Efesus 2:3 - Alkitab Duri

³ Ia joo wattu susimiki' tuu lako tau sola ngasan. Nturu' bangki' kamadoangan penawanta', antapugauk bangngi to gaja'na la mpesannangngi penawanta'. Iamo joo sipato' kumua nakagalliki' Puang Allataala anna la mpabalahhiki' susi tolaen.

Efesus 2:3 Referans Kwoze

Titus 3:3

Nasaba' moi kita' tonna jolona bango' tooki', antalao sala, te'da too taturu' Puang Allataala. Napukaunan tooki' mangrupa-rupa kamadoangan sola pakkaeloran penawa. Mpugauk tooki' kagajatan sola masere ati, na massikaba'ci bangki'.

1 Petrus 1:14

Napuanakmo kamu' Puang Allataala. Iamo joo la da'tan kamu' mengkaturu' lako kale-Na, nadanggi'mo mituru' pole' oi to kamadoangan gaja'mi to ngkuasai kamu' tonna te'dapa miissenni to Puang Allataala.

Efesus 4:22

Midiajahhi kumua la mipatorro to sipa' jolomi. Danggi' mituru' omo kamadoangan gaja'mi to mpalao sala kamu' ammimasolang.

Roma 13:14

Ake'mo na Puang Isa Almaseh mpatuju kamu' to sipato'na mipugauk. Danggi' mituru'i bang kamadoangan gaja'mi.

Roma 6:12

Iami joo, danggi'mo mieloranni to kuasa dosa mpukaunan kamu' nadanggi' mituru'i bangngi to kamadoangan gaja'mi.

1 Yahya 2:16

Sininna joo, susinna kamadoangan penawa, kamadoangan nnampui sininna to dikita, kamatampoan, te'da napole jio mai Puang Allataala apa pole jio ngasan mai tolino, to tangnturu' Puang Allataala.

Efesus 2:2

Ia joo wattu ia to panggaukanmi susi bang to panggaukanna tolino to tangnturu' Puang, ammituru' Ballisi' jao langi' to mparenta sininna setang. Iamo tatta' ngkuasaii to totangmatappa' lako Puang Allataala.

Yahya 8:44

Ballisi' kamu' to ambe'mi. Iamo mimadoang bang mpugaukki to pangkabudaianna Ballisi'. Mammula jiona mai topabuno ia. Te'da lalo ia nampau katonganan, sanga te'da katonganan naampui. Ia ke mangnguragai, sipato'namo, sanga iamo garonto'na sininna pangnguraga.

2 Korintus 7:1

Ee, tomala'bihku' to kupakamoja'! Ia joo basse-Na Puang dipatujui ngasanki'. Iamo joo danggi'mo tapugauk sininna panggaukan sola pikkirisan tangmelo. La takalaja' takasiri' to Puang Allataala, anna te'da caccata' naputau mesaki'.

1 Korintus 4:7

Te'da kamu' matande na ia to tolaen. Sininna to apa miampui mitarima jio ngasan mai Puang Allataala. Jaji, ciapari mimatampo susi to misangai kumua sininna to apa miampui te'da napole jio mai Puang Allataala!

Roma 7:18

Kuissen kumua tangmelo to penawangku', nasaba' moi madoangna' mpugaukki to melona, te'da kukullei mpugaukki.

Markus 4:19

apa mpuselang bangngi katuoanna. Madoang bangri la sugih na mangrupa-rupa kamadoangan laen to nni'pinnii joo kada lan penawanna, anna te'da namembua.

Roma 11:30

Ia tonna jolona tangmangpesa'ding kamu' lako Puang Allataala. Apa ia tee too didampanganmo kamu', sanga katangmangpesa'dinganna to-Yahudi.

