Efesus 1:7 - Alkitab Duri

⁷ Mangkamiki' nala'bak Puang Allataala jio mai kuasa dosa, battuananna didampanganmiki', nasaba' kita'ra namate to Almaseh.

Efesus 1:7 Referans Kwoze

1 Petrus 2:24

Almasehra Ia mperasai kamaparrisan jao kaju sitamben nasaba' dosata', antala'pah jio mai kuasa dosa, antaturu' too pakkaeloran-Na Puang Allataala. Napamalagahki' nasaba' kamaparrisan-Na Almaseh jao kaju sitamben.

Roma 3:24

Apa pangkamasean-Na Puang Allataala to mpakamoja'ki', antawa'ding dipupenjaji tomelo, nasaba' matappa'ki' lako Puang Isa Almaseh, to mangkamo la'bakki' jio mai kuasa dosa.

Kolose 1:14

Iamora tee Anak lla'bakki' jio mai kuasa dosa, battuananna didampanganmiki'.

Ibrani 9:22

Sitonganna ianna situru' atoran agama to-Yahudi, ci'di'mora to te'da nadipemaceroi mpake rara. Susi toomi joo, iapi naden kadidampangan ke dipato'doii rara.

Matius 26:28

Nasaba' rara-Ku' tee, to mpaassah basse-Na Puang Allataala, rara to dipato'do la ndampangan buda tau.

Pengkitanna Yahya 5:9

Makkelongngi mpukelong kelong baru: “Sipato'ki' nnalai tapiak tooi to segelna tuu sura' tilulun, sanga mangkamiki' digere' anna ia to rara kamatean-Ta' tapake nnallian tau Puang Allataala jio mai sininna rapu tau, tondok, basa na bangsa.

1 Yahya 2:12

Ee, kamu' to anak! Kuukiran kamu' tee, nasaba' didampanganmo kamu' sanga kamatean-Na Puang Isa Almaseh.

Filipi 4:19

Dennaa upa' na Puangku' Puang Allataala, to tangdikulle mbilangngi to kasugiran-Na, mben kamu' to apa miparallui, nasaba' Puang Isa Almaseh.

Efesus 2:7

Napugaukki susi joo dikua anna pangpekitanni lako tolino to tuo lan wattu la dioloi lako kumua tangdikulle mpikkiri'i to pangpakamoja'-Na sola kameloan penawan-Na lako kita', nasaba' ia to napugauk Puang Isa Almaseh.

1 Korintus 1:30

Menjajimo kamu' umma'-Na Puang Isa Almaseh, nasaba' Puang Allataalara. Iamo ssua Puang Isa la mpasalama' kamu', napupenjaji kamu' tomacca, tomelo, napatorro leko' kamu' jio mai to totangnturu' Puang, nala'bak kamu' jio mai kuasa dosa.

Efesus 3:16

Massambajangna' lako Puang Allataala, to kaminang mala'bih, anna pamawatang kamu' Roh Allataala.

2 Korintus 8:9

Miissen kumua gaja napakamoja' kamu' Puangta' Puang Isa Almaseh. Sugih Ia, apa mpupengkaasi-asii kalena nasaba' kamu', anna ia joo kakaasi-asian-Na mpupessugih kamu'.

Roma 2:4

Ba'tu te'daraka miangga'i to kamamasean-Na Puang Allataala, kameloan penawan-Na na kasabbarasan-Na to napakitan kamu'? Miissen kumua madoangri Puang Allataala ke mengkatoba' kamu', iamo joo napemeloan kamu' penawa.

1 Yahya 2:2

Iamo karoba to mpasikalinoki' Puang Allataala anna wa'ding ndampanganki' to tomadosa. Na te'da na kita' manda, apa moi sininna tolino.

Titus 2:14

Mangkamo Ia mpangkaroban kalena la lla'bakki' jio mai sininna kagajatanta' napupenjajiki' umma'-Na to tangmadosa antatatta' too mpugauk kameloan.

