Daniel 8:8 - Alkitab Duri

⁸ Ia joo beke muane la'bih memmawatang, apa ia tonna liwa'mo mawatang, le'toi joo tanduk matonggona. Na ia to nanii le'to joo tandukkuna, tuo pole'i to appa' tanduk makalaen-laen, to pada tingngo lako appa' sulapa'.

Daniel 8:8 Referans Kwoze

Daniel 7:2

“Lan pengkitangku' joo bongi kukitai to angin bara' mangngiri' jio mai appa' sulapa' rroge tasik maluah.

Pengkitanna Yahya 7:1

Mangkai joo too ngkitana' a'pa' malaeka' ke'deh jio sulapa'na lino. Pada natampangngi to angin, danggi' namangngiri' jao gantanan, jiong tasik ba'tu jio garonto' kaju.

Daniel 8:22

Ia joo appa' tanduk tuo pole' tonna mangka le'to joo tanduk jolona, battuananna ia joo karajaan Yunani la menjaji appa' karajaan. Apa moi mesa' te'da na la pada kamawatanganna to karajaan Yunani jolona.”

Daniel 8:5

Mukkun unapa' ngkitai, na den mesa' beke muane kinjara' timba' bang lan mai kalambunan lliwa'i lino. Gaja lassi kinjara' arannai te'da narapa' to ajena do' litak. Na den tandukkuna mesa' matonggo tuo lan mai paralla' matanna.

Daniel 5:20

Apa ia tonna memmatampomo, membattuk na mpamajao penawanna, dialaimi to kamala'biranna sola kakuasanna menjaji raja.

Markus 13:27

Kumane' ssuai to malaeka'-Ku' rrempun ngasanni to umma'-Ku' jio mai sulapa'na lino.”

Matius 24:31

Dipannonii to tarompe' gaja tonggo, angkumane' ssuai to malaeka'-Ku', rrempun ngasanni to taung-Ku' jio mai sulapa'na lino.”

Daniel 11:4

Apa te'da namasain mangparenta joo raja natitawa appa' joo karajaanna, situru' appa' sulapa'. Na ia to raja ssullei tangngiamo bati'na, na te'damo nasusi kamawatanganna. Saba' titawami joo karajaan naparentai tolaen.

Daniel 7:6

Ngkita omo' olok-olok laen susi cinggallung, na kepani' susi pani' langkan appa' jao boko'na, na appa' ulunna, nadiben kakuasan mangparenta.

Daniel 4:31

Te'dapa kumangka mangkada, nadenmo gamara mangkada jao mai langi' nakua, ‘Ee Raja Nebukadnezar, pesa'dingngii tee kadang-Ku', to kumua ia to kakuasanmu mangparenta la dialaimoko.

Ester 9:4

Naissen ngasan tau lan karajaan kumua gaja dikalaja' to Mordekhai na samakuasa-kuasanna too lan istana.