Daniel 11:44 - Alkitab Duri

⁴⁴ Apa den kareba tangmelo jio mai kadellekan sola jaja mai la mpasabakanni, arannai raja jajanna liu gaja birih na la male mangrari la ncappu'i tau liwa' buda.

Daniel 11:44 Referans Kwoze

Pengkitanna Yahya 17:13

Ia tee sangpulo raja sangrupara akkattana, iamo to kamawatanganna sola kuasanna pada nabenni joo olok-olok.

Pengkitanna Yahya 16:12

Mangkai joo too ia to malaeka' mangpennannan mballuan issi isotanna lako Sa'dan Efrat to liwa' luah, na memmakase anna ia to raja jio mai kadellekan wa'ding ratu nnola jiong sa'dan.

Daniel 11:30

Saba' la ratui jio mai Siprus to to-Roma sola kappala'na rrarii, na memmalaja'. Gaja birihhi nalapole nnancuru' agamanna umma'-Na Puang Allataala. Napesa'dingngi to pangpakainga'na to tote'da pole'mo namatappa' lako Puang Allataala.

Daniel 11:11

Gaja birihhi joo raja lo'na liu, na ia kalena la male sola surudadunna sirari raja jajanna liu. Na moi la'bih buda surudadunna to raja jajanna liu apa nang la nataloi.

Daniel 11:43

La narampai to ewananna to-Mesir, susinna bulawan na salaka sola to ewananna makeangga'. La undi to to-Libia na to-Etiopia nturu'i.

Daniel 11:45

Na la mpake'dehhi tendana to gaja kassing jio paralla'na Tasik Tangnga na buntu maballo to nanii Bola Puang Allataala. Apa la matei. Na moi mesa' tau, te'da ngkullei ntulungngi.’