Jamanna Rasulu' 2:38

Napebalii Petrus nakua, “Mengkatoba' kamu' jio mai dosami, ammipada mpangben kalemi dijio' mpau sangan-Na Puang Isa Almaseh anna dampangan kamu' Puang Allataala, naben too kamu' Roh Allataala.

Matius 20:28

Susi tee Aku', Anak Mentolino, te'da kuratu tama lino la massua, apa ratura' la menjaji todisua-sua sola la mpangben sunga'-Ku' kumua nadila'bak to tolino jio mai dosana.”

Daniel 9:9

Apa Kita'mo Puang Allataala to kisompa, to nnaddampangankan sola ngkamaseikan, moi na kinnewa parenta-Ta'.

1 Yahya 4:10

Iamo tee to pangpakamoja'. Te'da na kita' mpakamoja' Puang Allataala, apa Iara mpakamoja'ki', nasuai to Anak menjaji karoba mpasikalinoki' Puang Allataala anna wa'ding ndampanganki' to tomadosa.

Jamanna Rasulu' 20:28

Njagai kamu' kalemi. Mijagai tooi jamaa to mangka napangben Roh Allataala la mijagai, nasaba' kamu'mo diangka' menjaji tonnatoro' jamaa-Na Puang Allataala. La mijagai melo to taun-Na susi tomangrewa rrewai bembala'na, nasaba' elohnamo Puang Allataala namate Puang Isa dikua nawa'ding lla'bak taun-Na.

Daniel 9:19

Oo Puang Allataala to kusompa, pesa'dingngii tee peta'danku', parinawamokan, Taaddampangankan. Ia ke wa'dingngi Tapupenjajimi silalona to peta'danku', dikua na Kita' to dipakala'bih, sanga ia to kota Yerusalem kota-Ta', na ia to kami' umma'-Ta' to Tapileimo.”

1 Petrus 3:18

Nasaba' pissenra mate to Almaseh la ndampangan tolino. Ia to Almaseh, to te'da namadosa, namate ssulle tomadosa, dikua misikalino pole' Puang Allataala. Batang kale-Na nabuno tau, apa napatuo pole'i Roh Allataala.

Efesus 3:8

Aku'mo mase-masena to sininna umma'-Na Puang Allataala, apa napabarakkannina' Puang Allataala tee jaman mpangpeissenan Kareba Kasalamatan lako bangsa tangngia to-Yahudi kumua ia to barakka'-Na Almaseh te'da susinna.

Jamanna Rasulu' 10:43

Sininna nabi mpangpeissenanni kumua ia to tongkatappa'i Puang Isa la didampangan, nasaba' kuasan-Na Ia Puang Isa.”

Yahya 20:23

Ia ke midampanganni to tau, nadampangan todai Puang Allataala. Na ia ke te'da midampanganni, te'da toda nadampanganni Puang Allataala.”

Markus 14:24

Nakuamo Puang Isa, “Rara-Ku' tee, to mpaassah basse-Na Puang Allataala, rara to dipato'do la ndampangan buda tau.

Titus 3:6

Nasuami Puang Allataala to Puang Isa, Tomangpasalama'ta', mpakabuhhiki' Roh Allataala,

1 Timotius 2:6

to mangka mpangben kalena dipampang la lla'bak ngasan tolino jio mai kuasa dosa. Susimi joo to wattu pura napattantu napabuttii Puang Allataala kumua madoangngi mpasalama' ngasan tau.

Kolose 2:13

Ia tonna jolona susimo kamu' tomate, te'da miampui katuoan baru jio mai Puang Allataala, nasaba' madosa kamu', na te'da midisunna' situru' atoran agama to-Yahudi. Apa ia tee too napatuomo kamu' Puang Allataala sola Almaseh. Nadampanganki' moi nabuda dosata'.

