Efesus 1:8 - Alkitab Duri

⁸ Napugaukki Puang Allataala susi joo, nasaba' liwa'ki' napakamoja'. Liwa' mandalan tangngah namacca to Puang Allataala!

Efesus 1:8 Referans Kwoze

Pengkitanna Yahya 5:12

makkelong nnandongngi gamaranna nakua, “Ia joo Anak Bembala' mangka digere', sipato' ntarima kuasa, kasugiran, kapaissenan sola kamawatangan. Nang sipato' ia dikasiri', dipakala'bih, na dipuji.”

Kolose 2:3

Nasaba' Almasehra mpamanassai to sininna kapaissenan-Na sola kamaccan-Na Puang Allataala.

Efesus 3:10

Napugaukki Puang Allataala susi joo la mpapajanni to mangrupa-rupa kamaccan-Na sola kapaissenan-Na Puang Allataala lako mangrupa-rupa tomakuasa ba'tu tomangparenta jao langi' ke nakitai to tomatappa' menjaji susi mesa' kale.

Roma 5:15

Apa ia joo barakka' napangben Puang Allataala te'da napada to dosa napugauk Nabi Adam. Tongan kumua napumate ngasan tolino, sanga dosana Nabi Adam. Apa la'bih keangga' to kasalamatan napangben Puang Allataala lako tobuda nasaba' mesa' tau, iamo to Puang Isa Almaseh.

Yudas 1:25

Ia manda mesa-mesanna Puang Allataala, to mpasalama'ki' nasaba' kamatean-Na Puangta' Puang Isa Almaseh. Iamo Puang Allataala to mala'bih, matongko, mawatang na makuasa mammula jiona mai, tee too, na te'da cappa'na! Amin.

Efesus 1:11

Ia to napugauk-Na Puang Allataala, napasituru' tarruhhi akkatta-Na sola pakkaeloran-Na to pura napattantumo. Ia tonna te'dapa nadipaden tee lino napileimiki', sanga madoangngi antamenjaji umma'-Na, nasaba' memmesa'ki' sola Almaseh.

1 Korintus 2:7

Apa ia joo kipau, kapaissenan pole jio mai Puang Allataala. Ia joo kapaissenan te'da naissenni tolino, apa napasadiamo Puang Allataala joo kapaissenan tonna te'dapa nadipaden tee lino, antapumala'bihhi.

Roma 11:33

Tangnadete' akkalanna tolino to kamala'biran-Na, kamaccan-Na sola kapaissenan-Na Puang Allataala! Te'da ia tau wa'ding nnissenni to pura napattantu. Te'da too ia tau wa'ding mpahangngi to napugaukkuna.

Kada Bulawan 8:12

Aku'mo to disanga macca, jio aku' den akkalan melo, den kapaissenan sola matarruh mangpikkiri'.

Matius 11:19

Na ratu omo' Aku', Anak Mentolino, kukumande sola mangngiso', nakua omo tau kumua, ‘Kitai joo tomaullak, pangngiso', soba'na passassung sola togaja' sipa'na.’ Apa moi na susi joo, mandalan tangngah to Puang Allataala, na ia to kamandalanan tangngah-Na pajan lan panggaukan-Na.”

Efesus 1:7

Mangkamiki' nala'bak Puang Allataala jio mai kuasa dosa, battuananna didampanganmiki', nasaba' kita'ra namate to Almaseh.

Efesus 1:9

Situru' ia pakkaeloran-Na, napaissennimiki' akkatta-Na to tangnaissen tau tonna anu'. Na ia tonna te'dapa nadipaden tee lino, pura napattantu kumua Almasehra la mpugaukki joo akkatta-Na.