Daniel 2:18 - Alkitab Duri

¹⁸ Nasuai Daniel to soba'na namassambajang lako Allataala jao suruga, dennaa upa' Namamase lako sola ngasanni, Napakitanni joo tindo te'dapa nadiissen, dikua na danggi' nadipatei, moi to tomacca laen jio tana Babel.

Daniel 2:18 Referans Kwoze

Matius 18:19

Na la miingaran too kumua, ia ke den kamu' dua tau mesa' penawa massambajang meta'da lako Ambe'-Ku' jao suruga, nang la diben kamu' to mipeta'danna.

Matius 18:12

Matumbai pahangmi? Ia ke denni tau nnampui saratuh bembala', nata'de mesa', apara la napugauk to puangna? Tantu la napatorroi to kasera pulona kasera jio sare buntu, namale ntiroi joo ta'dena.

2 Petrus 2:9

Jaji, naissenmo Puang Allataala to apa la napugauk mpasalama' taun-Na ke maparri'i. Naissen too Puang Allataala ntarungkui to togaja' anna sessai ke Kiama'mi lino.

Roma 15:30

Ee, tokupusile'to! Meta'dana' mitongan-tongannii massambajang lako Puang Allataala mpassambajanganna', susi to kupassambajangan. Meta'dana' susi tee, nasaba' memmesa' penawamiki' sola Puangta' Puang Isa Almaseh na sipakamoja' toomiki', nasaba' Roh Allataala.

Jamanna Rasulu' 12:4

Ia tonna dijokkomo, napangpesuanni nadipatama pangtarungkuan. Patang torroan surudadu jio disua nnampaii. Ia to sangtorroan sia'pa' surudadu lan. Akkattana mangkapi pangramean Paskah, namane' mbicarai to kara-karana jio olona tobuda.

Daniel 3:17

Ia to Allataala kisompa ngkullei la mpasalama'kan jio mai joo api to gaja liwa' lussu. Nang la Nala'parankan jio mai kuasanta'.

Daniel 2:23

Oo Allataala to nasompa tojoloku', kupuji-Ki', kupakala'bih too-Ki', nasaba' Tabenmo' kapaissenan sola kamawatangan. Tatarimami to peta'danki'. Na mangkamokan Tapakitan to apa la kipebalian raja.”

Daniel 4:26

Na ia to parentana malaeka' kumua ajan bangmi lan litak to garonto' sola waka'na battuananna: La mangparenta pole'ki' ke mangkai taakui kumua nang Allataala jao suruga to makuasa.

Yunus 1:9

Napebalii Nabi Yunus nakua, “To-Ibranina', to ssompana' PUANG Allataala. Iamo Puang jao suruga, to mpajaji tasik sola gantanan.”