Biblia Todo Logo
Bib sou entènèt

- Piblisite -




Efesus 1:4 - Alkitab Duri

4 Napakamoja'ki' Puang Allataala. Napileimiki' tonna te'dapa nadipaden tee lino nasaba' Almaseh, antawa'ding menjaji tau mesan-Na nate'da caccata' ba'tu kakuranganta'.

Gade chapit la Kopi




Efesus 1:4
55 Referans Kwoze  

Napileimiki' Puang Allataala menjaji umma'-Na, napasalama'ki'. Tangngia kumua mpugaukmiki' kameloan anna pugaukki susi joo, apa naakkattai memanmo situru' kameloan penawan-Na, tonna te'dapa nadipaden tee lino. Naakkattai kumua la napakitanki' Puang Isa Almaseh to kameloan penawan-Na Puang.


Tangsipato'ki' susi joo, sanga Puang Allataalara mbenki' katuoan baru, nasaba' memmesa'miki' sola Puang Isa Almaseh. Nabenmiki' katuoan baru antapugauk kameloan, to napasadia jolomo la tapugauk.


Mangkai joo too kukuamo lako to jio sa'de kanan-Ku' kumua, ‘Malemo kamu' mai sininna to tonabarakka'i Ambe'-Ku' Puang Allataala. Mentamamo kamu' kaparentan-Ku' to nang dipasadiamo sipamulanna lino.


Ee, tomala'bihku' to kupakamoja'! Ingaranni tee, ia to tokaasi-asi lan tee lino, napilei Puang Allataala la menjaji tosugih lan kamatapparan. Napilei too la menjaji umma'-Na lan kaparentan-Na. Susimi joo mangka nabasse lako ia to tompakamoja'i.


Apa kamu'mo to bangsa napileimo Puang Allataala, ammimenjaji imangna Raja to mipangjaman. Napupenjaji kamu' bangsa to disarakki jio mai bangsa laen ammimenjaji tau mesan-Na. Napileimo kamu' la mpangpeissenan panggaukan-Na to te'da susinna. Iamo ntambai kamu' messun lan mai kamasolangan, ammimentama kamasannangan to liwa' mejangngaran.


La nasompa sininna to totuo lan lino, saliwanna to tomangkamo diuki' sanganna lan Sura' Katuoan tonna te'dapa nadipaden tee lino. Ia to Sura' Katuoan, sura'-Na Anak Bembala' to mangkamo digere'.


Tangngia kamu' mpileina', apa Aku'ri mpilei kamu', angkusua kamu' male ammimembua buda, to bua te'da nalamasolang. Na ia to apa mipeta'da lako Ambe' mpau sangang-Ku', la naben kamu'.


Napileimo kamu' Ambe' Puang Allataala susi to pura napattantu jolona. Roh Allataalamo mpupenjaji kamu' tau mesan-Na, ammimengkaturu' lako Puang Isa Almaseh to ndampangan kamu' mpake rara-Na. Dennaa upa' naben kamu' Puang Allataala sabuda-budanna barakka' sola kamasannangan.


Ia tonna te'dapa nadipaden tee lino napattantu jolomo Puang Allataala kumua Puang Isa Almaseh menjaji Tomangpasalama', na ia tee wattu la tampakkanami lino ratumi la mpasalama' kamu'.


Napakamoja' kamu' Puang Allataala na mangkamo kamu' napilei menjaji tau mesan-Na. Iamo joo la sikamasean kamu' padammi rupa tau, melo penawa, danggi' matampo, mangkada rampa' lako tau, sola sabbara' kamu'.


Napugaukki susi joo anna te'da salana, kakuranganna, ba'tu cacca laenna to tomatappa', apa melo, mala'bih na sipato' ke'deh jio sa'dena Almaseh susi tobotting baine ke'deh jio sa'dena tobotting muane.


Ia tuu olok-olok mukita denmo natuo tonna anu', apa matemi too. Na cingga'tu'mora naendek jiong mai posi' tana, apa la dicallai te'da cappa'na. Ia to totuo lan lino to te'da nadiuki' sanganna lan Sura' Katuoan tonna te'dapa nadipaden tee lino, la jangngah ngkitai, sanga ia joo olok-olok tuomo jolona, na matemo, o naden pole' omi.


Ia tonna sa'dingngi bangsa tangngia to-Yahudi joo, masannang ngasan na mpakala'bih kadan-Na Puang. Na memmatappa' lako Puang Isa sininna to tonapattantumo Puang Allataala la nnampa' katuoan melo te'da cappa'na.


Oo Ambe', meta'dana' na ia tuu lako taun-Ta' to tabenna' la torro jio to kunii, anna kitai to kamala'biran-Ku'. Tabenmo' joo kamala'biran tonna te'dapa nadipaden tee lino, nasaba' tapakamoja'na'.


