Daniel 6:10 - Alkitab Duri

¹⁰ Arannai dipasun tongan to sura' parenta natekenni Raja Darius.

Daniel 6:10 Referans Kwoze

Jamanna Rasulu' 5:29

Apa napebalii Petrus sola padanna rasulu' nakua, “Kila'biran kami' nturu' Puang Allataala na ia to nturu' tolino!

Ibrani 13:15

Iamo joo antatuli mpassompan karoba pangpujian lako Puang Allataala, iamo to kadanta' mpujii, sanga Puang Isa.

Filipi 4:6

Danggi' naden apa mipuselang, apa paui to miparalluinna lako Puang Allataala lan passambajangmi, mimangkurru sumanga' too,

Jamanna Rasulu' 9:40

Nasua ngasanni Petrus messun, namengguntu' massambajang. Ia tonna oloimi joo batang rabukkuna nakuanni, “Ee Tabita, mi'cokmoko!” Ta'pa mpami'cikmi matanna, nami'cok cumadokko tonna kitai to Petrus.

Yunus 2:4

Mangkadana' lan penawangku' kukua: Oo PUANG Taca'beanmo' jio mai olo-Ta'. Mbai tanglakukitamo to bola mala'bih-Ta'.

Efesus 3:14

Suju'na' lako Ambe' massambajang, ke kupikkiri'i joo akkatta-Na sola barakka'-Na Puang Allataala lako kamu' to tangngia to-Yahudi.

Jamanna Rasulu' 10:9

Masawanna tangnga allo tonna kandoppi'mo kota Yope joo tonasua Kornelius, mende'i loteng Petrus la massambajang.

Daniel 6:13

Mangkai joo too malemi to tongkaba'ci Daniel mangngolo lako raja mpangpeasanni nakua, “Oo puang, tangmangkamoraka tateken to sura' parenta nnanggai tau massambajang tallung pulo allona masainna lako dewata ba'tu lako tau saliwanna lako manda kita'? Na ia to totangmpesa'dingngi joo atoran, la dica'bean tama lo'ko' singa.” Namebali raja nakua, “Tongan joo. Mangkamo kuteken joo sura' parenta menjaji atoranna to-Media sola to-Persia to te'damo nawa'ding disullei.”

Ibrani 4:16

Iamo joo tapada mbaranian kaleta' mangngolo lako Puang Allataala to mpakamoja'ki'. Ia ke tapugaukki susi joo, la taperasai to pangkamasean-Na sola kameloan penawan-Na, nasaba' te'da namela' ntulungki' tontaparalluii.

Pengkitanna Yahya 2:10

Apa danggi' mimalaja' to kamaparrisan to la mioloi. Matappa' kamu', sanga sitonganna den ba'tu pira-pira tau lan tangnga-tangngami la napembuangan Ballisi' tama pangtarungkuan, napengkulle-kullei mpalao sala kamu' nate'damo mimatappa'. La mperasai kamu' pa'dik sangpulo allona. Apa la matappa' kamu' lako Aku' ratu lako matemi na la kuben kamu' pahala, iamo to katuoan melo te'da cappa'na.

Kolose 3:17

Moi apa mipugauk ba'tu mipau, ia to panggaukanmi la situru' panggaukanna umma'-Na Puang Isa. Mangkurru sumanga' kamu' lako Ambe' Puang Allataala, nasaba' apa to napugauk Puang Isa lako kalemi.

Filipi 1:20

Ia to kukadoangngi sola kurannuan, iamo to kumua te'da lalo kuladipakasiri', apa la barani tonganna' mpebalian Kareba Kasalamatan tee too, susi biasanna. Na ia ke susii joo, la dipakala'bih to Almaseh, nasaba' pebalingku', la tuoku', la mateku'.

Jamanna Rasulu' 20:36

Ia tonna mangkamo Paulus mangkada, mengguntu'mi sola ngasan namassambajang.

Pengkitanna Yahya 2:13

Kuissen to minii mari'pih, iamo to nanii mangparenta Ballisi'. Matappa' tonganmo kamu' lako Aku'. Susinna tonna dibuno tomatappa'-Ku' Antipas jio olomi to nanii Ballisi' torro, anna te'da mipessakkannina' kumua tangngiana' Puangmi.

Filipi 1:14

Moi kuditarungku, ia to padanta' tomatappa' samatappa'-tappa'na lako Puang, na sabarani-raninnami mpangpeissenanni to Kareba Kasalamatan.

Jamanna Rasulu' 21:5

Apa ia tonna anggemo wattungki' torro jio kota Tirus, sisarakmokan kipatarruh kalingkanki'. Male ngasanni sintong repokkona ssolankan ratu lako salean kota. Ia tongkijiomo randan tasik, mengguntu' ngasankan kimassambajang.

Jamanna Rasulu' 20:24

Apa moi nasusi joo, te'da kucirinnai penawangku', podo wa'dingna' mpatarruhhi to jaman nasuanna' Puang Isa la llundukkii samateku' mpangpeissenanni to Kareba Kasalamatan kumua nakamaseiki' Puang Allataala.

Jamanna Rasulu' 7:60

Namane' mengguntu' naandongngii mangkada nakua, “Oo Puang, danggi' dikka' tapapassannii to dosana tee tau!” Mangkanna mangkada susi joo, matemi.

Jamanna Rasulu' 5:20

“Ee, male kamu' tama Bola Puang Allataala ammipangpeissenanni to katuoan baru lako tobuda!”

Jamanna Rasulu' 4:29

Oo, Puang! Takitari, nagarra'-garra'mokan. Tatulungkan kimawatang angkibarani mpangpeissenan kadan-Ta'.

Jamanna Rasulu' 3:1

Den wattu tonna wattu passambajanganmo tatte' tallu soloh allo, namale Petrus sola Yahya lako Bola Puang Allataala.

Jamanna Rasulu' 2:15

Te'da namalango tee tau susi to passanganmi, sanga mane' tatte' kasera tuka' allo.

Lukas 22:41

Mangkai joo too malemi ba'tu pirang-pirang tengkan to Puang Isa, agi-agi sangpellekkosan batu, namengguntu' massambajang,

Lukas 14:26

“Ia ke den tau la ratu lako kale-Ku', apa la'bih napakamoja'i ia to indona, ambe'na, balinna, anakkana, sile'tona, iarika kalena, ia joo tau te'da nakullei menjaji tonturu'na'.

Daniel 9:4

Mangngakuna' lako PUANG Allataala to kusompa, sanga ia to dosa kipugauk. Ia to passambajangku' susi tee, “Oo Puang Allataala to makuasa to kikalaja' kikasiri', tatta' Tapugauk to basse-Ta'. Tomamase-Ki' lako sininna tompakamoja'-Ki' na mpugauk parenta-Ta'.

Markus 3:3

Nakuamo Puang Isa lako joo tomate sangbali limanna nakua, “Maleko mai, mujenjen lan tangnga!”