Daniel 8:14 - Alkitab Duri

¹⁴ Mebalii joo malaeka' mesa' nakua, “Ia joo, la jaji ke mangkai 2300 pangkaroba to dipugauk makale' na karuen 1150 allona. Mangkai joo too dipemaceroi pole'mi to Bola Puang Allataala.”

Daniel 8:14 Referans Kwoze

Daniel 12:7

Ia joo malaeka' mangrupa tau, nnangka' dua limanna de' langi' na massapah jio olo-Na Puang Allataala to tuo te'da anggena, nakua, ‘La jaji tallung taun sitangnga masainna. Ianna mangkamo diancuru' to kamawatanganna umma'-Na Puang Allataala, mane'ri dianggei joo apa jaji.’

Daniel 7:25

La mpaui kada to nnewa Allataala Tomala'bih, nasessa tooi to umma'-Na. La mpengkulle-kullei ssullei atoran sola wattu pangmaroasan to mangka Napattantu Allataala, naparentai to umma'-Na Allataala tallung taun sitangnga.

Daniel 12:11

Mangpamula tonna dita'dei to pangkaroba to dipugauk keallo-keallo nadipake'deh to apa liwa' mecarepan to disanga “Kagajatan to mesolangan” lan Bola Puang Allataala, la den 1290 allona.

Pengkitanna Yahya 12:14

Apa ia joo baine dibenni dua pani' langkan tedong matonggo napake mentia' lako padang pallawangan to dinii njaranaii tallung taun sitangnga anna salama' jio mai kamabirisanna joo ulah ba'tu Ballisi'.

Daniel 8:26

Ia joo pengkita mpaui to pangkaroba keallo-keallo 2300 to dipugauk makale' na karuen, to mangkamoko dipauan, nang la jaji. Apa nang la mujagai melo tongan tuu pengkita, sanga gaja sainpa namane' jaji.”

Pengkitanna Yahya 13:5

Ia joo olok-olok dieloran mangparenta patang pulo dua bulanna na mpau kada matampo to ncapa' Puang Allataala,

Pengkitanna Yahya 11:15

Mangkai joo too ia to malaeka' mangpempitu mpannoni tarompe'na, naden gamara liwa' tonggo disa'ding jao suruga nakua, “Mammula tee too ia to lino menjajimi kadatuan-Na Puangta' Puang Allataala sola Raja Mangpasalama' to mangkamo napilei la mangparenta te'da cappa'na.”

Galatia 3:8

Susi to diuki' jolomo lan Sura' Allataala kumua la napupenjaji tomelo Puang Allataala to bangsa tangngia to-Yahudi sanga kamatapparanna. Iamo joo napangpeissenan jolomi Puang Allataala to Kareba Kasalamatan lako Nabi Ibrahim nakua, “La kubarakka'i to sininna bangsa lan tee lino, sanga iko.”

Daniel 12:12

La maupa' to tau tatta' matappa' na sabbara' arannai la mbulewanni to wattu 1335 allona.