Daniel 6:4 - Alkitab Duri

⁴ La'bih makassing ia to assele' jamanna Daniel na ia to ponggawa laen iarika to gubernur, sanga la'bih melo penawanna, iamo namadoang raja nnangka'i la ngkuasai ngasan karajaanna.

Daniel 6:4 Referans Kwoze

1 Petrus 3:16

Apa mebali melo bang kamu', danggi' mimatampo. La tuli manggauk melo kamu', anna ia to tompau gaja' kamu' la masiri', nasaba' melo bang to sipa'mi situru' pakkaeloran-Na Almaseh.

Filipi 2:15

dikua namanassa lako tolino to tangmaruruh na togaja', kumua tomelo kamu' mimaruruh na te'da caccami, apa taun-Namo kamu' Puang Allataala. Miarrangngii to tolino to tangnturu' Puang Allataala susi arrang lako tosala lalan,

1 Petrus 2:12

Mbai den tau to tangnturu' Puang to mpau gaja' kamu'. Iamo joo la melo to sipa'mi nakitai tau kumua melo to apa mipugauk. Na undinna naakui kumua melo to sipa'mi anna mpakala'bih Puang Allataala ke ratui rra'tah kara-karana tolino.

Lukas 20:20

Jaji natuntunanni wattu melo. Nasuai to tau nnaran-naranni. Ia joo tau naanggai' bang susi tomelo apa sitonganna den akkattana la nnangahhi to kada sala-Na Puang Isa, anna wa'ding mparapa'i lako gubernur nasessai.

Titus 2:8

La mangkada meloko, to te'da nacaccai tau, dikua anna masiri' to ewalimmu, nasaba' te'da lalan la nanii mpau gaja'ko.

Matius 27:18

Iamo namekutana susi joo, nasaba' naissen kumua iari napangngoloi kapala imang sola pekaamberan to-Yahudi to Puang Isa lako kalena, sanga masere atiri.

1 Timotius 5:14

Iamo joo kukabudai ke ia to baine malolle'pa nakemuane pole', keanak, na nnurusu' repokkona, anna ia to ewalinta' te'damo lalan nanii mpau gaja' tomatappa'.

Kada Bulawan 29:27

Nakaba'ci tomakassing to tomajekkong, na nakaba'ci togaja' to tomaruruh lalan katuoanna.

2 Korintus 11:12

Ia to apa mangka kupugauk, la kupugauk tarruh. Te'da kulampeta'dai kamu' to la kuputuona, anna ia tuu mati' tau to ssanga kalena rasulu' te'da nawa'ding mpuji kalena anna mangkada kumua susikan.

Yahya 19:4

Mangkai joo too, messun unapi Gubernur Pilatus namangkada lako tobuda nakua, “Kitai! La kupangngoloi lako kamu', ammiissenni kumua moi mesa' kasalan-Na te'da kuampa'.”

Lukas 22:2

Ia to kapala imang sola guru agama nnangah bang lalan la mbuno buni Puang Isa, nasaba' malaja'i lako tobuda.

Matius 26:4

Sipangkadami umbo nakua nnangah lalan la njokko buni Puang Isa anna bunoi.

Daniel 3:8

Wattu ia bang unamo joo na den ba'tu pira-pira to-Babel mangngolo lako raja, la mparapa'i joo to-Yahudi.

Lukas 20:26

Jaji, te'da naampa'i to kada sala-Na Puang Isa moi mesa' jio olona tobuda. Sikammatan bangmi, nasaba' jangngahhi mpesa'dingngi joo pebalin-Na.

Daniel 6:22

Mebalii Daniel lako raja nakua, “Ie' puang, dennaa upa' tamalambeh sunga' tarruh-tarruh te'da cappa'na.

Daniel 5:12

Ia joo tau dibarakka'i pangpikkirisan melo, kapaissenan sola kamaccan. Iamo joo namacca mbattuananni tindo, sola macca mpamanassai to apa tangnaissenpa tau na melo pahangna ke denni passalan. Ia joo tau disanga Daniel, nasangai too Beltsazar ambe'ta'. Melo ke ia ditambai nabattuanannii joo pangnguki' jio rinding.”