Daniel 4:35 - Alkitab Duri

³⁵ Sininna tolino te'da bua'na. Ia to malaeka' jao suruga sola tolino Nakuasai ngasan Allataala. Te'da tau ngkullei nnewai to pakkaeloran-Na ba'tu mekutana, ‘Apara Tapugauk?’

Daniel 4:35 Referans Kwoze

Efesus 1:11

Ia to napugauk-Na Puang Allataala, napasituru' tarruhhi akkatta-Na sola pakkaeloran-Na to pura napattantumo. Ia tonna te'dapa nadipaden tee lino napileimiki', sanga madoangngi antamenjaji umma'-Na, nasaba' memmesa'ki' sola Almaseh.

Jamanna Rasulu' 4:28

Mesa' penawai la mbuno Puang Isa. Apa sitonganna ia to kadibunoanna, tapattantu jolomo la jaji situru' kuasan-Ta' na pakkaeloran-Ta'.

1 Korintus 10:22

Ia ke tapugaukki susi joo, mpamagalliriki' Puang. Tasangaraka kumua la'bih mawatangki' na Ia?

1 Korintus 2:16

Te'da nakullei, sanga den diuki' lan Sura' Allataala kumua, “Te'da tau nnissenni to lan penawan-Na Puang anna wa'ding mpakainga'i.” Apa ia to lan penawanta' susi to lan penawan-Na Almaseh.

Jamanna Rasulu' 5:39

Apa ia ke pole jioi mai Puang Allataala, te'da mikullei la ntaloii. Wa'ding pajan undinna kumua tonnewara kamu' Puang Allataala.” Natarima tuu lako Pangbicara Agama joo pangpangngingaranna Gamaliel.

Kada Bulawan 21:30

Moi samatumbanna kamaccanna sola kamapahanganna na akkattana tolino, te'da nakullei la ncau' Puang Allataala.

Jamanna Rasulu' 9:5

Nakutanaimi Saulus nakua, “Ie', indariki' kita' Puang?” Napebalii nakua, “Aku'mo Puang Isa to musessa.

Jamanna Rasulu' 11:17

Jaji manassa naben too Puang Allataala Roh Allataala to bangsa tangngia to-Yahudi, susi to nabenki' tontamatappa' lako Puang Isa Almaseh. Iamo joo naumbo la kukua hhalangngii to Puang?”

Daniel 6:27

Kupangparentan lako sininna tau to torro lan kaparentanku' anna taratte'i to Allataala to tuo te'da anggena to nasompa Daniel. Ia to karajaan-Na te'da na la lanynya' na ia to kamangparentan-Na te'da anggena.

Yunus 1:14

Iamo joo namassambajang lako PUANG Allataala nakua, “Oo PUANG, meta'dakan danggi' Tapasalakan ke kibuangngi tee tau do' tasik to te'da nakasalan lako kami'. Oo PUANG, pakkaeloran-Ta'mo to jaji.”

Yosua 2:2

Denmi tau male mpaui lako rajana to-Yerikho kumua, “Den to-Israel ratu tee bongi mmata-matai kampongta'.”