Daniel 6:3 - Alkitab Duri

³ Nnangka' tooi tau tallu menjaji ponggawana to gubernur, na Daniel sala mesa'na. Ia joo tallu ponggawa la mpuissen jamanna gubernur danggi' narugi joo raja.

Daniel 6:3 Referans Kwoze

Daniel 5:14

Kuissenmo kumua gaja nabarakka'iko dewata, arannai melo pangpikkirisanmu, kamaccanmu sola kapaissenanmu.

Kada Bulawan 22:29

Denmoraka mukitai to tomacca njama jamanna? La dipupangjama llan istanana raja to tosusi joo, te'da namangjama jio bolana tobiasa.

Daniel 5:12

Ia joo tau dibarakka'i pangpikkirisan melo, kapaissenan sola kamaccan. Iamo joo namacca mbattuananni tindo, sola macca mpamanassai to apa tangnaissenpa tau na melo pahangna ke denni passalan. Ia joo tau disanga Daniel, nasangai too Beltsazar ambe'ta'. Melo ke ia ditambai nabattuanannii joo pangnguki' jio rinding.”

Ester 10:3

Ia joo Mordekhai to-Yahudi, tatta'i mpupangka' pangka' majao, iamo wakkele'na Raja Ahasweros. Nataratte' na nakabudai padanna to-Yahudi. Napajolo tongan to kasalamaran sola kamasannanganna bangsana, ratu lako bati'na.

Daniel 9:23

Ia tommumangpamulamo massambajang meta'da lako Puang Allataala, Napebaliimoko, kuratu mpauanko, sanga to-Napakamoja' tonganko Puang Allataala. Iamo joo na la mupesa'dingngi meloi kupauan ngasanko battuananna joo pengkita.

Kada Bulawan 17:27

Te'da nabuda kada to toden kapaissenanna na matana bang penawanna to tomapahang.

Daniel 5:7

Napematonggoi gamaranna na ditambai to tomangbaca-baca, tomacca mbattuananni apa jaji jao langi' sola topakita-kita anna disolan mangngolo lako raja. Nakua raja lako to tomacca, “Inda-inda to tau macca mbacai tee pangnguki' jio rinding, la napauanna' to battuananna, nadipapakei pakean karajaan jio mai kaen makudara' sola rara' bulawan, nadiben kakuasan mangpentallun jio mai kakuasanku' lan tee karajaanku'.”