Kolose 2:2

Kupugaukki tee ammipada-pada mawatang sola ngasan ke memmesa' penawamo kamu' nasaba' sipakamoja' kamu', ammipahang tonganni akkatta-Na Puang Allataala to jolona tangnaissen tau, battuananna miissenmo to Almaseh.

Kolose 1:27

Madoangngi Puang Allataala mpangpekitanni lako sininna umma'-Na to melona sola mala'bihna joo akkatta-Na lako kamu' bangsa tangngia to-Yahudi kumua, natorro too Almaseh lan kalemi, na iamo buttinna kumua la turu' toda kamu' mperasai kamala'biran-Na Puang Allataala jao suruga.

Efesus 2:4

Apa mamase na mangpakamoja' to Puang Allataala te'da susinna.

Roma 9:23

dikua anna mpangpepajanan kamala'biran-Na to napatuju lako kita' tonakamasei. Na mangkamiki' napasadia la ntarimai joo kamala'biran.

Jamanna Rasulu' 3:19

Ee todipusile'to! Iamo joo la mpenassanni kamu' dosami mimengkatoba', mimenturu' lako Puang Allataala anna dita'dei to dosami,

Lukas 24:47

Den too diuki' kumua la dipangpeissenan joo Kareba, mpake sangan-Na Almaseh, lako sininna bangsa lan lino anna mengkatoba' jio mai dosana, nadampanganni Puang Allataala. Na ia joo Kareba dipangpeissenan mangpamula jio mai kota Yerusalem.

Lukas 1:77

la mpangpeissenanni lako umma'-Na, kumua la dipasalama'mi, ke nadampanganmi Puang Allataala.

Pengkitanna Yahya 14:4

Melo tuu lako tau, sanga te'da lalo ia nasola baine. La undi bang lako Anak Bembala', moi umbo nanii male. Ia to tau, mane' iara to dipasalama' dipasusi bungah bua dipangben lako Puang Allataala na lako Anak Bembala'.

Efesus 1:6

Pakala'bihhi Puang Allataala, nasaba' pangpakamoja'-Na to te'da susinna. Manassa to pangpakamoja'-Na, nasaba' nabenmiki' Anak to napakamoja'.

Yunus 4:2

Massambajangmi lako Puang Allataala nakua, “Oo PUANG, namangka memanmo kupau ba'tu piran jio kampongku' kumua nang la Tasullei akkatta-Ta'. Iamo joo kupalai lako kota Tarsis, nasaba' kuissen kumua Kita'mo Allataala to mamase na mangpakamoja', liwa' sabbara' na te'da napaja to pangpakamoja'-Ta' antasullei akkatta-Ta' te'da Tasessa tau.

Matius 6:12

Dampangankan, susi kami' ndampangan tokasalan lako kaleki'.

Roma 3:25

Mangkami napangkaroban Puang Allataala to Puang Isa Almaseh nalolong rara-Na, dikua anna ia to tomatappa' wa'ding dila'bak jio mai kuasa dosa. Iamo joo nanii Puang Allataala mpangpekitanni to kamarurusan-Na, nasaba' ia tonna jolona te'da nadipabalahhi dosana to tolino.

Efesus 1:8

Napugaukki Puang Allataala susi joo, nasaba' liwa'ki' napakamoja'. Liwa' mandalan tangngah namacca to Puang Allataala!

Efesus 1:14

Ia joo Roh Allataala buttinna kumua la tatarimamo to apa nabasse Puang Allataala lako umma'-Na. Battuananna, iamo tanii ngkanassai kumua la nala'bak tonganki' Puang Allataala kita' tee umma'-Na. Napugaukki susi joo antapakala'bih Puang Allataala to mala'bih!

Efesus 1:18

Kupassambajangan too kamu', napapahangngi kamu' Puang Allataala, ammiwa'ding nnissenni to apa mirannuan jio mai Puang Allataala to mangka mpilei kamu' menjaji umma'-Na. Ammiissenni kumua liwa' melo to apa nabasse Puang Allataala lako umma'-Na.