Efesus 1:11 - Alkitab Duri

¹¹ Ia to napugauk-Na Puang Allataala, napasituru' tarruhhi akkatta-Na sola pakkaeloran-Na to pura napattantumo. Ia tonna te'dapa nadipaden tee lino napileimiki', sanga madoangngi antamenjaji umma'-Na, nasaba' memmesa'ki' sola Almaseh.

Efesus 1:11 Referans Kwoze

Roma 8:28

Taissen kumua Puang Allataala Ia nnatoro'i to sininna apa, anna benni kameloan lako to tompakamoja'i, to napileimo situru' eloh-Na.

1 Petrus 1:4

Parannuki' la ntarima barakka' tangmasolang, te'da naburuk, na tangmaluse, to napasadianmiki' Puang Allataala jao suruga.

Efesus 1:14

Ia joo Roh Allataala buttinna kumua la tatarimamo to apa nabasse Puang Allataala lako umma'-Na. Battuananna, iamo tanii ngkanassai kumua la nala'bak tonganki' Puang Allataala kita' tee umma'-Na. Napugaukki susi joo antapakala'bih Puang Allataala to mala'bih!

Efesus 3:11

Susimi joo napattantu Puang Allataala tonna te'dapa nadipaden tee lino, na iamo joo nasuai to Puangta' Puang Isa Almaseh mpugaukki to akkatta-Na.

Efesus 1:5

Ia joo wattu napattantu jolomiki' Puang Allataala kumua la diangka'ki' menjaji anakka-Na situru' pakkaeloran-Na nasaba' Puang Isa Almaseh. Iamo nanii pajan to pangpakamoja'-Na.

Galatia 3:18

Ia ke ia to barakka' nabasse Puang Allataala lako Nabi Ibrahim sola bati'na, diben lako mandari tonturu' atoran agama, tangngiamo ia disanga basse. Apa nang mangkamo ia nabasse jolo Puang Allataala lako Nabi Ibrahim to barakka' la nabenni.

Ibrani 6:17

Madoangngi Puang Allataala mpamanassai lako to ntarimai to apa nabasseanni kumua te'da natanglampatarruhhi to akkatta-Na. Iamo joo namassapah tonna pau basse-Na.

Titus 3:7

dikua antaampa' katuoan melo te'da cappa'na, susi to pangrannuanta', sanga mangkamiki' dipupenjaji tomelo nasaba' kameloan penawan-Na.

Roma 8:17

Ia ke anak Allataalamiki', wa'dingmiki' la ntarima barakka'-Na Puang Allataala sola Almaseh. Na ia ke mperasaiki' parri' tee too susi Almaseh tonna tee, la dipakala'bih todaki' sola Almaseh.

Kolose 1:12

mituli mangkurru sumanga' lako Ambe'ta' Puang Allataala. Ia mpasipato' kamu' la nnampa'i jao suruga to apa nabasse lako umma'-Na.

Kolose 3:24

Ingaranni kumua la miampa' pahalami jio mai Puang, susi to mangka nabasse lako umma'-Na. Puangmi to Almaseh na Iamo mipangjaman.

Jamanna Rasulu' 26:18

mpami'cikki to matanna, ssolanni jio mai kamalillinan lako macerona, lla'paranni jio mai kuasanna Ballisi' lako kuasan-Na Puang Allataala, anna didampangan, namenjaji umma'-Na to napilei Puang Allataala, sanga matappa'i lako Aku'.’ ”

Jamanna Rasulu' 20:32

La kupangbenmo kamu' lako Puang Allataala tee too, anna Ia mpuissen kamu' ammirannuan tongan-tonganni to kareba kameloan penawan-Na. Makuasa Ia la mpamawatang kamu' nabarakka'i kamu' to barakka' mangka napasadian sininna umma'-Na.

Jamanna Rasulu' 2:23

Mangkamo napangben Puang Allataala lako kalemi ammipangpebunoanni lako togaja' napampangngi. Apa sitonganna ia joo situru'mo akkatta-Na Puang Allataala mellao jiona mai.

