Daniel 4:36 - Alkitab Duri

³⁶ Ia tonna pole pole'mo pangngingaranku', diben pole'mo' kamala'biran sola kamakuasanku' to la napumala'bih karajaanku'. Natammui pole'mo' to tomangpakainga'ku' sola tomapangka' na kudipapole lako kamangparentanku', na ia joo kamangparentanku' la'bih makuasa na ia to ba'tu piran.

Daniel 4:36 Referans Kwoze

Daniel 4:34

Apa ia tonna ganna'mo pitung taun, ia tee aku' Nebukadnezar, mentingngarana' de' langi', na pole pole' to pangngingaranku'. Ta'pa kupujii, kupakala'bihhi kusompai Allataala Tomala'bih, to tuo te'da anggena. Kupakala'bihhi, nasaba' ia to kamakuasan-Na sola kaparentan-Na te'da anggena.

Kada Bulawan 22:4

Ia to naduppa to tongkalaja' ngkasiri' Puang Allataala na mpamajiong penawa iamo to kasugiran, kadianggasan na katuoan manyaman.

Matius 6:33

La mipengkulle-kullei mpugaukki to pakkaeloran-Na Puang Allataala sola to apa nakabudai, na ia to laenna miparallui la naben too kamu'.

Daniel 4:32

La diula'iki' jio mai tangngana tau, tamale tuo sola olok-olok masia'. Na reu la mukande susi sapin. La susiko joo pitung taun masainna, arannai muakui kumua ia to Allataala Tomala'bih ngkuasai karajaanna tolino. Nampangbengan kuasa lako inda to Nakadoangngi la mangparenta.’

2 Korintus 4:17

Ia tee kamaparrisan kiperasai cingga'tu'ra namaringngan too, nalampadenankan kamasannangan te'da susinna na te'da cappa'na.

Daniel 2:31

Susimi tee to pengkita takita: Den mesa' tau-tau jio olota'. Ia joo patung liwa' tonggo, cumbia'-bia' na melajatan.

Daniel 4:22

Oo puang, kita'mo dipasangrapang joo barana', to samatonggo-tonggona na mawatang ratu de' langi'. Susimi joo kamala'biranta' sakerangngan-rangnganna na kakuasanta' ratu lako lili'na lino.