Daniel 2:37 - Alkitab Duri

³⁷ Tomala'bihku' Raja Nebukadnezar, kita'mo raja mala'bih jio mai sininna raja. Nabenmiki' Allataala jao suruga tee kaparentan, kakuasan, kamawatangan sola kamala'biran.

Daniel 2:37 Referans Kwoze

Daniel 5:18

Nakua toopa Daniel, “Ie', ia to Nebukadnezar ambe'ta', Allataala Tomala'bih mpupenjajii raja lompo Nabenni kakuasan, kamawatangan sola kamala'biran.

Pengkitanna Yahya 17:14

Namane' mangrari joo olok-olok sola tuu lako raja nnewa Anak Bembala'. Apa ia joo Anak Bembala' ntaloi sola tau matappa'-Na, sanga iamo Puangna sininna puang na Rajana sininna raja.” Ia to taun-Na, iamo to mangka napilei anna pakedoi penawanna.

Pengkitanna Yahya 5:12

makkelong nnandongngi gamaranna nakua, “Ia joo Anak Bembala' mangka digere', sipato' ntarima kuasa, kasugiran, kapaissenan sola kamawatangan. Nang sipato' ia dikasiri', dipakala'bih, na dipuji.”

Pengkitanna Yahya 4:11

“Oo, Puangki' Puang Allataala to kisompa! Kita' manda to sipato' ntarima passompa, kamala'biran na kuasa. Nasaba' Kita'mo mpaden ngasanni to sininna apa, na den ngasanmo, natuo, nasaba' pakkaeloran-Ta'.”

Pengkitanna Yahya 1:5

Ia to Puang Isa sa'bi maruruh. Iamo bungah dipatuo jio mai kamatean. Ia toomo ngkuasai sininna raja lan lino. Napakamoja'ki' namate anna la'paranmiki' jio mai dosata'.

Yahya 19:11

Mebalii Puang Isa nakua, “Ianna te'da nabenki' Puang Allataala joo kuasa, te'da lalo takullei ngkuasaina'. Iamo joo, na ia to tompangpejokkoanna', la'bih matonggo ia dosana na kita'.”

Matius 6:13

Danggi' taelorankan ta'de kamatapparanki' ke disedekan mpugauk dosa, apa la'parankan jio mai kuasanna Ballisi'. [Nasaba' Rajaki', makuasaki' na mala'bihki' te'da cappa'na. Amin.]

Daniel 4:34

Apa ia tonna ganna'mo pitung taun, ia tee aku' Nebukadnezar, mentingngarana' de' langi', na pole pole' to pangngingaranku'. Ta'pa kupujii, kupakala'bihhi kusompai Allataala Tomala'bih, to tuo te'da anggena. Kupakala'bihhi, nasaba' ia to kamakuasan-Na sola kaparentan-Na te'da anggena.

Daniel 4:32

La diula'iki' jio mai tangngana tau, tamale tuo sola olok-olok masia'. Na reu la mukande susi sapin. La susiko joo pitung taun masainna, arannai muakui kumua ia to Allataala Tomala'bih ngkuasai karajaanna tolino. Nampangbengan kuasa lako inda to Nakadoangngi la mangparenta.’

Daniel 4:25

La diula'iki' jio mai tangngana tobuda, tamale tuo sola olok-olok masia'. Pitung taun masainta' la ngkande reu susi sapin, nabosokki bangki' ambun jao mai langi'. Mangkai joo too, mane'ri la taakui kumua ia to Allataala Tomala'bih ngkuasai karajaanna tolino. Nampangbengan kuasa lako inda to nakadoangngi la mangparenta.

Daniel 4:3

Liwa' mala'bih to tanda mejangngaran Napugauk. Ia to kaparentan-Na, mangpapa'-papa' te'da anggena.

Kada Bulawan 8:15

Aku' ntulungngi to sininna raja namangparenta melo, kutulung tooi to tomapangka' ngkabua' atoran maruruh.

Pengkitanna Yahya 19:16

Den sanga diuki' jio pakean malando-Na na upan-Na, “Rajana sininna raja na Puangna sininna puang.”

Daniel 1:2

Naeloranni Puang Allataala ntaloi to Raja Yoyakim, narampai pira' to parewanan makarama' to dipake massompa lan Bola Puang Allataala. Ia to tonatalo Raja Nebukadnezar, napali'i lako Babel, na ia joo parewanan dipake massompa mangka narampa, nabawai lako bola dewata to nasompa naannai jio ngenan to dinii nnanna parewanan makarama'.

Daniel 2:44

Mangkamo takita to batu lan tindota', to kumua te'da ia tau rrumbui, na tilu'bak jao mai buntu, nabasai nasisarambuan joo patung to dikabua' jio mai bassi, tambaga, litak pitti', salaka na bulawan. Battuananna: ia tonna mangparenta unapa to raja, ia to Allataala jao suruga la mpaden kaparentan tatta' te'da anggena, na te'da lalo ia to bangsa la ntaloi. Kaparentan iamo joo la nnancuru'i joo appa' kaparentan. Napangpeissenanni Allataala Tomala'bih lako kita' to apa la dioloi lako. Ia joo tindo wa'ding dikatappa'i, na ia to battuananna kupau tongan.”

Daniel 4:22

Oo puang, kita'mo dipasangrapang joo barana', to samatonggo-tonggona na mawatang ratu de' langi'. Susimi joo kamala'biranta' sakerangngan-rangnganna na kakuasanta' ratu lako lili'na lino.

Daniel 7:14

Namane' dibarakka'i kakuasan sola kamala'biran menjaji raja joo Anak Mentolino, arannai ratu to tau jio mai sininna bangsa, rapu tau na basa ssompai. Ia to kakuasanna tatta' te'da anggena, na ia to kaparentanna te'da nalata'de.

Daniel 2:31

Susimi tee to pengkita takita: Den mesa' tau-tau jio olota'. Ia joo patung liwa' tonggo, cumbia'-bia' na melajatan.

Daniel 4:19

Takkajanna'i na malaja' Daniel to disanga too Beltsazar. Apa ia tee aku' raja mangkada omo' kukua, ‘Beltsazar, danggi' mupuselangngi joo tindo sola battuananna!’ Mebalii Beltsazar nakua, ‘Ie' kita' puang, ma'namo na ewata' la natula to apa jaji lan tindota', danggi'mo na kita'!