Daniel 8:22 - Alkitab Duri

²² Ia joo appa' tanduk tuo pole' tonna mangka le'to joo tanduk jolona, battuananna ia joo karajaan Yunani la menjaji appa' karajaan. Apa moi mesa' te'da na la pada kamawatanganna to karajaan Yunani jolona.”

Daniel 8:22 Referans Kwoze

Daniel 11:4

Apa te'da namasain mangparenta joo raja natitawa appa' joo karajaanna, situru' appa' sulapa'. Na ia to raja ssullei tangngiamo bati'na, na te'damo nasusi kamawatanganna. Saba' titawami joo karajaan naparentai tolaen.

Daniel 8:8

Ia joo beke muane la'bih memmawatang, apa ia tonna liwa'mo mawatang, le'toi joo tanduk matonggona. Na ia to nanii le'to joo tandukkuna, tuo pole'i to appa' tanduk makalaen-laen, to pada tingngo lako appa' sulapa'.

Daniel 8:3

Ngkitana' mesa' bembala' muane ke'deh jio randan sa'dan. Malando tandukkuna dua, apa sala mesa' to la'bih malandopa, to mane' tuo.

Daniel 7:6

Ngkita omo' olok-olok laen susi cinggallung, na kepani' susi pani' langkan appa' jao boko'na, na appa' ulunna, nadiben kakuasan mangparenta.

Daniel 8:21

Ia to beke muane, iamo to karajaan Yunani. Na ia to tanduk matonggo jio paralla' matanna, iamo to bungah rajana.

Daniel 8:23

Mpatarruhhi kadanna Jibrail nakua, “Ia na la cappa'mo to karajaan mangparenta, buda tau la mpugauk panggaukan to liwa' gaja'. Na den pole' mesa' raja to gaja parrang namacca mangnguraga.

Daniel 7:7

Mangkai joo too, kukita omi lan tindoku', den omo olok-olok mangpennappa', gaja watang naliwa' melajatan. Ia to isinna bassi na gaja tonggo. Nagaru'tukki bang naamma'i to apa nakande, na ia to sesanna nalullu'. Silaenan ia na ia to olok-olok jolona, sangpulo toopa ia tandukkuna.