1

La misangakan kumua tompangjamankan Almaseh, sanga nasuakan Almaseh mpangpeissenanni to akkatta-Na Puang Allataala to te'dapa naissenni to totangnturu' Puang.

Efesus 1:10

Ia to akkatta-Na kumua sininna apa la jao suruga, la lanna lino, la menjaji mesa' na Almaseh menjaji kapalana. La napugaukki Puang Allataala joo ke nadete'mi wattunna.

Galatia 1:13

Misa'dingmo to panggaukanku' tonna tee, tongkumangngagama to-Yahudipa, kumua liwa' kusessa to tomatappa' lako Puang Isa na la kusabu'i,

Jamanna Rasulu' 22:21

Apa nakuanna' Puang, ‘Male bangmoko, nasaba' la kusuako male mambela lako bangsa tangngia to-Yahudi.’ ”

Jamanna Rasulu' 13:46

Apa kannori sabarani-raninna Paulus sola Barnabas ntarrusanni kada nakua, “Na kamu'mo to-Yahudi jolo' dipauan to kadan-Na Puang Allataala. Apa te'da mitarimai, mipattantu kamu' kumua te'da misipato' ntarima katuoan melo te'da cappa'na. Iamo joo kimale lako bangsa laen.

Jamanna Rasulu' 13:2

Ia tonna massambajang na puasa too, nakuanni Roh Allataala, “Pileii to Barnabas sola Saulus, anna jamai to jaman mangka kupattantuanni.”

Jamanna Rasulu' 9:15

Apa nakua Puang ngkuanni, “Male bangmoko! Nasaba' mangkamo kupilei la mpangjamanna', dikua napangpeissenanna' lako bangsa tangngia to-Yahudi, lako raja, na lako too to-Yahudi.

1 Timotius 2:7

Na iamo joo naangka'na' Puang Allataala menjaji rasulu' angkudisua male lako sininna bangsa tangngia to-Yahudi la mpangpangngajaranni to kamatapparan tongan. Na tongan tee kupau, te'da kumangnguraga.

1 Timotius 1:4

mmatean too wattunna lako curita tojolo to tangkebattuan na nunnungan nene to te'da cappa'na. Nasaba' ia ngasan joo mpaden mandari kasipekkan na hhalangngi tau nnissen akkatta-Na Puang Allataala mpasalama' tolino. Tomatappa' manda ngkullei nnissenni joo.

Kolose 1:6

to nasa'dingmo tau lan lili'na lino, na mpaden barakka' lako tau. Susi toomo kamu' nabarakka'i sipamulanna misa'ding, ammiperasai tonganni to kameloan penawan-Na Puang Allataala.

Kolose 1:4

nasaba' kisa'dingmo kumua mikatappa'i tonganmi to Puang Isa Almaseh, mipakamoja' tooi to sininna umma'-Na Puang Allataala.

Efesus 4:21

Katongananni Ia. Misa'dingmo to pangngajaran-Na. Na mangkamo kamu' diajahhi to sipa'-Na.

Efesus 3:8

Aku'mo mase-masena to sininna umma'-Na Puang Allataala, apa napabarakkannina' Puang Allataala tee jaman mpangpeissenan Kareba Kasalamatan lako bangsa tangngia to-Yahudi kumua ia to barakka'-Na Almaseh te'da susinna.

Roma 12:3

Kupakainga' kamu', nasaba' mangkamo' diben barakka' jio mai Puang Allataala menjaji rasulu': Danggi' misanga kalemi la'bih majao na ia to sitonganna. La miangga' to kalemi situru' pakullemi to napabarakkanan kamu' Puang Allataala, nasaba' kamatapparanmi lako Puang Isa Almaseh.

Roma 11:13

Ia to kamu' to bangsa tangngia to-Yahudi, ia tee aku' rasulu' napilei Puang Isa mpaissenni kamu' Kareba Kasalamatan. Kukua mangkada mati', kupakala'bihhi tee jamanku', dikua anna

Efesus 3:7

Napabarakkannina' Puang Allataala tee jaman mpangpeissenan Kareba Kasalamatan anna kuasan-Na Puang Allataala mbenna' kapakullean mpugaukki.

Efesus 3:9

Napabarakkanni toona' jaman mpamanassai lako sininna tau joo akkatta-Na to jolona te'da bang tolino napauan Puang Allataala to mangka mpaden sininna apa.