Efesus 2:1 - Alkitab Duri

¹ Ia tonna jolona susi kamu' tomate, te'da miampui katuoan baru jio mai Puang Allataala, natumang kedo gaja'mi sola dosami.

Efesus 2:1 Referans Kwoze

Kolose 2:13

Ia tonna jolona susimo kamu' tomate, te'da miampui katuoan baru jio mai Puang Allataala, nasaba' madosa kamu', na te'da midisunna' situru' atoran agama to-Yahudi. Apa ia tee too napatuomo kamu' Puang Allataala sola Almaseh. Nadampanganki' moi nabuda dosata'.

Roma 8:2

nasaba' kuasan-Na Roh Allataala mangka lla'paranki' jio mai kuasa dosa sola kuasa kamatean. Ia to Roh Allataala mangka mbenki' katuoan baru sola Puang Isa Almaseh.

Efesus 4:18

na te'da namapahang. Te'da naampa' katuoan baru to nabenni Puang Allataala, sanga te'da naissenni to pangngajaran tongan na tangmangpesa'ding tooi.

Yahya 5:21

Susi to Ambe'-Ku' mpatuo tomate, nabenni katuoan melo te'da cappa'na, susi todami Aku' Anak mpangben katuoan melo te'da cappa'na lako ia to tokukadoangngi.

1 Yahya 3:14

Ia ke mpakamoja'ki' padanta' tomatappa', taissen kumua te'damo nakuasaiki' kuasa kamatean, apa ntarimamiki' katuoan melo te'da cappa'na. Na ia to tote'da napakamoja' tolaen, tonakuasaipa ia kuasa kamatean.

Yahya 14:6

Mebalimi Puang Isa nakua, “Aku'mo minii nnissen Puang Allataala sola nnampa' katuoan. Moi mesa' tau te'da nakullei ratu lako Ambe', ke te'dai kupuissenni.

Efesus 5:14

Nasaba' ia to pakkaeloran-Na mpaissennii joo tau. Iamo joo naden dipau kumua, “Ee, iko to mamma'na, mi'cikmoko, ammutuo pole' jio mai kamatean, anna la napamanassanko Almaseh to pakkaeloran-Na Puang!”

1 Timotius 5:6

Apa ia to baine te'damo muanena na nturu'i bang pakkaeloran penawanna, sitonganna tomatemo ia, moi natuo unapa.

Yahya 5:25

La miingaran kumua, la nadete'mi wattunna, na sitonganna wattunnami tee too, kumua ia to tomate la ssa'ding gamarang-Ku', tee Aku' Anak Allataala, na ia to tossa'dingngi la tuo pole'.

1 Korintus 15:45

Den diuki' lan Sura' Allataala kumua, “Kepenawa to pamula tolino, iamo to Adam,” apa penawa mangpatuo to cappa' Adam, iamo to Almaseh.

Yahya 10:10

Ia to taboko raturi ia la boko, la pabuno na makkasolang. Apa ia tee Aku' ratuna' la mben katuoan tolino anna tuo tangkakurangan.

Pengkitanna Yahya 3:1

Nasuana' nakua, “Uki'i susi tee lako malaeka'na jamaa jio kota Sardis: Ia tee pepasan pole jio mai Aku' to nnampui pitu roh jio mai Puang Allataala na pitu bintuin. Iamo tee pepasan-Ku': Kuissen to apa mipugauk. Nakua tau kumua disanga kamu' tuo, apa ianna Aku', kukua tomatemo kamu'.

Lukas 15:32

Paralluki' mangmaroah-roah, nasaba' ia joo adimmu samannamo to mangka mate, apa tuo pole'mi. Mangkami ta'de, apa diampa'mi.’ ”

Lukas 15:24

nasaba' ia tee anakkaku' samannamo to mangka mate natuo pole', mangkami ta'de nadiampa'.’ Napamulami mangmaroah-roah.

Matius 8:22

Apa mebalimi nakua, “Undiko nturu'na'! Ake'mo na tomatemora llamun tomatena.”

2 Korintus 5:14

Napamasumanga'kan pangpakamoja'-Na Almaseh, sanga kiissen kumua ia ke mesa' tau mpumate sininna tau, pada to kumua sininna tau mate ngasanmi.