Te'da napileiki' Puang Allataala kumua la mangpanggaukan salaki', apa iara nabenki' Roh Allataala dikua antapugaukki to napusannang-Na. Ia to tocia' ntarimai tee pangngajah tangngia tolino nakacia', apa Puang Allataalara.


dikua namanassa lako tolino to tangmaruruh na togaja', kumua tomelo kamu' mimaruruh na te'da caccami, apa taun-Namo kamu' Puang Allataala. Miarrangngii to tolino to tangnturu' Puang Allataala susi arrang lako tosala lalan,


Apa ia to pangngajaran tongan jio mai Puang Allataala susi pondasi mawatang to te'da nalatiroge. Den diuki' jio ntuu joo pondasi nakua, “Naissen Puang to taun-Na” sola “Te'damo nawa'ding mpugauk kagajatan to tomangngaku kumua, ‘Taunnana' Puang Allataala.’ ”


nasaba' kusolan tarruhko. Moi mesa' tau te'da ngkullei la nnapako, sanga buda taung-Ku' lan tee kota.”


Namawatang bangna' ntarima ngasanni, nasaba' kaparalluanna to tau mangkamo napilei Puang Allataala, dikua nalolongan kasalamatan jio mai Puang Isa Almaseh, sola kamala'biran te'da cappa'na.


Danggi' mimatampo, sipangkada rampa' kamu', sisabbarasan kamu' ammisipakamoja' too.


Puangta' Puang Isa Almaseh Ia la mpamawatang kamu' mida'tan matappa' ratu lako cappa'na anna moi ci'di' te'da kasalanmi, ke ratu pole'mi.


Dipannonii to tarompe' gaja tonggo, angkumane' ssuai to malaeka'-Ku', rrempun ngasanni to taung-Ku' jio mai sulapa'na lino.”


La sikamasean kamu' susi Almaseh ngkamaseiki', iamo na mpangkaroban kalena la mpasalama'ki'. Ia joo kamatean-Na susi karoba bunangngu' to napumasannang Puang Allataala.


Den unapa bembala' laen, to bembala'-Ku' toda, apa te'da ia napole lan mai ntee bala. Na la kusolan toda, nasa'dingngi to gamarang-Ku', namangmesa sola ngasanni na mesa'ra tomangrewana.


Na dennaa upa' mipede' sipakamoja' sola ngasan, mipede' mpakamoja' too sininna tau, susi kami' mpakamoja' kamu'.


Ia ke susimi joo, mari'pihmi Almaseh lan penawammi, nasaba' matappa' kamu' lako kale-Na. Massambajang toona' kumua moi apa mipugauk, mipugaukki nasaba' pangpakamoja'.


Ee, tokupusile'to! Nala'paranmo kamu' Puang Isa jio mai atoran agama! Apa danggi' mipake salai to kadila'paranmi mpugauk mangrupa-rupa kagajatan situru' kamadoangan penawammi, apa la situlungra kamu', misipakamoja' too.


Te'da ia tau ngkullei la mparapa'ki' to tonapileimo Puang Allataala, sanga Puang Allataala ngkuanki' kumua tote'da salata'.


Nasaba' buda nabi tangtongan sola tossanga kalena tomangpasalama' la mpangpekitan kalena. La mpugauk mangrupa-rupa tanda mejangngaran sola panggaukan mekalajatan, la mpalao sala tau, na ke wa'dingngi moi too umma'-Na Puang Allataala.


Na ia kenna te'da napemadoi'i Puang Allataala nnanggeii joo wattunna, te'damo tau la salama'. Apa napemadoi'i, nasaba' umma'-Na to mangka napilei.


Taissen sola takatappa'i kumua napakamoja'ki' Puang Allataala. Mangpakamoja' to Puang Allataala. Ia to toda'tan mangpakamoja', da'tan too mesa' penawa sola Puang Allataala, na Puang Allataala da'tan mesa' penawa sola ia.


Ee, tomala'bihku' to kupakamoja'! Da'tan una kamu' ntajanni joo wattu, la mipengkulle-kullei sikalino padammi rupa tau anna te'da caccami ba'tu kakuranganmi ke mangngolomo kamu' lako Puang Allataala.


Kupugaukki tee ammipada-pada mawatang sola ngasan ke memmesa' penawamo kamu' nasaba' sipakamoja' kamu', ammipahang tonganni akkatta-Na Puang Allataala to jolona tangnaissen tau, battuananna miissenmo to Almaseh.


Apa ia to tau nasolan Roh Allataala, melo panggaukanna: mangpakamoja', mario, masannang bang penawanna, sabbara', mabassa, melo penawa, mangngingaran tarruh,


Ia ke sirapumiki' Puang Isa Almaseh, te'damo silaenanna todisunna' ba'tu totangdisunna'. Apa ia to parallu, iara to kamatapparan lako Puang Isa Almaseh, to napamanassa kasipakamojatanta' padanta' rupa tau.


to mangka napangpeissenan tonna anu'.”


Swiv nou:

Piblisite


Piblisite