Jamanna Rasulu' 20:27

Kupamanassanmo kamu' sininna to pakkaeloran-Na Puang Allataala.

Jamanna Rasulu' 4:28

Mesa' penawai la mbuno Puang Isa. Apa sitonganna ia to kadibunoanna, tapattantu jolomo la jaji situru' kuasan-Ta' na pakkaeloran-Ta'.

1 Petrus 3:9

Ia ke denni tau mpugauk kagajatan lako kamu', danggi' mipabalahhii. Na ia ke denni tau ngkada-kadai kamu', danggi' too mipabalahhii. La'bih melo ke mipassambajanganni lako Puang Allataala nabarakka'ii joo tompugauk kagajatan. Napilei kamu' Puang Allataala menjaji umma'-Na ammipeta'danni barakka' to padammi rupa tau. Ia ke mipugaukmi susi joo, la nabarakka'i toda kamu' Puang Allataala.

Roma 11:34

Den diuki' lan Sura' Allataala kumua, “Te'da tau nnissenni to lan penawan-Na Puang. Te'da tau wa'ding la mpakainga'i.

Kada Bulawan 8:14

Aku'mo to mpakainga' tau kupangben pangpikkirisan melo. Aku'mo to mapahang kumawatang too.

Yakub 2:5

Ee, tomala'bihku' to kupakamoja'! Ingaranni tee, ia to tokaasi-asi lan tee lino, napilei Puang Allataala la menjaji tosugih lan kamatapparan. Napilei too la menjaji umma'-Na lan kaparentan-Na. Susimi joo mangka nabasse lako ia to tompakamoja'i.

Efesus 1:8

Napugaukki Puang Allataala susi joo, nasaba' liwa'ki' napakamoja'. Liwa' mandalan tangngah namacca to Puang Allataala!

Jamanna Rasulu' 13:48

Ia tonna sa'dingngi bangsa tangngia to-Yahudi joo, masannang ngasan na mpakala'bih kadan-Na Puang. Na memmatappa' lako Puang Isa sininna to tonapattantumo Puang Allataala la nnampa' katuoan melo te'da cappa'na.

Roma 8:29

Na ia to tonaissenmo, pura napattantumo la menjaji sangrupa Puang Isa Almaseh, Anak Allataala, dikua na Almaseh menjaji pamungah jio mai sininna sile'to tomatappa'.

Roma 8:30

Susimi joo to pura jolomo napattantu Puang Allataala napilei. Na ia tee mai to tonapileimo, napupenjaji tomelo. Na ia to napupenjaji tomelo, nabenmi kamala'biran-Na Puang Allataala.

Roma 9:11

Nakua Puang Allataala lako Ribka kumua, “Ia to pamungah la mengkaunan lako adinna.” Ia joo wattu te'dapa najaji joo pea dua, na te'dapa napugauk melo iarika gaja', apa pura napattantumo Puang Allataala to tonapilei. Jaji pajan kumua ia to tonapilei-Na Puang Allataala, te'da nasituru' to apa napugauk tolino, apa situru' eloh-Na Puang.

Efesus 1:9

Situru' ia pakkaeloran-Na, napaissennimiki' akkatta-Na to tangnaissen tau tonna anu'. Na ia tonna te'dapa nadipaden tee lino, pura napattantu kumua Almasehra la mpugaukki joo akkatta-Na.

Efesus 1:18

Kupassambajangan too kamu', napapahangngi kamu' Puang Allataala, ammiwa'ding nnissenni to apa mirannuan jio mai Puang Allataala to mangka mpilei kamu' menjaji umma'-Na. Ammiissenni kumua liwa' melo to apa nabasse Puang Allataala lako umma'-Na.

Titus 2:14

Mangkamo Ia mpangkaroban kalena la lla'bakki' jio mai sininna kagajatanta' napupenjajiki' umma'-Na to tangmadosa antatatta' too mpugauk kameloan.