Daniel 9:24 - Alkitab Duri

²⁴ Napattantumo Puang Allataala pitungpulo manglokkon pitung taun la nanii mpasalama' bangsamu sola kota mala'bih kota Yerusalem na anggei dosa na nta'dei kasalan. Sininna dosa la diaddampangan na dipugauk tarruh to katonganan te'da anggena. La jaji tongan to pengkita sola apa to mangka napau jolo nabi tonna anu' na ia to Bola Puang Allataala la dicerak pole'.

Daniel 9:24 Referans Kwoze

Roma 5:10

Ia tonna jolona siewaliki' Puang Allataala. Moi nasusi joo, dipasikalino pole'miki' Puang Allataala, sanga kamatean-Na Anak. Apa pole'raka tee too, ke sikalino pole'miki' Puang Allataala, tantumo la dipasalama'miki', nasaba' katuoan-Na Almaseh.

Jamanna Rasulu' 3:22

Denmo napaui Nabi Musa kumua, ‘La napadenan kamu' Puang Allataala mesa' nabi susi tee aku', napilei lan mai rapummi. Pesa'dingngi to apa la napauan kamu'.

Pengkitanna Yahya 14:6

Ngkitana' mesa' malaeka' laen mentia' liwa' tande. Nabawai to Kareba Kasalamatan to te'da cappa'na la dipangpeissenan lako tolino, iamo to sininna rapu tau, tondok, basa na bangsa.

Ibrani 2:17

Jaji, mentolinomo to Puang Isa namenjaji susi tolino, anna wa'ding menjaji Imang Lompo mangpakamoja', to njama tarruh jaman-Na Puang Allataala. Na ia ke susii joo, wa'dingngi mpasikalino Puang Allataala na tolino na ndampangan too tolino.

Pengkitanna Yahya 3:7

Nasuana' nakua, “Uki'i susi tee lako malaeka'na jamaa jio kota Filadelfia: Ia tee pepasan pole jio mai Aku' to tomala'bih na totongan, to ntoe goncingna Raja Daud. Ia ke kutimbakanni to pelalan, moi mesa' tau te'da wa'ding ssalli'i. Ia ke kusalli'ii, moi mesa' tau te'da wa'ding ntimbakanni.

Ibrani 9:26

Sanga ia kenna la susi Imang Lompona to-Yahudi to Almaseh, la nadadu' punalai mperasai parri' kamatean mellao jio mai dipadenna tee lino. Sibalikanna pissenri mangka ratu to Almaseh tee wattu tampakkana lino mpassompan kalena la ndampangan tau.

1 Korintus 1:30

Menjajimo kamu' umma'-Na Puang Isa Almaseh, nasaba' Puang Allataalara. Iamo ssua Puang Isa la mpasalama' kamu', napupenjaji kamu' tomacca, tomelo, napatorro leko' kamu' jio mai to totangnturu' Puang, nala'bak kamu' jio mai kuasa dosa.

Yahya 3:34

nasaba' Puang Isa nasua Puang Allataala mpangpeissenan kadan-Na, napangben pissenmo Puang Allataala to Roh Allataala lako Puang Isa.

1 Yahya 3:8

Ia to tompugauk tarruh dosa, napuanak Ballisi', nasaba' ia to Ballisi' iamo garonto'na dosa mammula jiona mai. Iami joo naratumo to Anak Allataala la ssabu'ii to jamanna joo Ballisi'.

2 Petrus 1:1

Ee, tomala'bihku' sola ngasan! Pada matappa'miki' lako Puangta' Puang Isa Almaseh, nasaba' kamarurusan-Na. Iamo Puang Allataala, Tomangpasalama'ta'. Aku' Simon Petrus, taun-Na ba'tu rasulu'-Na, ngkiringan kamu' tee sura'.

Ibrani 10:14

Jaji, mesa'ra karoba nanii Almaseh ndampangan tau to dipupenjaji tomelo te'da cappa'na.

Ibrani 7:26

Jaji, iamo Imang Lompo taparallui to Puang Isa. Tomelo Ia, te'da sala-Na ba'tu kakurangan-Na. Todipatorro leko' jio mai tomadosa, na dipaendek de' la'bih majaona na ia to langi'.

Kolose 2:14

Nata'dei Puang Allataala to sura' dinii nnuki'i to sininna panggaukanta' to ntengkai pakkaeloran-Na to dipake mparapa'ki'. Napugaukki susi joo, nasaba' kamatean-Na Almaseh jao kaju sitamben.

Kolose 1:20

Nasuai Puang Allataala to Almaseh mentama lino, namate jao kaju sitamben, anna pasikalinoi to sininna apa lan lino na lan suruga sola kalena.

Jamanna Rasulu' 3:14

Moi na pesua mattantun-Na Puang Allataala to te'da nakasalan, apa cia' kamu' ntarimai ammipeta'dai lako Pilatus la la'paranni joo to mbuno tau.

Yahya 1:41

Ia joo Andreas ta'pa male ntiroi Simon sile'tona napauanni kumua, “Siampa'mokan Almaseh, battuananna Raja Mangpasalama'.”

Lukas 1:35

Mebalimi joo malaeka' nakua, “Roh Allataala la rratuiko na kuasan-Na Puang Allataala la torro ssolanko. Iamo joo namala'bih joo pea la jaji nadisanga Anak Allataala.

Markus 1:24

“Oo, Puang Isa, to-Nazaret, la mupatumbamorakan? Raturokoka la ssabu'ikan? Kuissen kumua indaroko. Ikomo pesua mattantun-Na Puang Allataala!”

Matius 11:13

Nasaba' ia tonna te'dapa naratu Nabi Yahya, napau jolomo sininna nabi na diuki' toomo lan sura'na Nabi Musa to karatuanna kaparentan-Na Puang Allataala.

Matius 1:21

La njajianni mesa' pea muane na la musangai Isa (battuananna ‘Tomangpasalama'’), nasaba' iamo la mpasalama' umma'-Na jio mai pangpatumangna dosana.”

Filipi 3:9

angkumesa' penawa sola. Te'da kudipupenjaji tomelo, sanga mpugaukna' atoran agama, apa napupenjaji tomelona' Puang Allataala, sanga matappa'na' lako Almaseh.

Matius 4:5

Nasolan omi Ballisi' to Puang Isa de' kota Yerusalem, (iamo to kota-Na Puang Allataala), anna solanni de' bubungan Bola Puang Allataala.

Lukas 21:22

Nasaba' ia joo allo iamo allo nanii mangpabalahhi Puang Allataala, dikua anna jaji to apa diuki' lan Sura' Allataala.

Jamanna Rasulu' 4:26

Sininna raja lan lino mangngatta la parari, na sininna kapala sirempun nnewa Puang Allataala sola Raja Mangpasalama' to napilei.’ ”