Daniel 7:27 - Alkitab Duri

²⁷ Na ia to kamangparentan, kakuasan sola kamala'biranna kaparentan lan sininna lino la dipangbengan lako umma'-Na Allataala Tomala'bih. Ia to kaparentanna la tarruh te'da anggena, na sininna tomakuasa la tatta' mpangjamanni na mangpesa'ding.’

Daniel 7:27 Referans Kwoze

Pengkitanna Yahya 11:15

Mangkai joo too ia to malaeka' mangpempitu mpannoni tarompe'na, naden gamara liwa' tonggo disa'ding jao suruga nakua, “Mammula tee too ia to lino menjajimi kadatuan-Na Puangta' Puang Allataala sola Raja Mangpasalama' to mangkamo napilei la mangparenta te'da cappa'na.”

Lukas 1:33

Na la mparenta bati'na Yakub. Na ia to kadatuan-Na te'da cappa'na.”

Daniel 7:14

Namane' dibarakka'i kakuasan sola kamala'biran menjaji raja joo Anak Mentolino, arannai ratu to tau jio mai sininna bangsa, rapu tau na basa ssompai. Ia to kakuasanna tatta' te'da anggena, na ia to kaparentanna te'da nalata'de.

Daniel 7:18

Apa Allataala Tomala'bih mbenni kuasa to umma'-Na mangparenta, na ia joo kaparentanna la tarruh te'da anggena.’

Daniel 2:44

Mangkamo takita to batu lan tindota', to kumua te'da ia tau rrumbui, na tilu'bak jao mai buntu, nabasai nasisarambuan joo patung to dikabua' jio mai bassi, tambaga, litak pitti', salaka na bulawan. Battuananna: ia tonna mangparenta unapa to raja, ia to Allataala jao suruga la mpaden kaparentan tatta' te'da anggena, na te'da lalo ia to bangsa la ntaloi. Kaparentan iamo joo la nnancuru'i joo appa' kaparentan. Napangpeissenanni Allataala Tomala'bih lako kita' to apa la dioloi lako. Ia joo tindo wa'ding dikatappa'i, na ia to battuananna kupau tongan.”

Pengkitanna Yahya 19:16

Den sanga diuki' jio pakean malando-Na na upan-Na, “Rajana sininna raja na Puangna sininna puang.”

Daniel 7:22

Apa ratumi Puang to tuo te'da anggena Napattantui kumua te'da ia na sala to umma'-Na Allataala Tomala'bih. Jaji nadete'mi wattunna la mangparenta to umma'-Na Allataala.

Pengkitanna Yahya 17:14

Namane' mangrari joo olok-olok sola tuu lako raja nnewa Anak Bembala'. Apa ia joo Anak Bembala' ntaloi sola tau matappa'-Na, sanga iamo Puangna sininna puang na Rajana sininna raja.” Ia to taun-Na, iamo to mangka napilei anna pakedoi penawanna.

Pengkitanna Yahya 22:5

Te'damo naparallu naarrang lampu ba'tu allo, nasaba' masiang tarruh bang ia, te'da disanga bongi. Puang Allataala Ia nnarrangngi. Ia tuu lako tau la mangparenta susi raja te'da cappa'na.

Yahya 12:34

Nakua to tobuda ngkuanni, “Menuru' to diuki' lan Sura' Allataala, ia to Raja Mangpasalama' la tuo te'da cappa'na. Matumbai takua kumua ia to Anak Mentolino la dipamajao lan lino? Indara pale' joo Anak Mentolino?”

Daniel 4:34

Apa ia tonna ganna'mo pitung taun, ia tee aku' Nebukadnezar, mentingngarana' de' langi', na pole pole' to pangngingaranku'. Ta'pa kupujii, kupakala'bihhi kusompai Allataala Tomala'bih, to tuo te'da anggena. Kupakala'bihhi, nasaba' ia to kamakuasan-Na sola kaparentan-Na te'da anggena.

Pengkitanna Yahya 20:4

Mangkai joo too ngkita omo' ba'tu pira-pira cadokkoan mala'bih, na ia to cumadokko jao diben kuasa mangra'tah kara-kara. Kukita tooi bombona to todile'toi ulunna, sanga mpangpeissenanni karebanna Puang Isa na kadan-Na Puang Allataala. Ia tuu lako tau te'da ia nasompai to olok-olok sola tau-taunna. Te'da too natarimai to tandana joo olok-olok to dipajio kide na lima. Tuo pole'i namangparenta sola Almaseh sangsa'bu taunna.

1 Korintus 15:24

Mangkai joo too, Kiama'mi lino. Ia joo wattu la nataloi Almaseh to sininna kaparentan, kamakuasan, na sininna kamawatangan, namane' mpangben kakuasan-Na susi Raja lako Ambe'ta' Puang Allataala.

Pengkitanna Yahya 11:1

Mangkai joo too diben omo' sangle'to kaju susi tekken pesuka', anna suana' Puang nakua, “Maleko ssuka'i to Bola-Ku' sola to ngenan pangkaroban, bilang tooi pira tau massompa lan.

Daniel 6:26

Mangkai joo too, massuai Raja Darius nadikiring to sura' lako sininna bangsa, rapu tau na basa lan lili'na lino. “Salama' lako kamu' sola ngasan!