Biblia Todo Logo
Bib sou entènèt

- Piblisite -




Daniel 12:7 - Alkitab Duri

7 Ia joo malaeka' mangrupa tau, nnangka' dua limanna de' langi' na massapah jio olo-Na Puang Allataala to tuo te'da anggena, nakua, ‘La jaji tallung taun sitangnga masainna. Ianna mangkamo diancuru' to kamawatanganna umma'-Na Puang Allataala, mane'ri dianggei joo apa jaji.’

Gade chapit la Kopi




Daniel 12:7
30 Referans Kwoze  

La mpaui kada to nnewa Allataala Tomala'bih, nasessa tooi to umma'-Na. La mpengkulle-kullei ssullei atoran sola wattu pangmaroasan to mangka Napattantu Allataala, naparentai to umma'-Na Allataala tallung taun sitangnga.


Apa ia joo baine dibenni dua pani' langkan tedong matonggo napake mentia' lako padang pallawangan to dinii njaranaii tallung taun sitangnga anna salama' jio mai kamabirisanna joo ulah ba'tu Ballisi'.


Naliwa' mawatang, apa tangngia kamawatanganna mesa. La nacappu'i ngasan sininna to tonnewai. Ia to apa nakadoangngi la keassele' ngasan. La nataloi to tomakuasa, na la nnancuru' too umma'-Na Allataala.


Ia joo olok-olok dieloran mangparenta patang pulo dua bulanna na mpau kada matampo to ncapa' Puang Allataala,


Ia joo baine palaii lako ngenan to mangkamo napasadianni Puang jio padang pallawangan anna dijaranai jio sangsa'bu dua ratuh annan pulona allona.


Denni to la dipa'dangngi, den tooi to la dijokko nadipali' lako mangrupa-rupa tondok. Na ia to bangsa tangngia to-Yahudi la ssolang-solangngi joo kota Yerusalem angge wattu to napattantu Puang.”


Apa ia tonna ganna'mo pitung taun, ia tee aku' Nebukadnezar, mentingngarana' de' langi', na pole pole' to pangngingaranku'. Ta'pa kupujii, kupakala'bihhi kusompai Allataala Tomala'bih, to tuo te'da anggena. Kupakala'bihhi, nasaba' ia to kamakuasan-Na sola kaparentan-Na te'da anggena.


Apa kamu'mo to bangsa napileimo Puang Allataala, ammimenjaji imangna Raja to mipangjaman. Napupenjaji kamu' bangsa to disarakki jio mai bangsa laen ammimenjaji tau mesan-Na. Napileimo kamu' la mpangpeissenan panggaukan-Na to te'da susinna. Iamo ntambai kamu' messun lan mai kamasolangan, ammimentama kamasannangan to liwa' mejangngaran.


Kukita unapi to malaeka' mangrupa tau jaoanna sa'dan to kukita ba'tu piran. Mekutanami sala mesa'na joo malaeka' ke'deh jio randan sa'dan lako joo malaeka' mangrupa tau nakua, ‘Pirara masainna la jaji joo kamaparrisan la'da' te'da susinna?’


Mangpenduannami to raja jajanna liu mpasadia buda surudadu, la'bih budapa na ia tonna jolona. Ia ke wattunnamo malemi mangrari mbawa surudadu kamban sola buda parewa dipake mangrari.


Mebalii joo malaeka' mesa' nakua, “Ia joo, la jaji ke mangkai 2300 pangkaroba to dipugauk makale' na karuen 1150 allona. Mangkai joo too dipemaceroi pole'mi to Bola Puang Allataala.”


Danggi' mipuselangngi to apa la mipau mpangngewai kalemi.


Ia tonna massompa, mangpakala'bih na mangkurru sumanga' susi joo lako Puang to cumadokko jao cadokkoan mala'bih lan tangnga, to tuo te'da cappa'na, ia joo duang pulo a'pa' tomatua-tua pada suju' ratu do' litak ssompai, napalenna'i to mahkota bulawanna lako olo cadokkoan-Na, namangkada nakua,


Mentingngarana' kukita mesa' tau mangpakean kaen lenan na mangsaripi bulawan massang jio mai Ufas.


Ia tee aku' Daniel, kusa'ding ngasan to kada napau malaeka', apa te'da kupahangngi apa battuananna joo nasanga. Jaji kukutanaii kukua, ‘Ie' puang, apara la jaji ke cappa'mi joo kajajian la'da'?’


Te'dapa kumangka mangkada, nadenmo gamara mangkada jao mai langi' nakua, ‘Ee Raja Nebukadnezar, pesa'dingngii tee kadang-Ku', to kumua ia to kakuasanmu mangparenta la dialaimoko.


Na kukitai joo tanduk biccu' mangrari nnewa umma'-Na Allataala na ci'di'mora nataloi.


Swiv nou:

Piblisite


Piblisite