Daniel 11:33 - Alkitab Duri

³³ Den tau to nnampui kamaccan la mpangpangngajaran kameloan na buda tau mapahang, apa te'da namasain. Ba'tu pira-pira joo tomacca la dipatei lan kapararian ba'tu nakande api na den too to dirampo' na ditarungku.

Daniel 11:33 Referans Kwoze

Yahya 16:2

La diula'i kamu' lan mai bola passambajangan. La den too ia wattunna, na ia to tombuno kamu' nasangai kumua mpugaukki kameloan lako Puang Allataala.

Matius 24:9

Ia joo wattu la dijokko kamu' midisessa ammidibuno. La nakaba'ci kamu' sininna bangsa, nasaba' mituru'na'.

Pengkitanna Yahya 17:6

Angkukitai joo baine nalango rarana umma'-Na Puang Allataala sola rarana to tomangka nabuno, nasaba' ngkatappa'i Puang Isa. Ia tongkukitai joo baine jangngahna'.

Ibrani 11:34

nabosianni to api manglaka-laka, te'da nasi'da digajang pa'dang. Malamma, apa memmawatang, nabarani mangrari, anna buda surudadu bangsa laen natalo.

Daniel 12:10

Buda tau la diuji kamatapparanna, namacero te'da caccana. Apa ia to togaja', tatta'i ia gaja'. Te'da nalampahangngi joo tau to akkatta-Na Puang Allataala. Apa ia to tomacca mangpangngajaran kameloan la mapahang.

Pengkitanna Yahya 7:14

Kupebalii kukua, “Ie', te'da kita' kuissenni. Kita'ra la'bih nnissenni.” Nakuamo joo tomatua-tua ngkuanna', “Iamo tee mai to tosalama' jio mai pangsessa gaja parri'. Mangkami ssassa' pakean malandona mpake rarana Anak Bembala' namabusamo.

Pengkitanna Yahya 6:9

Ia tonna piakki to segel mangpellima, ta'pa kukitami bombona to tomangka dibuno, nasaba' mpangpeissenanni kadan-Na Puang Allataala sola mpaui kasa'bianna. Ia tuu lako bombo jioi do'na to ngenan pangkaroban

Pengkitanna Yahya 2:13

Kuissen to minii mari'pih, iamo to nanii mangparenta Ballisi'. Matappa' tonganmo kamu' lako Aku'. Susinna tonna dibuno tomatappa'-Ku' Antipas jio olomi to nanii Ballisi' torro, anna te'da mipessakkannina' kumua tangngiana' Puangmi.

Pengkitanna Yahya 1:9

Ia tee aku', Yahya, padammi tomatappa'. Dipakario-rio todana' susi kamu', sanga umma'-Na todana' Puang Allataala. Iami joo napasabbara' todana' Puang Isa susi kamu'. Dipali'na' ntee pulau Patmos, sanga mpangpeissenanna' kadan-Na Puang Allataala sola mpauna' kasa'bianku' to curitanna Puang Isa.

2 Timotius 4:6

Na ia tee aku', nadete'mi wattunna, la matena' butung karoba lako Puang Allataala. Te'damo namasai kusalaiko.

2 Timotius 1:12

Iamo joo angkumaparri' susi tee lan pangtarungkuan. Apa te'da kukasirisanni, nasaba' kukanassai inda to kukatappa'i. Na kuissen kumua apa to napabarakkanna', makuasa too njagai sanggenna Kiama' lino.

1 Korintus 4:9

Ia to passanganku', ia tee kami' rasulu' napileanmokan Puang Allataala to torroan kaminang majiong, sanga susikan to mangkamo dipapassanni pangsessa kamatean, nasikita-kitaikan sininna apa lan lino, la malaeka', la tolino.

Jamanna Rasulu' 14:21

Ia tonna mpangpeissenan Kareba Kasalamatan Paulus sola Barnabas jio kota Derbe, buda tau memmatappa' lako Puang Isa. Mangkai joo too polemi lako kota Listra, tarruh lako kota Ikonium, namane' lako kota Antiokhia jio tana Pisidia.

Jamanna Rasulu' 11:26

Ia tonna sitammumo, nasolanmi lako kota Antiokhia. Sangtaunni torro jio sola jamaa na nnajahhi buda tau. Jiomo dinii pamula ssangaii Tosarani to tomatappa' lako Puang Isa.

Matius 28:20

Ajahhii anna pugaukki sininna to apa mangka kuparentan kamu'! Ingaranni kumua, la kusolan tarruh kamu' ratu lako tampakkana lino.”

Matius 20:23

Nakuamo Puang Isa, “Nang la mipumaparri' ia to kamaparrisan-Ku'. Apa ia to la cumadokko jio kairi kanan-Ku', tangngia issen-Ku'. Ia joo pura napattantumo ia Ambe'-Ku' Puang Allataala, inda to la napajio.”

Matius 13:11

Nakuamo Puang Isa mebali, “Dibenmo kamu' barakka' la nnissenni to apa tangnaissen tau kumua la ratui Puang Allataala mangparenta susi Raja, apa ia to tau laen te'da nadipaissenni.

Matius 10:21

La nakaba'ci kamu' buda tau, nasaba' mikatappa'ina'. Na la jaji susi tee, tomassile'to mpangpebunoan sile'tona. Susi toda ambe' lako anakkana. Anak nnewa tomatuanna, napangpebunoanni. Apa ia to tomatappa' tarruh ratu lako ssalainna lino la dipasalama'.