Daniel 9:25 - Alkitab Duri

²⁵ Ingaran meloi kumua mangpamula dipasun to parenta la mpemeloi pole' kota Yerusalem sanggenna ratu to to-Napilei Puang Allataala la mangparenta, den pitu manglokkon pitung taun na pitu manglokkon annanpulona dua taunna. La digaraga pole'i to lalan jio kota Yerusalem na la dibenteng mengguririk tooi, apa kamaparrisan la'da' joo wattu.

Daniel 9:25 Referans Kwoze

Yahya 4:25

Nakuamo joo baine lako Puang Isa, “Kuissen kumua la ratui to Raja Mangpasalama' to disanga Almaseh. Na ia ke ratumi, Iamo mpamanassan ngasanki' to sininna apa.”

Yahya 1:41

Ia joo Andreas ta'pa male ntiroi Simon sile'tona napauanni kumua, “Siampa'mokan Almaseh, battuananna Raja Mangpasalama'.”

Daniel 9:23

Ia tommumangpamulamo massambajang meta'da lako Puang Allataala, Napebaliimoko, kuratu mpauanko, sanga to-Napakamoja' tonganko Puang Allataala. Iamo joo na la mupesa'dingngi meloi kupauan ngasanko battuananna joo pengkita.

Daniel 8:25

Gaja mangngakkalanni na nnuraga buda tau. Nnangga' majao bang kalena, liwa' matampo. Te'da napau-paui, na te'da nakalannai tau nata'pa nnancuru'i. Moi Allataala, Raja ngkuasai sininna raja, naewa too. Katampakanna ditaloi, apa tangngia tolino ntaloi.

Pengkitanna Yahya 19:16

Den sanga diuki' jio pakean malando-Na na upan-Na, “Rajana sininna raja na Puangna sininna puang.”

Pengkitanna Yahya 1:5

Ia to Puang Isa sa'bi maruruh. Iamo bungah dipatuo jio mai kamatean. Ia toomo ngkuasai sininna raja lan lino. Napakamoja'ki' namate anna la'paranmiki' jio mai dosata'.

Jamanna Rasulu' 5:31

Napamatande napajioi sa'de kanan-Na, namenjaji Raja Mangpasalama', dikua anna den wattunna to bangsa Israel namengkatoba' jio mai dosana na didampangan.

Jamanna Rasulu' 3:15

Mangka mipangpebunoan, nasitonganna Iamo garonto'na katuoanna sininna tau. Apa napatuo pole'mi Puang Allataala jio mai kamatean, na kiissen kumua tongan joo, nasaba' kikita kami'.

Markus 13:14

Mpatarruhhi kadan-Na Puang Isa nakua, “La ngkita kamu', ‘apa to liwa' mecarepan’ dipake'deh jio ngenan to tangsipato'na nanii. (Ia to tombacai tee la naissen meloi apa battuananna!) Ia joo wattu, ia to totorro jio tana Yudea la palai de' membuntunna.

Matius 24:15

Mpatarruhhi kadan-Na Puang Isa nakua, “La ngkita kamu' ‘apa to liwa' mecarepan’ dipake'deh lan Bola Puang Allataala, susi to mangka napau Nabi Daniel. (Ia to tombacai tee, la naissen meloi apa battuananna!)

Daniel 8:11

Naewai to tongkapalai surudadu jao suruga, nata'tanni to tau mangkaroba keallo-keallo lako joo tongkapalai surudadu jao suruga. Nacarepai tooi to Bola Puang Allataala.

Efesus 5:16

La mipake to wattummi mpugaukki to dipumelona, nasaba' gaja' sipa'na to tau tee wattu.

Jamanna Rasulu' 8:30

Kinjara'mi ngkandoppi'i nasa'dingngi joo tau mbaca sura'na Nabi Yesaya. Nakutanaii nakua, “Tapahangraka apara tuu tabaca?”

Matius 13:23

Na ia to banne ta'pah do' litak malompo dipasangrapangngi to tossa'ding kadan-Na Puang Allataala, napahangngi napugaukki, anna membua melo. Den to manglokkon pessaratuh, den pennannan pulona, na den too to manglokkon pentallung pulo.”