Daniel 12:10 - Alkitab Duri

¹⁰ Buda tau la diuji kamatapparanna, namacero te'da caccana. Apa ia to togaja', tatta'i ia gaja'. Te'da nalampahangngi joo tau to akkatta-Na Puang Allataala. Apa ia to tomacca mangpangngajaran kameloan la mapahang.

Daniel 12:10 Referans Kwoze

Pengkitanna Yahya 22:11

Ia to tompugauk bang kagajatan, ake' ia too napatarruh bangngi mpugauk kagajatan, ia to tocarepa, ake' too napatarruh bangngi ia ncarepai kalena, ia to tonturu' pakkaeloran-Na Puang Allataala ake' too napatarruh bangngi ia mpugaukki to pangkabudaian-Na Puang Allataala, ia to taun-Na Puang Allataala ake' too naputau tarruhhi Puang Allataala.”

Daniel 11:35

Ba'tu pira-pira to tomacca mangpangngajah melo la dipatei, apa ia joo menjaji pecoba lako umma'-Na Puang Allataala namacero te'da caccana ratu lako Kama'na lino, iamo wattu to mangka Napattantu Puang Allataala.

Yahya 8:47

Ia to topole jio mai Puang Allataala nakabudai mpesa'dingngi kadan-Na Puang Allataala. Apa ia to kamu' cia' kamu' mpesa'dingngii, sanga te'da mipole jio mai Puang Allataala.”

1 Yahya 5:20

Taissenmo kumua mangkamo mentolino to Anak Allataala na mangka toomo mbenki' kapaissenan, antawa'ding nnissenni indara to Puang tongan. Mesa' penawamiki' sola Puang Allataala tongan, sanga mesa' penawamiki' sola Anak Allataala, Puang Isa Almaseh. Iamo Puang Allataala tongan, to mpangben katuoan melo te'da cappa'na.

Yahya 7:17

Ia ke den tau madoang nturu' pakkaeloran-Na Puang Allataala, la naissen kumua pole umbora tee pangngajaran-Ku'. La naissen kumua pole jioraka mai Puang Allataala, iarika pangngajaran-Ku' Aku'.

Lukas 24:25

Nakuamo Puang Isa lako, “Ee, nang bango' kamu'! Ciapari migaja sussa ngkatappa'i ngasanni to pura napasan nabi!

Pengkitanna Yahya 3:18

Jaji kupakainga' kamu' kumua allii to bulawan matasak lako Aku' misugih. Allii to pakean mabusa mipakei, danggi' mimangkale-kale mesirisan nakita tau. Mialli tooi to pejampi misapuanni matammi, nawa'ding pakita.

Kada Bulawan 1:5

Melo ke ia to tomacca mangpesa'ding, na sakerangngan-rangnganna to kapaissenanna, na ia to tomapahang nnampa' pangpatuju

1 Petrus 1:7

Na ia joo kamaparrisan miperasai la menjaji butti kumua matappa' tongan kamu' lako Puang Isa Almaseh. Ia to bulawan disa'poi anna diissen kumua massangraka bulawan iarika tangngia. Susimi joo nadiparessa too to kamatapparanmi. Na ia joo kamatapparanmi la'bih keangga' na ia to bulawan la lanynya'. Na ia ke mangkamo kamu' diparessa, la napuji, la napamatande sola la napakala'bih kamu' Puang Allataala, ke ratu pole'mi Puang Isa Almaseh.

Daniel 11:33

Den tau to nnampui kamaccan la mpangpangngajaran kameloan na buda tau mapahang, apa te'da namasain. Ba'tu pira-pira joo tomacca la dipatei lan kapararian ba'tu nakande api na den too to dirampo' na ditarungku.

Pengkitanna Yahya 19:14

Ia to surudadunna suruga undi nturu'i ssakei nyarang mabusa, namangpakean lenan mabuccang macerrong.

Pengkitanna Yahya 19:8

Ia to pakean kaen lenan cundallak dibenni la napake.” (Ia joo pakean kaen lenan iamo to panggaukan melo to napugauk umma'-Na Puang Allataala).

Pengkitanna Yahya 16:11

Anna tangdoi omi to Puang jao suruga, sanga kamapa'dikanna sola kasumerresanna bundangna. Apa te'da unapa namengkatoba' jio mai panggaukan gaja'na.

1 Petrus 1:22

Mangkamo mipemeloi to sipa'mi, sanga nturu'mo kamu' pangngajaran tongan jio mai Puang Allataala na danggi' mianggai'-gai' bangri mpakamoja' padammi tomatappa'. Iamo joo la sipakamoja' tongan kamu'.

Ibrani 12:10

Ia to ambe'ta' lan lino cingga'tu'ra nanii mpabalahhiki', situru' to apa nasanga melo. Apa la tapumelona kita' to pangpabalah-Na Puang Allataala, dikua antawa'ding messipa' melo takaba'ci too kagajatan susi to nakaba'ci Puang Allataala.

Titus 2:14

Mangkamo Ia mpangkaroban kalena la lla'bakki' jio mai sininna kagajatanta' napupenjajiki' umma'-Na to tangmadosa antatatta' too mpugauk kameloan.

2 Korintus 7:1

Ee, tomala'bihku' to kupakamoja'! Ia joo basse-Na Puang dipatujui ngasanki'. Iamo joo danggi'mo tapugauk sininna panggaukan sola pikkirisan tangmelo. La takalaja' takasiri' to Puang Allataala, anna te'da caccata' naputau mesaki'.

1 Korintus 6:11

Ba'tu pira-pira tau lan tangnga-tangngami massipa' susi joo tonna jolona. Apa ia tee too, ia to Puang Isa Almaseh sola Roh Allataala to pole jio mai Puangta' Puang Allataala mangka lla'paran kamu' jio mai kuasa dosa, na mpupenjaji tau mesan-Na kamu' Puang Allataala, sola napupenjaji tomelo kamu'.

Yahya 18:37

Mekutana omi Gubernur Pilatus lako Puang Isa nakua, “Ia ke susii joo, Rajarokoka?” Mebalii Puang Isa nakua, “Susi tuu tapaunna kumua Rajana'. Dijajianna' kumentama lino mesa'ra akkatta-Ku', iamo to la mpamanassa katonganan. Ia to topole jio mai katonganan, napesa'dingngina'.”

Markus 4:11

Nakuamo Puang Isa, “Dipaissennimo kamu' la nnissenni to apa tangnaissen tau kumua, la ratui Puang Allataala mangparenta susi Raja. Apa ia to tau laen diajahhi mpake pangpasusian,

Daniel 12:3

Ia to tomacca la nnampa' kamala'biran susi arrang jao langi' ba'tu susi bintuin to mangngarrang tarruh te'da cappa'na.’