Daniel 8:26 - Alkitab Duri

²⁶ Ia joo pengkita mpaui to pangkaroba keallo-keallo 2300 to dipugauk makale' na karuen, to mangkamoko dipauan, nang la jaji. Apa nang la mujagai melo tongan tuu pengkita, sanga gaja sainpa namane' jaji.”

Daniel 8:26 Referans Kwoze

Daniel 10:1

Ia tonna taun mangpentallunnamo kaparentanna Koresh rajana to-Persia, ratumi pepasan-Na Puang Allataala lako Daniel to disanga too Beltsazar. Tongan joo pepasan mpaui kumua la den kasirarian la'da'. Naparinawa tonganni Daniel joo pepasan, napemanassaii to pengkita ratu lako kalena.

Daniel 12:9

Mebalii joo malaeka' nakua, ‘Danggi' mumalaja' Daniel, nasaba' ia tee kadan-Na Puang Allataala la dianna melo na dijagai ratu lako Kama'na lino.

Daniel 12:4

Mangkada omi joo malaeka' mangrupa tau nakua, ‘Ee Daniel, anna meloi tee sura', mutatta' njagaii ratu lako Kama'na lino. Buda tau male lako male jio mai madoang nnissenni, dikua nakerangngan to kapaissenanna.’

Daniel 10:14

Kumane' ratu ssikitanko mpapahangngiko to apa la jaji lako bangsamu keanu', nasaba' ia tee pengkita la jaji tee wattu la dioloi lako.’

Pengkitanna Yahya 22:10

Anna mangkadapa nakua, “Danggi' mubuniananni to pepasan dipau jolo lan tee sura', nasaba' mandoppi'mo wattunna la nanii jaji ngasan.

Pengkitanna Yahya 10:4

Mangkanna gumarugu joo pitu galugu, kulannuki'i, apa den gamara kusa'ding jao mai suruga ngkuanna', “Pallan penawa bangmi to apa napau to pitu galugu. Danggi' omo muuki'ii!”

Daniel 11:2

Mpatarruhhi kadanna joo malaeka' mangrupa tau lako aku' Daniel nakua, ‘Ia to la kupauanko nang la jaji. La den unapa tallu raja la mangparenta jio Persia, namane' den raja mangpennappa' to la'bih sugih na ia joo raja tallu jolona, na ia ke memmawatangmi sanga kasugiranna la rrasimi sininna bangsa nnewa karajaan Yunani.