Roma 9:22

Susi toomi to wa'ding napugauk Puang Allataala lako kita' tolino. Madoang Ia mpapajan kamagallian-Na sola kuasan-Na lako to sipato' dipabalahhi. Apa sabbara'i,

Yahya 1:13

Ia to todiben kuasa menjaji anak Puang Allataala, te'da nadijajian susi pea, apa Puang Allataala kalena mpupenjaji anakki.

2 Petrus 2:18

Mangkada matampo joo guru tangtongan, apa tangkebattuan to kadanna. Ia to pangngajaranna nneloran bang tau manggauk sala. Na iamo napake ssedei to tomane' messarak jio mai solana to gaja'pa sipa'na namale pole' manggauk sala.

2 Petrus 2:14

Te'da nacau' mpugauk dosa. Mpenunu bang baine bandarang, nasaba' pangkabudaianna manggauk sala. Nasede tooi to tote'dapa namasaranian anna manggauk sala toda. Napubiasan bangmo to sipa' gaja'na ngkadoangngi apanna tau. Apa ia tuu lako tau, natampakki ropu Puang Allataala.

1 Timotius 6:9

Ia to tomadoang sugih, la madoi' mpugauk mangrupa-rupa panggaukan gaja', sanga nataloii kamadoangan gaja'na, susi to naala poja. Tangmakkeguna joo pattujunna kannori mpa'dikkii, na iamo la mbawai lako kamasolangan.

Galatia 3:22

nasaba' situru' Sura' Allataala madosa ngasanmiki' to tolino. Iamo joo ia to barakka' mangka dibasse la dibenri tongkatappa'i Puang Isa Almaseh.

Roma 1:24

Iamo joo napupangngelohnai Puang Allataala mpugaukki to kagajatan situru' kamadoangan penawanna, na mpugauk mekaba'cianna lako padanna rupa tau.

1 Yahya 2:8

Apa moi nasusi joo, wa'ding too dikua parenta baru, nasaba' Almasehmora to mpugaukki mipugauk todai. Susimi joo, nasaba' te'damo minnewa Puang Allataala na mangpamulamo kamu' nturu' pakkaeloran-Na Puang.

Jamanna Rasulu' 14:16

Ia to wattu pura diboko', napupangngelohna bang Puang Allataala to sininna bangsa pada nturu' ia pakkaeloranna.

Roma 2:14

Ia to bangsa tangngia to-Yahudi te'da naissenni to atoranna Nabi Musa. Apa ia ke tuo lanni ia mai penawanna mpugaukki joo atoran, iamo ia mpupenjajii atoran lako kalena.

Roma 5:9

Dipupenjaji tomeloki', nasaba' kamatean-Na Almaseh. Iamo joo buttinna kumua la napasalama'miki' Almaseh jio mai pangcalla-Na Puang Allataala ke Kiama'mi lino.

Roma 5:10

Ia tonna jolona siewaliki' Puang Allataala. Moi nasusi joo, dipasikalino pole'miki' Puang Allataala, sanga kamatean-Na Anak. Apa pole'raka tee too, ke sikalino pole'miki' Puang Allataala, tantumo la dipasalama'miki', nasaba' katuoan-Na Almaseh.

Kolose 1:21

Susi toda kamu' tee too dipasikalinomo Puang Allataala. Jolona tangngia kamu' umma'-Na Puang Allataala na miewali tooi, sanga gaja' to penawammi sola panggaukanmi. Napasikalinomo kamu' Puang, nasaba' kamatean-Na Anak, ammidipatorro leko' jio mai totangnturu' Puang, anna te'da caccami ba'tu kakuranganmi ke dipangngolomo kamu' lako Puang Allataala.

1 Tesalonika 4:13

Ee, tomala'bihku'! Parallu miissen kumua apa to la jaji lako padanta' tomatappa' to jolomo lako, dikua nate'da namasse penawammi susi totangmatappa', to te'da namangrannuan lako Puang Allataala.

1 Tesalonika 5:6

Jaji la majagaki' antata'tan kaleta'. Danggi' tatangmangngingaran susi tomamma' ke bongii.