Efesus 1:10 - Alkitab Duri

¹⁰ Ia to akkatta-Na kumua sininna apa la jao suruga, la lanna lino, la menjaji mesa' na Almaseh menjaji kapalana. La napugaukki Puang Allataala joo ke nadete'mi wattunna.

Efesus 1:10 Referans Kwoze

Kolose 1:20

Nasuai Puang Allataala to Almaseh mentama lino, namate jao kaju sitamben, anna pasikalinoi to sininna apa lan lino na lan suruga sola kalena.

Galatia 4:4

Apa ia tonna dete'mi to wattu napattantu Ambe' Puang Allataala, nasuami to Anak Allataala mentama lino. Najajianni mesa' baine, na nturu' atoran agama,

Daniel 2:44

Mangkamo takita to batu lan tindota', to kumua te'da ia tau rrumbui, na tilu'bak jao mai buntu, nabasai nasisarambuan joo patung to dikabua' jio mai bassi, tambaga, litak pitti', salaka na bulawan. Battuananna: ia tonna mangparenta unapa to raja, ia to Allataala jao suruga la mpaden kaparentan tatta' te'da anggena, na te'da lalo ia to bangsa la ntaloi. Kaparentan iamo joo la nnancuru'i joo appa' kaparentan. Napangpeissenanni Allataala Tomala'bih lako kita' to apa la dioloi lako. Ia joo tindo wa'ding dikatappa'i, na ia to battuananna kupau tongan.”

Markus 1:15

Nakua, “Cingga'tu'mora naratu Puang Allataala mangparenta susi Raja. Iamo joo mengkatoba' kamu' jio mai dosami, na la mikatappa'i to Kareba Kasalamatan.”

Ibrani 1:2

Apa ia tee wattu tampakkana lino nasuai to Anak mpaui lako kita'. Ia joo Anak mangkamo napattantu Puang Allataala to sipato' mpuapai to sininna apa, nasaba' Iamo napake Puang Allataala mpadenni tee lino.

Kolose 1:16

Iamo napake Puang Allataala mpadenni to sininna apa lan lino na sininna apa jao suruga, ia to dikitanna na tangdikitanna, sininna kuasa ba'tu kaparentan jao langi'. Ia tee lino sola issinna dipaden mpake Almaseh na dipatuju lako too Almaseh.

1 Petrus 1:20

Ia tonna te'dapa nadipaden tee lino napattantu jolomo Puang Allataala kumua Puang Isa Almaseh menjaji Tomangpasalama', na ia tee wattu la tampakkanami lino ratumi la mpasalama' kamu'.

Efesus 3:15

Iara mpaden sininna apa la jao suruga, la lan lino.

Pengkitanna Yahya 5:9

Makkelongngi mpukelong kelong baru: “Sipato'ki' nnalai tapiak tooi to segelna tuu sura' tilulun, sanga mangkamiki' digere' anna ia to rara kamatean-Ta' tapake nnallian tau Puang Allataala jio mai sininna rapu tau, tondok, basa na bangsa.

Efesus 1:22

Nabenni Puang Allataala to sininna apa nakuasaii Almaseh, na iamo menjaji kapalana sininna tomatappa' lako. Iamo susi ulu,

1 Korintus 11:3

Madoangna' ke miissenpi tee to kumua, Almaseh to ngkapalai muane, na muane ngkapalai baine, na ia to ngkapalai Almaseh Puang Allataala.

Amos 9:11

Nakua Puang Allataala, “La den wattunna Kulampake'deh pole'i to kaparentanna Raja Daud, to mangka dilanynya'i. Susi tau mpemeloi bola to mangka ro'pok, susi toomi joo kaparentanna Raja Daud Kupaden pole' susi tonna jolona.

Ibrani 11:40

sanga naakkattai Puang Allataala kumua kita'ra to ntarimai. Iamo joo solapiki' to tau susi joo, namane' nnampa'i to barakka' te'da kakuranganna.

Kolose 3:11

Iamo joo te'damo nadipasilaenan to umma'-Na Almaseh. Te'damo nadipasilaenan to-Yunani na to-Yahudi, todisunna' na totangdisunna', bangsa laen na bangsa to tangmessipa', kaunan na tangkaunan, nasaba' pada bang unaki' dipupenjaji tau baru. Almasehra to kaminang parallu na Iamo torro lan kita' sola ngasan.

Efesus 2:15

Nata'dei to atoran agama to-Yahudi sola parentana, dikua anna mpupenjaji mesa'ki' bangsa baru to memmesa' sola Ia. Susimi joo carana mpasikalinoi to to-Yahudi na bangsa tangngia to-Yahudi.

1 Korintus 10:11

Mangka ngasanmo joo jaji lako tuu lako tau tonna anu', la mpupangngingaran tolaen. Na ia toomo nadiuki' ngasan, dikua anna pakainga'ki', nasaba' wattu la cappa'nami tee lino.

Matius 25:32

Sininna bangsa lan lino la dipupennolo lako kale-Ku'. Kumane' mpangduai ngenanna susi to tomangrewa mpasisarak bembala' na beke.

Ibrani 9:10

Sanga ia joo atoran passompan, susi una to atoran pemali to dikandena na diiso'na sola mangrupa-rupa atoran mangpemacero, te'da kasiumputanna sunga', apa napangben Puang Allataala dikua naturu'i taun-Na sanggenna dipaden to basse baru.

Efesus 3:2

Tantu misa'dingmo akkatta-Na Puang Allataala la mpasalama'i to bangsa tangngia to-Yahudi, nasaba' melo penawan-Na. Iamo joo napabarakkannina' tee jamanku' to la mipumelona.